ISAI 9:4 - Bawm Common Language Bible Version

⁴ An dâr ah vuaknâk fung tla leh an ngâwng khimh rit tak tla na khiak piak na. A lânah Midian kawrsen tla na neh na mi hâwi hen na mi tla nehsawhtu leh naunehtu phun chu na neh rawh.

ISAI 9:4 ပူးပေါင်းရင်းမြစ်များ

GENESIS 27:40

Nangmah riamnâm hen na nung lai le, Na unaupa to-aw na si lai; Na hel tikah a thu tangah na um mi chu na suak teh lai,” a ti.

SAM 125:3

Misual tla nih mirep tla ram ah lâi an rêl lai lo le; chu hâwi an ti asi chun mirep tla khawm nih thilsual an ti kho awt.

SAM 81:6

Hâu theih kho lo nih a sim mi ka theih le, “Nan kêng ah nan thilrit phurh chu ka lâk le, tual rawh nan phurh mi thilrit chu kan thlâk piak na.

ISAI 10:16

Awrkâ thaw tak hen anna châwm mi tla sinah LALPA zeizawng tikho nih anmah rêp ding hen râi a fial awt. An tak lakah mei mâ hâwi a durh vima lai.

ISAI 10:5

LALPA nih, “Asiria! Asiria chu ka thinthawktirtu tla lakah rêp ding hen talhbo hâwi hen ka mang mi asi.

ISAI 14:25

Israel ram ah mi Asiria chu ka veih lai le, keimah tlâng tlûnah ka lamhbêk na lai. Ka mi tla Asiria liangbat leh an thilrit phurh lakah mi chu ka suah na lai.

ISAI 16:4

Nan ram ah kan um lai. Thah ding hen hawng kan tumtu lakah mi hawng kan hum u,” an ti. (Nâunehnâk leh siatnâk chu a dawng lai le, ram râwktu khawm an kal lai rawh.

ISAI 47:6

Ka mi tla lakah ka ro a thawk le; ka tâ silo rawh mi hâwi hen ka ti na. Na thu thu hen ka siah na le, an lakah khuaruatnâk na langhtir lo le; upa tiang khawm fâk tak hen na ti na.

ISAI 49:26

An nehsawhtu tla chu anmah leh anmah ka thahtir na lai; mi thah duhnâk leh thinthawknâk thinlung an put lai. Churawhchun, minung zawzawng nih Kei LALPA kasi mi leh a nan humtu leh thawsuak tak hen a nan suahtu kasi ti an theih lai. Israel Pathian thiltikho tak kasi zia an theih lai rawh,” ti hen a sâng.

ISAI 51:13

LALPA a nan siamtu vân pharhtu leh tual lungphûm phûmtu na philh rawh na maw? A nan veih ding hen a timhtuah mi leh a nan nehsawhtu thinrunhnâk ṭih kumza hen zei rangah na um? An thinthawknâk nih a nan tawngh kumza kho lai lo.

ISAI 52:2

Jerusalem, thawsuak tak hen a lît rawh! Valeidip lakah mi thawk le, na laltophah tlûnah to! Zion ah mi saltâng tla, rêng a nan khimh na mi sût!

ISAI 54:14

Diknâk leh repnâk nih a nan chaktir lai. Nehsawhnâk leh ningṭihnâk lakah mi chu na him lai rawh.

ISAI 9:5

Rûntu kawrsen pheikawk tla leh an thisen buaih mi nipuan tla chu mei nih a khangh hep lai.

JEREMIA 30:8

LALPA, Zeizawng tikho nih: “Chu ni a hawng tlung tik chun, an ngâwng ah mi liangbat chu ka khiak lai le, an rêngkhimh ka sût piak na lai le, ramdang mi sal an si lai lo rawh.

JEREMIA 48:17

A kiangkam ah umtu, a minthangnâk theihtu tla, chu phun tla chu lungfâkpi na u. A lâirêlnâk thiltikhonâk chu â râwk rawh; a rokualnâk leh a chaknâk khawm a um lo rawh,’ ti u.

LEVITICUS 26:13

Kei, LALPA nan Pathian nih Aigupta mi kan suakpi na le, churuang chun sal ah nan um lai lo rawh. Nanmah an niamtir natu thiltikhonâk chu ka râwk rawh, thawsuak hen kan kaltir na rawh,” a ti.

NAHUM 1:13

Tu lam chun nan tlûnah Asiria thuneihnâk chu ka dawnghtir lai rawh le, a nan phuarnâk rêngri chu ka sah lai rawh,” a ti.