ISAI 9:3 - Bawm Common Language Bible Version

³ LALPA nangnih lâwmnâk rokual tak na pêk na le; Lâwptlo hen na siam na. Mi tla an fângzûn liauah anna lâwm mi hâwi hen mawh râltuknâk ah an kal mi neih anna ṭhen liauah anna lâwm mi hâwi hen thil na ti mi lakah anna lâwm.

ISAI 9:3 ပူးပေါင်းရင်းမြစ်များ

NEHEMIAH 9:23

Vân ah ârfi zat hen fa tla na pêk na le, anmah thlâktu tla rangah pêk ding hen na tiamh mi ram na nehtir na hen a sungah na umtir na.

JOB LASUIBU 12:23

Phun tla chu chak leh rokual hen a siam na le, sikhawmsele, a neh na hen a veih na.

SAM 107:38

A mi tla chu mal a sâwm na le, fa tam tak an nei, an ranrual a vei ding mi chu a hum piak na.

SAM 119:162

Na thutiam ruangah thungâi ka lâwm, mi nih neihnâk ting hen â lâwm mi hâwi kasi.

SAM 4:7

Uain leh fâng tla an nei tâwn mi ngâk hen, lâwmnâk na ka pêk mi chu a tam dauh.

ISAI 10:26

Kei, LALPA Zeizawng tikho nih Midian tla Oreb lungpi ah ka vuak na mi hâwi hen ka vuakfung hen ka vuak na lai. Asiria mi tla chu Aigupta ka rêp na mi hâwi hen ka rêp na awt.

ISAI 12:1

Mi zapi tla la sak ding mi ni a hawng tlung awt rawh. “LALPA ka lakah na thin a run le, Sikhawmsele, tu lam chun na thinthawk lo rawh le, thla na ka ngamh ruangah ka nan sawr lai.

ISAI 14:5

LALPA nih chun lâirêltu sual,

ISAI 25:9

Chu chu a hawng tlung tik chun, mikip nih, “Kan Pathian asi! Amah chu kan rinhsan le, ruang hawng kan suah rawh. Amah chu LALPA asi! Amah chu kan rinhsan le, tu chun ruang hawng kan suah ruangah kan lâwptlo hen kanna lâwm rawh,” an ti.

ISAI 26:15

LALPA, kan phun tla na ṭhangtir le, zei leikâng zawng ah a ram chu na kauh le, chu nih chun na rangah zahkâi tak hen a nan siam.

ISAI 35:10

Jerusalem chu lâwm bû hen an va tleng lai le, la an sak lai le, lâwm ruangah an âu lai. Anna lâwm kumza lai le, ngaihsiat leh lungzûrnâk kumleza hen an nei lai lo rawh.

ISAI 35:2

Ramkaro chu lâwm hen la sak hen a âu lai le, Lebanon tlang â dawh mi hâwi leh Saron leh Karmel phâisen a ningno mi hâwi asi lai. Mikip nih LALPA lianh zia leh rokual zia leh thiltikhonâk an muh lai.

ISAI 54:1

Jerusalem, nang chu nunau fa nei lo hâwi na si le, sikhawmsele tu lam chu lâwm ruangah la sak hen âu kho na si rawh. Tu chun nunau, a pasal nih a umpi kumza mi ngâk hen fa tam dauh na nei lai.

ISAI 55:12

Babulon chu lâwm bû hen nan kaltâk lai le, chu khuapi lakah mi chu thlangam tak hen nan suak lai. Tlâng sâng tla leh tlâng tênâu chu la sak hen hâu an suah lai le thing tla chu lâwm hen an âu lai.

ISAI 61:10

Jerusalem, LALPA nih thil a ti mi ruangah a lâwm rawh. Anih chu umh liauah â thuam mi hâwi asi. Pathian nih ruangsuahnâk leh nehnâk puan a aihtir.

ISAI 61:7

Nan mualphonâk leh ningzaknâk a dawng rawh. Nanmah ram takah nan um lai le, Nan neih chu a leh khat hen a pung lai le, Nan a lâwmnâk chu zungzâl tiang asi lai.

ISAI 65:14

Annih chu lâwm ruangah la an sak lai le, sikhawmsele nannih chu thinlung fâk tak hen nan ṭap lai.

ISAI 65:18

Ka thilsiam lakah a lâwm ule, lâwptlo u. Jerusalem ka siam mi chu lâwmnâk hen a khat lai le, a mi tla khawm anna lâwm lai.

ISAI 66:10

Nannih hi khuapi duhtu zawzawng tla, Jerusalem lakah lâwptlo ule! Amah ruangah a lâwm u! Amah ruangah lungfâktu zawzawng tla, tuah a lakah a lâwm u!

JEREMIA 31:7

LALPA nih, “Phun zawzawng lakah phun rokual chem Israel rangah lâwm hen la sak u. A vei bang, LALPA nih a mi tla ruang a suah na rawh ruangah sawrnâk la sak u.

HOSEA 4:7

“Nan lakah bâwlpu an tam bilik leh ka lakah nun sualtu nan tam; churuangah zah nan kâinâk chu nan rangah ningzakkâinâk ah ka siam lai.

LEVITICUS 26:13

Kei, LALPA nan Pathian nih Aigupta mi kan suakpi na le, churuang chun sal ah nan um lai lo rawh. Nanmah an niamtir natu thiltikhonâk chu ka râwk rawh, thawsuak hen kan kaltir na rawh,” a ti.

ZEKARIA 10:8

“Ka mi tla chu ka kawh na lai le, munkhat ah ka pumh na lai. Ruang ka suah na lai le, an um ding mi hâwi hen ka pungtir na lai.

ZEKARIA 2:11

Chu tikah chun phun tam tak LALPA sinah an hawng lai le, a mi tla an si lai rawh. Nan sinah a um lai le, kei khawm amah fial mi kasi ti nan theih lai rawh.

ZEKARIA 8:23

Chubang ni ah chun ramdang mi parâ Juda mi pakhat sinah an va kal lai le, ‘Na sinah Pathian a um ti kan theih ruangah na hun dawnghnâk leikângah na vo an pêk ding kan duh,’ an ti lai,” a ti.

LUK 11:22

Sikhawmsele, amah ngâk hen chak dauh nih chun a hawng do le, a neh tikah chun â râlringnâk râlthuam rangtling chu a suh le, a sum a lâk piak mi chu a ṭhen phin tâwn.

THILTI 8:8

Chun, chu mi khuapi ah chun lâwmnâk fâk tak a hawng um rawh.

PHILIPI 4:4

Lalpa ah chun a lâwm kumza u. Ka ti nawlh lai, a lâwm u.

1 PETER 1:8

Amah chu muh lo khawm ule, nan dâwt le, chun amah chu tuah nan muh lo khawmsele nan zumh; chun sim kho lo rê mi lâwmnâk rokual hen a nan khattir na asi.

LÂIRÊL 5:3

Nannih Lalchem tla ngâi u! Nannih lâirêltu tla, nan nâ thlir u! Tumphung tum hen LALPA, Israel Pathian sinah la ka sak lai.

LÂIRÊL 7:22

Gideon mi tla nih tâwtawrâwt an tum liau chun LALPA nih an mêlma kawrsen tla chu anmah leh anmah nâmsâu hen a dotir na. Zarethan leiah Bath Sittah tiang hen, Tabath kiang mi Abel Meholah khuapi tleng khet hen an tek.

LÂIRÊL 8:12

Midian lalchem Zebah leh Zalmuna chu an tek le, khawmsele a ṭhâwl na le, a tleih na, an kawrsen tla chu a lâutir na.

1 SAMUEL 30:16

David chu an sinah a kalpi rawh. Rûntu tla chu Philistia mi leh thil tam tak an lâk mi tla ruangah puai an tuah le, din leh ei hen mun kip ah anna rekrâwi ver.