ISAI 9:18 - Bawm Common Language Bible Version

¹⁸ Mei nih bualingnei leh bua tla a khangh mi hâwi hen mi zapi sualnâk nih a khangh. Ram a kâng mi meikhû a dîr luai mi hâwi hen a kâng.

ISAI 9:18 ပူးပေါင်းရင်းမြစ်များ

1 Lal 16:21

Israel tla lakah ṭhennâk a hawng um le, mi zeimaw mi nih Ginath fapa Tibni chu lal ah an duh, a dang nih Omri an duh.

SAM 37:20

Misual tla lam chu an thi lai le, LALPA mêlma tla lam chu mâng chawmpâr hâwi hen an vei lai le, Meikhû hâwi hen an tlâu lai.

SAM 68:2

Meikhû sêm phin mi hâwi hen anmah tla chu a nar phin na; mei kiangah khuailul a zawr mi hâwi hen misual chu Pathian mâika ah an vei.

SAM 83:14

Thingmun a kâng mi hâwi leh tlâng mei nih a khangh mi hâwi hen,

ISAI 1:31

Meichi nih fapawn a khangh mi hâwi hen mi thiltikho tla chu an thilsual ti nih a veih na lai le, chu siat leh râwknâk chu âukhawm nih an khap kho lai loh.

ISAI 1:7

Na ram chu râwk hen a um le, na khuapi tla chu tual ah duah hen a um. Na zauh ko liauah ramdang minung nih na ram an lâk le, thil zeizawng an râwk hep.

ISAI 26:11

Na mêlma tla nih na rêp na awt mi an theih lo. LALPA ningzak saih na le, tuartir na rawh; rêpnâk na timhtuah mi chu tuartir na. Na minung tla na dâwt na zia muhtir na.

ISAI 27:4

Grep zûn thu ah ka thin a thawk lai lo rawh. Ling leh bua lâwng do ding um mi sele ka duah hep lai rawh.

ISAI 3:5

Khatlei khatlei a nâuneh tawnh hen an um lai. Seino tla nih anmah ngâk upa an zah lai lo le, zeikhawm chawhchân lo mi tla khawm nih an hotu an zah lai loh.

ISAI 30:30

LALPA nih a lâirêl diknâk chu mikip rangah a theihtir lai le, a thinthawknâk fâk tak a theihtir na lai. Chunah chun, meialh tla, sûmpi tla, rial tla, ruah tukpi tla a hawng um lai.

ISAI 30:33

A lân thawk hen Asiria lal lianchem duahnâk mun mei humpi chu timhtuah asi rawh. A thûk hen a kâu le, thing châr sâng tak an pawng tung. LALPA nih kâng ding hen a kâ mi meialh a thaw hen a hawng suah lai.

ISAI 33:12

Lung hawldap siam ding hen a kâng leh a mân mi hâwi leh bua a kâng le, vachâm asi mi hâwi na si lai.

ISAI 33:14

Zion ah mi misual tla chu lâu hen an thir. “Pathian lâirêlnâk chu mei a alh kumza mi hâwi asi. Chu hâwi mei lakah chun âu kan him kho lai?” an ti.

ISAI 5:24

Churuang chun LALPA Zeizawng tikho, Israel Pathian thenhlimh nih hawng kan sîntir mi na duh lo ruangah, fapawn leh belh châr mei nih a khangh mi hâwi na si lai le, na ram tla a pawng hen na pâr tla a châr lai le, sêm ving na si lai.

ISAI 50:11

Nannih midang tla veih ding hen phiartu zawzawng tla, nanmah phiarnâk nih a nan veih na lai. Hamh tak hen thihnâk nan tuar ding mi chu LALPA nih a hawng tlungtir lai.

JEREMIA 9:3

Ram sungah dik tak lâirêl ding ngâk hen âwkrâwl thu sim kumza mi leh zumhkâilo an si. LALPA nih, “Ka mi le tla nih thilsual dang dang an ti le, an Pathian kasi mi an hawng ka theih loh,” a ti.

HOSEA 13:3

Churuangah hi bang minung tla hi zînglei ah mi dâmtî a vei ving mi hâwi an si lai. Fâng khâwngnâk ah fapawn thli nih a ranh mi hâwi leh palang lakah mi meikhû a suak mi hâwi an si lai.

JOEL 2:20

Marlei thawk hen khâubawk kawrsen tla an hawng mi chu ka kiangtir na lai le, ramkaro leiah ka khanh na lai. Mâilei mi rnurui tla chu Tipi Thi ah khalh hen an um lai le, dunglei mi tla chu Mediteranian ah khalh hen an um lai. An ruak tla a thû lai, nan lakah thil an ti mi zawng ruangah ka veih na awt.

JOEL 2:3

Belh a kho mi tla chu mei nih a khangh mi hâwi hen an ei hep. An mâilei ram chu Eden dûm hâwi asi le, an dunglei ram chu ramkaro a lâwng tlo mi hâwi hen a um. Zei thil khawm an zuah lo.

AMOS 7:4

LALPA Zahkâi sinah mi langhnâk ka nei fâwn. Chunah chun a mi tla mei hen a rêp na awt mi ka muh. Tual tangah tisumsumriat rokual tak chu mei nih a khangh le, ram tla chu kâng ding hen a dawmh rawh.

OBADIAH 1:18

Jakob leh Josef mi tla chu mei hâwi an si lai le, Esau mi tla chu fâng kûngmui mei nih a khangh mi hâwi hen an vei lai. Esau thlâk tla chu pakhat khawm an âwl lai lo. Kei, LALPA nih ka sim mi asi.

NAHUM 1:10

Banhtu ling leh fapawn a châr mi hâwi hen na kâng hep lai!

NAHUM 1:6

A thinthawk tikah âu me him kho lai? A thinrunhnâk ṭihnungkâi lakah âu a âwl kho lai? A thinthawknâk meialh chu a thlêt le, lungpi tla a mâika ah valeidip hâwi hen an nek dip.

MALAKI 4:1

LALPA Zeizawng tikho nih, “Mi zûm tla leh misual tla fabû hâwi hen an kâng ding ni a hawng tlung awt rawh. Chu ni ah chun pakhat khawm âklo hen an kâng hep lai.

MATHAI 25:41

“Chu thluh chun, a kehlei ah mi tla sinah khawm chun, ‘Siatbarh mi tla, zungzâl mei Diabol leh mifial tla rangah an timhtuah mi lakah chun hawng ka kaltâk u,

DEUTERONOMY 32:22

Ka thinthawknâk chu mei hâwi hen a alh lai le, tual tlûnah thil zeizawng a kâng lai. Laikulh tanglei tiang a va tleng lai le, tlâng tonâk bul tla a râwk lai.

HEBRAI 6:8

Sikhawmsele, ling tla leh bua tla a suah chun zeirang khawm ah a tlâktlâi loh, Pathian siatbarh ṭihnungkâi nâk ah a um le, chun mei hen duah asi lai.

THUPHUANG 14:11

Chu minung tla rêpnâk meikhû chu zungzâl hen a kâi lai le, sarâng leh a lem mâimûktu tla, a min singsiahnâk neitu tla vial chu anmah rêpnâk, a sûn a zân hen dinh ni an nei lai lo,” ti hen a âu.