ISAI 9:7 - Bawm Common Language Bible Version

⁷ A lal thiltikhonâk chu a lian dadauh lai le; a lalram ah chun remnâk a um kumza lai. Lalchem David ruangrûl ah lâi a rêl lai le, a thiltikhonâk chu dik tak leh rep tak hen tu thawk hen tik dawngh tiang a um lai. LALPA Zeizawng tikho nih hi zawzawng ti ding a tum asi.

ISAI 9:7 ပူးပေါင်းရင်းမြစ်များ

2 SAMUEL 7:16

Thlâk tla na nei kumza lai le, na lalram chu ka siah kumza lai, na lalnâk chu a dawng lai loh, a ti,’ ” ti hen va simh.

2 Lal 19:31

LALPA nih hi thil hawng um ding mi a tum mi asi ruangah, a thibang tla chu Jerusalem leh Zion tlângah an um lai.

SAM 2:8

Hawng ka deih le, phun zawzawng ka nan pêk lai, tual pumpi na tâ asi lai.

ISAI 11:1

David thlâk lal chi chu thing hâu mi hâwi asi le; sikhawmsele a kûng bul lakah ṭeng thar tla a chawrh mi hâwi hen David thlâk tla thawk hen lal thar a hawng suak lai.

ISAI 16:5

Churawhchun, David thlâk lakah mi lal ah a um lai le, mi zapi lakah dâwtnâk leh zumhkâinâk hen lâi a rêl lai. Thil dik chu a ti sawm lai le, repnâk hen thilti asi mi tla chu a zauh lai.)

ISAI 2:4

Phun rokual tak lakah remlonâk thu ah lâi a rêl lai. An nâmsâu tla chu phâisen ah an dêng lai le, an fei tla chu phâisen nâwnnâk thîr zum rangah an dêng lai. Phun tla chu râltuk ding hen an kal lai lo rawh, râltuk ding khawm timhtuahnâk an nei lai lo rawh.

ISAI 26:11

Na mêlma tla nih na rêp na awt mi an theih lo. LALPA ningzak saih na le, tuartir na rawh; rêpnâk na timhtuah mi chu tuartir na. Na minung tla na dâwt na zia muhtir na.

ISAI 37:32

LALPA Zeizawng tikho nih hi bang hi hawng tlung ding hen a tum mi asi ruangah a thibang zapi tla chu Jerusalem ah leh Zion Tlângah an um lai.

ISAI 40:10

LALPA zahkâi chu a thiltikhonâk hen lâirêl ding hen a hawng kal le, ruang a suah na mi minung tla a sinah a hawngpi na.

ISAI 42:13

LALPA chu râltuk thiam mi hâwi hen tuk ding hen a kal le; râltuk ding hen thinlung thawk tak hen â timhtuah. Râltuk ding phuang hen a âu; a mêlma tla lakah a thiltikhonâk a langh.

JEREMIA 23:5

LALPA nih, “David thlâk rep tak lakah mi lalchem ka thîm ding mi tik chu a tlung rawh. Chu lal nih chun fing tak hen lâi a rêl lai le, dik tak leh rep tak hen ram pumpi ah thil a ti lai.

DANIAL 2:35

thîr leh valei, dâr, tangkasa, ngûn tla chu a mân le, ṭhalpini ah fâng zâpnâk mun ah mi vûisadip hâwi hen an um hep, thli nih a sêm phin, sikhawmsele chu lung chu a hawng lian le, tual pumpi a luah hep.

DANIAL 2:44

Chu liau lâirêltu san ah vân Pathian nih ram a hawng dirh lai. Dawngh ti a um lai lo rawh, neh hen a um lai lo rawh le, lalram zawzawng râwk hep hen a um lai le, zungzâl hen a um kumza lai rawh.

DANIAL 7:14

Phun zawzawng leh chi zawzawng leh hawlh zawzawng nih a rian an ṭuannâk ding hen a sinah thuneihnâk leh lal thiltikhonâk an pêk, a thuneihnâk leh a ram chu zungzâl tiang hen dawngh a nei lai lo.

DANIAL 7:27

Tual tlûnah lalram zawzawng rokualnâk leh thiltikhonâk chu Pathian mi rokual tla sinah pêk asi lai rawh. Lal thiltikhonâk anna ting mi chu a dawng lai lo rawh le, tual tlûnah lâirêltu zawzawng nih an rian an ṭuan piak na hen an thu an ngâi lai rawh,” a ti.

HAGAI LASUIBU 2:9

Biakin thar chu a li mi ngâk hen a rokual dauh lai le, chunah chun ka mi tla rangah sul-le-lam tluangnâk leh lungngamnâk ka pêk na lai,” LALPA Zeizawng tikhotu nih a ti.

JOHAN 12:34

Chun, mi zapi nih a sinah, “Mesia chu zungzâl hen a um kumza awt ti Dân ah kan theih; nangnih, ‘Minung Fapa thlâi hen a um ding asi,’ zeitin zia hen ti me na si? Chu Minung Fapa chu âu me asi?” an ti le, an sâng.

HEBRAI 1:8

Fapa leikâng thu ah lam chun Pathian nih, “Aw Pathian, na laltophah chu zungzâl hen a um ding hen asi, diknâk hen na ram tlûnah lâi na rêl.

HEBRAI 7:24

Jisu lam chu zungzâl um kumza mi asi le, a bâwlpu sinâk chu midang sinah pêk kho asi lo.

THUPHUANG 19:11

Chun, vân â awng mi ka muh le, chun, rang ngo leh a tlûnah â chuan mi, Zumhkâi leh Diktak, an ti mi chu ka muh le, anih nih chun rep tak hen lâi a rêl le, ral a do tâwn.