ISAI 9:19 - Bawm Common Language Bible Version

¹⁹ LALPA Zeizawng tikho chu a thinthawk ruangah, a rêpnâk nih chun ram pumpi mei hâwi hen a khangh le, mi zapi tla a veih na, mikip mah rang chiau asi.

ISAI 9:19 ပူးပေါင်းရင်းမြစ်များ

ISAI 1:31

Meichi nih fapawn a khangh mi hâwi hen mi thiltikho tla chu an thilsual ti nih a veih na lai le, chu siat leh râwknâk chu âukhawm nih an khap kho lai loh.

ISAI 10:6

Asiria chu Pathian nei lo mi phun ka thinthawktirtu tla do ding hen ka fial. Khualâi ah nâwmtâm hâwi hen lamh bêk na ding hen leh anmah râwk leh lâk piak na ding hen ka fial na.

ISAI 13:13

Kei, LALPA Zeizawng tikho nih ka thinthawknâk ka langh ni ah chun, vân ka thirtir lai le, tual chu a um mun ah mi chu ṭhial rê ka ninh lai.

ISAI 13:18

An chanhtiang leh thalzum hen tlangvâl tla an thah na lai. An fasêm tla lakah khua an ruat lai lo le, ngâksia tla lak khawm ah pawi tinâk an nei lai lo.

ISAI 13:9

LALPA thinthawknâk ṭihnungkâi tak leh a thinrunhnâk ni chu a nâi rawh. Tual chu ramkaro hâwi hen siam asi lai le, misual zawzawng chu veih an si lai.

ISAI 24:6

Churuang chun Pathian nih tual chu siat a barh. A minung tla chu an thilti man pêk asi. An dam mi tla khawm an tâwm dadauh.

ISAI 26:11

Na mêlma tla nih na rêp na awt mi an theih lo. LALPA ningzak saih na le, tuartir na rawh; rêpnâk na timhtuah mi chu tuartir na. Na minung tla na dâwt na zia muhtir na.

ISAI 3:5

Khatlei khatlei a nâuneh tawnh hen an um lai. Seino tla nih anmah ngâk upa an zah lai lo le, zeikhawm chawhchân lo mi tla khawm nih an hotu an zah lai loh.

ISAI 33:14

Zion ah mi misual tla chu lâu hen an thir. “Pathian lâirêlnâk chu mei a alh kumza mi hâwi asi. Chu hâwi mei lakah chun âu kan him kho lai?” an ti.

ISAI 4:4

LALPA nih a thiltikhonâk hen phun tla chu lâi a rêl piak hen a thiangtir na lai le, Jerusalem ah sualnâk tla leh thisen suah mi tla chu a ṭâwl peng lai.

ISAI 42:25

Churuangah a thinthawknâk theih ding hen hawng kan siam le, siatnâk râltuk hawng kan tuartir. Mei hâwi hen Israel pumpi chu a thinthawknâk nih hawng kan khangh le, sikhawmsele, zei a hawng tlung ti khawm kan theih lo nget rih; chu lakah zeikhawm kan rangah theihnâk kan nei lo.

ISAI 5:24

Churuang chun LALPA Zeizawng tikho, Israel Pathian thenhlimh nih hawng kan sîntir mi na duh lo ruangah, fapawn leh belh châr mei nih a khangh mi hâwi na si lai le, na ram tla a pawng hen na pâr tla a châr lai le, sêm ving na si lai.

ISAI 5:30

Chu ni a hawng tlung tik chun, Israel tlûnah tipi rihâu hâwi hen hâu an suah lai. Hi ram hi zauhnik! Mûinâk leh hamhnâk! Chêu chu mûi nih a dawlh hep.

ISAI 60:2

Phundang tla chu mûi nih a khuh pang lai le, Sikhawmsele nang tlûnah lam chun LALPA chêu a chêu lai le; A nan umpinâk chêu chu na sinah a um lai.

ISAI 8:22

Vânlei an zauh lai le, tual lei an bih lai le, sikhawmsele, lawksawngnâk leh mûinâk, mûi ṭihnungkâi ah nar hen an umnâk lo chu zeikhawm an muh lai loh. Chu nawknâk tik lakah mi chu suak khonâk lampi rerêng an rangah a um lai lo rawh.

JEREMIA 13:16

LALPA nan Pathian nih, mûinâk a tlungtir lânah leh tlâng tlûnah nan tlû lânah, chêu nan lungum mi chu mûinâk sah chem asi lânah amah chu zah u.

EZEKIEL 20:47

LALPA Zahkâi nih thu a sim mi chu ngâi ding hen simlei mi tumun simh: Zauhnik! Mei duah ka dawmh rawh, nan lakah mi thing zawzawng a châr mi leh a ring mi a kâng lai. Zeikhawm nih a mih kho lai lo. Simlei thawk hen marlei tiang a tlân lai le, mikip nih meialh linh zia an theih lai.

EZEKIEL 9:5

Midang tla sinah Pathian nih thu a sim mi chu ka theih le, “Khuapi sungah va zûl ule thah u. Pakhat khawm zuah lah na u; âu tlûn khawm ah khua ruat lah u.

JOEL 2:2

Thimnâk leh mûinâk ni asi lai le, dum kul hen sûm zîng ni asi lai. Khâubawk kawrsen tla nih, mûinâk nih tlâng sâng tla a khuh hâwi hen an khuh lai. Chu hâwi hen thil a dum dahlo, um khawm a um nawlh dah lai lo rawh.

JOEL 2:3

Belh a kho mi tla chu mei nih a khangh mi hâwi hen an ei hep. An mâilei ram chu Eden dûm hâwi asi le, an dunglei ram chu ramkaro a lâwng tlo mi hâwi hen a um. Zei thil khawm an zuah lo.

LEVITICUS 26:26

Nan buh tawngnâk lampi ka sah lai, nunau parâ nih sang zawzawng hût ding hen bêl pakhat cho a herh lai. Chu lakah mi chu an hawng ṭhen lai le, nan ei thluh ver nûn khawm ah nan sungvangh chu a mahmun nget lai.

AMOS 5:18

LALPA ni mawhlahtu tla rangah ṭihnung a kâi awt chiam e! Chu ni chu nan rangah zei a ṭhatnâk a um awt? Nan rangah chu ni chu chêu ni silo hen mûinâk ni asi lai.

OBADIAH 1:18

Jakob leh Josef mi tla chu mei hâwi an si lai le, Esau mi tla chu fâng kûngmui mei nih a khangh mi hâwi hen an vei lai. Esau thlâk tla chu pakhat khawm an âwl lai lo. Kei, LALPA nih ka sim mi asi.

MIKAH 7:2

Ram lakah mi zumhkâi pakhat khawm an um lo, Pathian lakah khawm zumhkâi pakhat khawm an um lo, mikip nih mi thah ding hen dêngkhâwng tik an bawh ver. Mikip nih ram sungah mi an thah na.

MIKAH 7:6

Chu tikah chun mi â nih ti mi hâwi hen an pa rangah an ti lai, fanu tla nih an nu tla an do lai, nungâk tla nih an ni le an tawhpi lai. Mi, a mêlma tla chu amah dâwngsungkhur ah mi asi.

ZEKARIA 11:6

(LALPA nih, “Tual tlûnah mi âukhawm ka lungkham na awtlo rawh, keimah tak nih an lâirêltu thu thu hen um na ding hen ka siah na awt. Chubang lâirêltu tla nih tual an râwk lai le, an thiltikhonâk lakah mi ka hum awtlo,” a ti.)

ZEKARIA 11:9

Churawhchun, ranrual tla sinah, “Nannih vêngtu kasi awtlo rawh, a thi ding mi chu thi ko u, a vei ding mi chu vei ko u, a thibang tla chu anmah leh anmah a veih na seh,” a ti.

MALAKI 4:1

LALPA Zeizawng tikho nih, “Mi zûm tla leh misual tla fabû hâwi hen an kâng ding ni a hawng tlung awt rawh. Chu ni ah chun pakhat khawm âklo hen an kâng hep lai.

MATHAI 27:45

Chun, dâr leinih thawk hen dâr thum tiang hen laikulh a hawng mûi ver rawh.

THILTI 2:20

nî thim ah â chang lai le, chun thlâ thisen ah â chang lai. Lalpa Ni rokual tak leh minthang tak chu a hawng tleng lânah chun,

2 PETER 2:4

Vânmifial tla nih thil an sual liau khan Pathian nih a zuah lo le, rêpmun ah a lawnh le, lâirêl piak ding ni ngâk hen khur mûi ah a khumh rawh.