ISAI 9:17 - Bawm Common Language Bible Version

¹⁷ Churuangah Lalpa nih tlangvâl pakhat khawm a zuah na lai lo le, mi zapi tla chu pathian nei lo leh misual thu sual karo simtu an si ruangah numei leh mipâm tla lak khawm ah lungkhamnâk a nei awtlo. Chu hâwi tluk khawm ah LALPA thinthawknâk chu a dawng awtlo le, sikhawmsele rêp ding hen a kut a zangh nget lai rih.

ISAI 9:17 ပူးပေါင်းရင်းမြစ်များ

JOB LASUIBU 15:34

Pathian nei lo mi tla nih chun thlâk tla a nei lai lo le, nawhnâk hen in sak mi tla chu mei nih a khangh lai.

SAM 109:12

Âukhawm amah siherhtu um lah seh, a dunglei ah a rauh na mi zauhkhenhtu khawm um lah seh.

SAM 147:10

A lâwmnâk chu rang chak tla lakah asi lo, kawrsen râlṭha tla lak khawm ah â lâwm lo;

ISAI 1:4

Mi vânduai, phun sual tak, râwk hen um mi leh misual nan si! Nan sualnâk nih a nan niamtir na! LALPA Israel Pathian thenhlimh chu nan duh lo le, dunglei nan sît.

ISAI 10:2

Chubang hâwi hen mipâm tla chu thu nan neitir lo le, dik tak hen um ding khawm nan siang na lo. Churuang tak chun asi, mi ngâkṭah leh numei tla thil-le-rî nan lâk piak na mi chu.

ISAI 10:4

Râltuknâk ah nan thi lai le, rêngtlâ hâwi hen a nan kalpi na lai. Sikhawmsele LALPA thinthawknâk chu a reh dah lai loh, rêp ding hen a bân a zangh nget lai rih.

ISAI 10:6

Asiria chu Pathian nei lo mi phun ka thinthawktirtu tla do ding hen ka fial. Khualâi ah nâwmtâm hâwi hen lamh bêk na ding hen leh anmah râwk leh lâk piak na ding hen ka fial na.

ISAI 13:18

An chanhtiang leh thalzum hen tlangvâl tla an thah na lai. An fasêm tla lakah khua an ruat lai lo le, ngâksia tla lak khawm ah pawi tinâk an nei lai lo.

ISAI 14:20

Na ram na râwk le, mi tla na thah na ruangah lalchem dang tla hâwi hen vûi na si lai lo. Na dâwngsungkhur sual chu pakhat khawm zuah asi lai lo.

ISAI 24:5

Mi tla nih tual chu Pathian dân buar hen leh thudântuk zungzâl um ding mi chu râwk hen an nawmh.

ISAI 27:11

Thing ṭeng tla chu a uai hen a kiak le, nunau tla nih tih ding ah an khawmh. Mi le tla nih theihthiamnâk zeikhawm an nei lo ruangah, Pathian an siamtu nih an lakah siherhnâk leh khuaruatnâk zeikhawm a langh lo.

ISAI 3:8

Asi, Jerusalem chu â râwk rawh! Juda chu a tlû rawh! An thusim leh an thilti zawzawng chu LALPA donâk hep asi; fiang tak hen Pathian khawm an siarlo.

ISAI 31:2

Thil a ti mi chu amah nih a theih! Siatnâk a tlungtir. Misual tla leh anmah ṭangpitu chu rêp ding hen a ṭhih na.

ISAI 31:3

Aigupta mi tla chu pathian tla an si lo, minung cho an si. An rang tla chu chung vân lei mi an si lêm lo. LALPA nih thil a hawng ti tik chun phun chak chu a râwk dep lai le, phun chak lo a ṭangpi mi khawm a tlû lai. An panih hen an vei lai.

ISAI 33:11

Thil ṭangkâilo thilti ding na tum le, na thilti zawzawng zeikhawm asi lo. Ka thlarau mei hâwi mi nih a nan râwk lai.

ISAI 33:12

Lung hawldap siam ding hen a kâng leh a mân mi hâwi leh bua a kâng le, vachâm asi mi hâwi na si lai.

ISAI 40:30

Ngâksia a ṭhang kho lo mi leh tlangvâl a dî mi rang khawm ah.

ISAI 5:24

Churuang chun LALPA Zeizawng tikho, Israel Pathian thenhlimh nih hawng kan sîntir mi na duh lo ruangah, fapawn leh belh châr mei nih a khangh mi hâwi na si lai le, na ram tla a pawng hen na pâr tla a châr lai le, sêm ving na si lai.

ISAI 5:25

LALPA chu a mi le lakah a thinrun le, anmah rêp ding hen a kut a zangh. Tlâng tla â nîn lai le, a thi mi ruak tla chu nâwm pawng hâwi hen khua lâi ah mâk asi lai. Chu khawm ah LALPA thinthawknâk chu a bâng lai lo rih le, anmah rêp ding hen a kut chu a zangh nget lai rih.

ISAI 62:5

Tlangvâl nih nungâk thenhlimh mo a lâk mi hâwi hen A nan siamtu nih a nan umpi lai. Pasal chu a nupi thar lakah â lâwm mi hâwi hen, Na Pathian chu na lakah â lâwm lai.

ISAI 65:19

Keimah ngelchel khawm Jerusalem leh a mi tla ruangah ka lâwm lai. Chunah chun ṭapnâk khawm a um lai lo, ṭangpi ding sâwmtu khawm a um lai lo.

ISAI 9:12

Saklei ah Siria mi leh thlanglei ah Philistia tla chu Israel veih ding hen an kâ an âng. Chu hâwi tluk asi khawm ah LALPA thinthawknâk chu a reh dahlo rih; rêp ding hen a kut chu a zangh nget rih.

ISAI 9:21

Manaseh leh Efraim mi tla anna do le, an panih bawp hen Juda rangah an do. Chu hâwi tluk khawm ah LALPA thinthawknâk chu a reh lo le; a kut chu rêp ding hen a zangh nget rih.

JEREMIA 18:21

Sikhawmsele, tu lam chu LALPA, an fa tla chu sungvâng hen thitir na le; annih tla lam chu râltuknâk ah thah na. Nunau tla chu an pasal leh an fa tla nih tlâu tâk na seh; mipa tla chu râi lakah thi tir na le, tlangvâl tla chu râltuknâk ah thah hen um na seh.

JEREMIA 5:1

Jerusalem mi tla, nan khuadung suak hen tek u! A kiangkam tla a hawi! Nangmah tak a zauh! Sumtuah mun tla hâwl. Pathian lakah zumhkâi hen um tumtu leh thil dik titu pakhat tal na muh kho ma? Na muh kho mi asi chun, Jerusalem chu LALPA nih a ngaihdam lai.

EZEKIEL 20:33

“Kei, LALPA Zahkâi kasi kar vial chu, ka thinthawknâk leh ka kut chak leh ka thiltikhonâk hen nan tlûnah lâi ka rêl awt.

AMOS 4:10

“Aigupta ram ah a tlung mi hâwitê hen nan lakah râi ka hawng tlungtir. Nan tlangvâl tla râltuknâk ah ka thah na le, nan rang tla kan lâk piak ver na. Nan um mun ah ruak thû rim hen nan nârkua tla ka khattir. Chu khawm ah ka sinah nan hawng kîr lo nget rih.

AMOS 8:13

Chu ni ah chun nungâk leh tlangvâl ṭhisel tak men tîhâl ruangah an tlû lai.

MIKAH 7:2

Ram lakah mi zumhkâi pakhat khawm an um lo, Pathian lakah khawm zumhkâi pakhat khawm an um lo, mikip nih mi thah ding hen dêngkhâwng tik an bawh ver. Mikip nih ram sungah mi an thah na.

ZEKARIA 9:17

Chu ram chu â dawh hen a ṭha awt chiam e! Seino tla chu an fâng leh an uain tla chenh hen chak tak hen an ṭhang lai.

MATHAI 12:34

Rûl thlâk tla, nannih sual ko bû hen zeitin me thu ṭha nan sim kho lai? Thinlung ah khat hen a liam mi chu kâ nih a sim tâwn asi.

MATHAI 16:3

Chun, zîng ah chun, ‘Tusûn chu ni khua a ṭha awtlo si lai, vân kam a sen, ni khua a dâwm,’ nan ti tâwn. Ni khua umzia chu nan theihthiam le, sikhawmsele tik singsiahnâk tla hi nan theihfiang kho lo.