JEM 1:1 - Bawm Common Language Bible Version

¹ Jem, Pathian leh Lalpa Jisu Krist to-aw nih Pathian mi phun leinih laikulh pumpi ah anna rekrâwi mi tla chu chibai a bûk na.

JEM 1:1 ပူးပေါင်းရင်းမြစ်များ

1 Lal 18:31

Pathian nih a min ah Israel ti hen a sak mi Jakob fapa tla phun leinih min hen lung leinih a sar, phun khat rangah pakhat vima ding hen.

Ezra lasuibu 6:17

Chu Biakin apnâk rangah chun chawchal zâ, dawrâ zanih, dawrâ fa zali bâwlnâk ah an ap le, kêl leinih chu sual rangah apnâk ah an mang, Israel phun khat ah pakhat vima ding hen.

ESTHER 3:8

Churawhchun, Haman nih lal sinah, “Na ram sung zawzawngah phun pakhat rek thu hen an um mi an um. Midang ti mi hen banglo tak mi dân an nei. Chu lâwng khawm silo hen ram pumpi dân an zûl duh loh, chubang tla umdân chu na sâithiam kâng asi lai loh.

EXODUS 24:4

Mosi nih LALPA thupêk zawzawng chu a rîn rawh. A thâizîng zîngtê ah Mosi nih tlâng bul ah mâichâm a siam le, Israel fa phun zat, lung leinih a chuanh.

EXODUS 28:21

Hi lung leinih lakah hin Israel phun tla zauhtirnâk ding hen Jakob fapa tla min lung pakhat lakah min pakhat rîn vima ding asi.

EXODUS 39:14

Lung leinih chu Israel phun leinih zauhtirnâk asi le, chu lung pakhat lakah Jakob fapa pakhat vima min rîn asi.

EZEKIEL 12:15

“Phundang tla nâwngah leh ramdang ah ka rekrâwitir ver na tikah kei, LALPA kasi mi an theih lai rawh.

LEVITICUS 26:33

Nan tlûnah râltuknâk ka hawng tlungtir lai le, ramdang leiah nanna thektham ver lai. Nan ram tla a karo hen a um lai le, nan khuapi tla râwk hen a um lai.

MATHAI 10:3

Philip leh Bartholomai, Thom leh siah khawlhtu Mathai, Alphai fapa Jem leh Thadai,

MATHAI 13:55

Hi minung hi thing hen thil siamtu fapa kha asi lo mazei? A nu chu Mari an ti mi asi lo mazei? A unau tla khawm Jem, Josef, Simon leh Juda an ti mi tla chu an si lo mazei?

MATHAI 19:28

Chun, Jisu nih an sinah, “Thungâi tak hen ka nan simh na, Siamtharnâk ah chun Minung Fapa a rokualnâk tophah ah a to tikah, nannih hawng ka zûltu tla hi, Israel phun leinih tla chu lâirêl hen, laltophah leinih lakah nan to bâk teh lai.

MARK 3:18

Andri, Philip, Bartholomai, Mathai, Thom, Alphai fapa Jem, Thadai, Kana mi Simon leh

LUK 6:15

Mathai leh Thom, Alphai fapa Jem, Simon, (Zelot an ti mi)

JOHAN 12:26

Âuzawng nih ka rian a ṭuan chun hawng ka zûl seh; ka umnâk ah ka to-aw khawm a um lai. Âuzawng nih ka rian a ṭuan chun anih chu Pa nih a chawnglawmh lai.

JOHAN 7:35

Chun, Juda tla anna sâwn le, “Kan muh lo ding hen hi minung hi a zeime a kal awt? Greek tla sinah Juda ṭiau rekrâwi tla sinah kal hen Greek tla chu a sîntir na awt masi?

THILTI 1:13

Chun, an lût hen an umnâk kardang tlûn dauh ah chun an kâi le: Peter, Johan, Jem leh Andri hen, Philip leh Thom hen, Bartholomai leh Mathai hen, Alphai fapa Jem leh Simon Zelot murui a mi leh Jem fapa Juda hen an si.

THILTI 12:17

Chun, anih nih chun an dâisipnâk ding hen a kut a vei. Lalpa nih rêngin thawk hen amah a suah zia tla chu a simh na rawh. Chun, “Hi bang thu hi Jem leh unau tla va simh na u,” a ti. Chun, a suak le, a dang leiah a kal rawh.

THILTI 15:13

Chun, an sim thluh nûnah Jem nih a sim bâk le: “Unau tla ka thu ngâi u.

THILTI 15:21

Mosi nih tuan liau thawk hen khua kip ah a thu simpitu a nei tâwn le, pumhnâk in ah Dinhni kip ah a thu chu rêl asi tâwn kha,” a ti.

THILTI 15:23

Chun, hi hâwi hen lasui an rîn le, an kut ah an kuat: “Mifial tla leh upa tla, nan unau tla nih Antiokei khua tla, Siria ram tla leh Kiliki ram ah Phundang unau um tla chibai kan bûk na.

THILTI 2:5

Chun, laikulh ah phun kip lakah thawk hen Pathian sunhsak mi Juda tla Jerusalem ah an um.

THILTI 21:18

A thâituan ah chun Pawl le hen Jem va veh ding hen kan kal; chunah chun kawhmi upa tla zawzawng khawm an um.

THILTI 23:26

“Klaudia Lusia nih Felik Lâirêltu ṭha chem chibai a bûk.

THILTI 26:7

chu thutiam chu ka phun leinih nih a sûn a zân hen Pathian rian ṭhanemngâi tak a ṭuan hen tawng ding an lungum tâwn. Aw Lalchem, chubang lungumnâk thu ruangah chun Juda tla nih an hawng ka phiar asi hi!

THILTI 8:1

Sawl khawm nih a thi mi chu rem a ti. Chun, chu ni ah chun Jerusalem ah kawhmi um tla chu nehsawh tuar anna dawmh rawh. Mifial tla cho lo chu lungtu zawzawng tla chu Judai leh Samaria ram khua kip ah anna rekrâwi ver rawh.

ROM 1:1

Pawl, Jisu Krist to-aw, mifial siding hen kawh mi, a Thâwngthâng Ṭha sim ding hen Pathian nih a kawh mi nih chun:

GALATIA 1:19

Mifial dang tla lam chu Lalpa unau Jem cho lo chu âukhawm ka muh lo.

GALATIA 2:12

Mi âu tla mawh Jem thawk hen an hawng kal lânah chun anih nih chun Phundang tla sinah a ei tâwn, sikhawmsele, an hawng tlung kâ hen Phundang tla fêmtan ding hen duhpitu fêmtan mi tla chu a ṭih ruangah tel nawlh lo hen â thlei rawh.

GALATIA 2:9

zângfahnâk hawng ka pêk mi chu an theih khawm ah Jem, Peter leh Johan tla hotu ah an ruat mi tla nih chun kannih Phundang tla sinah kal ding leh annih fêmtan tla sinah kal ding hen kei leh Barnaba chu a kawmhnâk kut vawrhlei hawng kan pêk.

DEUTERONOMY 28:64

“LALPA nih phun zawzawng nâwng ah tual dawnghnâk khatlei thawk hen khatlei kâng a dawnghnâk tiang an rekrâwi tir na lai le, chunah chun lung leh thing hen siam mi pathian, a nan thlâk natu leh nanmah khawm nih a lânah nan sawnh dahlo mi rian nan ṭuan lai.

DEUTERONOMY 30:3

LALPA nan Pathian nih nan lakah khua a ruat lai. A nan rek na nâk phun lakah mi chu an kîrpi nawlh na lai le, sul-le-lam tluang tak hen an siam nawlh na lai.

DEUTERONOMY 32:26

An ektê hen ka veih dep na lai le, pakhat khawm theih an si lai lo rawh.

DEUTERONOMY 4:27

LALPA nih phundang nâwngah a nan rektir phin na lai le, chunah chun a thibang tâwmtê cho nan um lai.

PHILIPI 1:1

Pawl leh Timothe, Krist Jisu ah to-aw tla nih chun: Krist Jisu ah mi thenhlimh, Philipi khua ah um zawzawng tla sinah, kawhmi hotu tla leh rianṭuantu tla sinah khawm.

2 TIMOTHE 4:21

Busik lânah hawng kal rarâm rawh. Eubulas, Pudens, Linas leh Klaudia leh unau dang tla khawm nih chibai an bûk na.

TITA 1:1

Pawl, Pathian to-aw, zungzâl nungnâk lungum hen, Pathian thîm mi tla lungnâk leikângah leh Pathian sunhsak leikâng thudik theihnâk leikângah, Jisu Krist mifial ber nih chun,

1 PETER 1:1

Hi lasuikuat hi Jisu Krist mifial Peter thawk hen mi asi: Pontia ram, Galatia ram, Kapadokia ram, Asia ram leh Bithinia ram tla ah rekrâwi hen an um mi Pathian mi thîm tla rangah asi.

2 PETER 1:1

Simon Peter, Jisu Krist to-aw leh mifial thawk hen chun Jisu Krist kan Pathian leh ruangsuahtu repnâk ruangah zumhnâk sung tak kanna ting mi hâwi ting bâk mi tla sinah,

JUD 1:1

Jud, Jisu Krist to-aw leh a unaupa Jem nih chun- Pa Pathian zângfahnâk leh Jisu Krist kilkâwinâk ah um mi, kawhmi tla sinah chun:

THUPHUANG 7:4

Chun, Pathian singsiahnâk hen an chal ah an singsiah zat chu ka theih. Israel thlâk phun kip a mi nuai khat leh sîng li leh sâng li an singsiah rawh asi.