ISAI 9:12 - Bawm Common Language Bible Version

¹² Saklei ah Siria mi leh thlanglei ah Philistia tla chu Israel veih ding hen an kâ an âng. Chu hâwi tluk asi khawm ah LALPA thinthawknâk chu a reh dahlo rih; rêp ding hen a kut chu a zangh nget rih.

ISAI 9:12 ပူးပေါင်းရင်းမြစ်များ

2 Lal 16:6

(Chu liau chir chun Edom lal nih Elath khua a lâk nawlh le, amah thu tangah a siah le, chunah Juda um mi tla chu a nar hep na. Edom mi tla chu Elath ah an um nget rih.)

2 CHRONICLES 28:18

Chu liau chun Philistia mi tla nih thlanglei tlâng bul ah khuapi tla leh simlei Juda ram tla an rûn. Beth Semes, Aijalon, Gederoth leh Soko khuapi tla, Timnah leh Gimzo khuapi leh a kiangkam ah mi khua tla an lâk le, chunah chun bir tak hen an um.

SAM 79:7

Na mi tla an thah hen; na ram tla an râwk ruangah.

ISAI 10:4

Râltuknâk ah nan thi lai le, rêngtlâ hâwi hen a nan kalpi na lai. Sikhawmsele LALPA thinthawknâk chu a reh dah lai loh, rêp ding hen a bân a zangh nget lai rih.

ISAI 11:14

Thurual hen thlanglei mi Philistia tla an do na lai le, saklei ah um mi tla khawm an rûn na lai. Edom leh Moab mi tla chu an neh na lai le, Amon mi tla nih an thu an ngâi piak lai rawh.

ISAI 31:1

Aigupta ah ṭangpi ding sâwm hen va kaltu tla chu an vân a duai! Aigupta râltuk kawrsen tam tak chaknâk rang tla, kari tla leh, kawrsen lakah anna ngauh. LALPA, Israel Pathian thenhlimh lakah a ngauh hen a sinah ṭangpi an deih lo.

ISAI 5:25

LALPA chu a mi le lakah a thinrun le, anmah rêp ding hen a kut a zangh. Tlâng tla â nîn lai le, a thi mi ruak tla chu nâwm pawng hâwi hen khua lâi ah mâk asi lai. Chu khawm ah LALPA thinthawknâk chu a bâng lai lo rih le, anmah rêp ding hen a kut chu a zangh nget lai rih.

ISAI 9:17

Churuangah Lalpa nih tlangvâl pakhat khawm a zuah na lai lo le, mi zapi tla chu pathian nei lo leh misual thu sual karo simtu an si ruangah numei leh mipâm tla lak khawm ah lungkhamnâk a nei awtlo. Chu hâwi tluk khawm ah LALPA thinthawknâk chu a dawng awtlo le, sikhawmsele rêp ding hen a kut a zangh nget lai rih.

ISAI 9:21

Manaseh leh Efraim mi tla anna do le, an panih bawp hen Juda rangah an do. Chu hâwi tluk khawm ah LALPA thinthawknâk chu a reh lo le; a kut chu rêp ding hen a zangh nget rih.

JEREMIA 10:25

Nangmah a nan sawnh lotu leh a nan duhlotu phun tla tlûnah na thinthawknâk tlungtir. Na mi tla chu an thah na le, hawng kan veih dep le, kan ram khawm râwk dep hen an mâk thlap.

JEREMIA 15:7

Ram sungah khuapi kip ah fapawn hâwi hen thli lakah ka nan lawnh na. Ka mi tla, nan thilsual ti nan bâng duh lo ruangah ka nan veih na le, nan fa tla ka thah na.

JEREMIA 35:11

Sikhawmsele, lalchem Nebukadnezar nih ram a rûn liauah Babulon mi leh Siria kawrsen lakah mi suak hen Jerusalem ah hawng ding kan tum. Churuangah Jerusalem ah kan um mi asi,” an ti.

JEREMIA 4:8

Churuangah LALPA thinthawknâk fâk tak Juda lakah mi a reh lo ruangah salâpuan aih ule; ṭap leh thinlung fâk hen um u.

EZEKIEL 16:27

“Tuah nangmah rêp ding hen leh na tingvo ka malsâwmnâk an lâk piak ving ding hen ka kut ka lirh rawh. Philistia mi a nan huatu leh na hurnâk fihtu sinah ka nan pêk rawh.

EZEKIEL 6:14

Asi, ka kut ka phar lai le, an ram ka râwk lai. Simlei ramkaro thawk hen marlei mi Riblah khuapi tiang Israel umnâk zawzawng zuah lo thlo hen a karo hen ka siam awt. Churawhchun, kei, LALPA kasi ti mikip nih an theih lai,” a ti.

HOSEA 7:10

Israel mi tla zumhnâk chu anmah zolanghtu asi. Chubang zawzawng thil a hawng tlung khawm ah kei, LALPA, an Pathian sinah an hawng kîr lo.

AMOS 4:10

“Aigupta ram ah a tlung mi hâwitê hen nan lakah râi ka hawng tlungtir. Nan tlangvâl tla râltuknâk ah ka thah na le, nan rang tla kan lâk piak ver na. Nan um mun ah ruak thû rim hen nan nârkua tla ka khattir. Chu khawm ah ka sinah nan hawng kîr lo nget rih.

AMOS 4:11

“Nan lakah mi zeimaw mi chu Sodom leh Gomorah mi hâwitê hen ka veih na. Nan lakah a thibang tla chu ṭhianṭhunh mei nih a khangh mi lakah thuak mi hâwi nan si. Chu khawm ah ka sinah nan hawng kîr lo nget rih,” LALPA nih a ti.

AMOS 4:6

“Nan khuapi zawzawngah pâmnâk tlungtirtu chu keimah kasi le, chu khawm ah ka sinah nan hawng kîr lo.

AMOS 4:8

Tîhâl ruangah dî hen, khuapi ah um mi tla zeimaw mi chu khuapi dangah tî tawng ding lungum hen an kal le, sikhawmsele duh tâwk din ding a um lo. Chu khawm ah ka sinah nan hawng kîr lo nget rih.

AMOS 4:9

“Nan thlâi ka chârtir ding hen thli lum ka hawng lêngtir. Khâubawk tla nih nan dûm ah mi grep dûm tla, oliv leh theipi tla an ei hep. Chu khawm ah ka sinah nan hawng kîr lo nget rih.

ZEPHANIAH 1:6

Hawng ka kîrtâk hen hawng ka zûl lo rawhtu tla, ka sinah hawng lotu mawh anmah rui ding hen hawng ka ngiar lotu tla chu ka veih na lai,” a ti.

ZEPHANIAH 3:2

LALPA thu a ngâi duh lo le, a nunsimhnâk khawm a pawm lo. LALPA sinah a ngauh hen ṭangpinâk khawm a deih lo.

DEUTERONOMY 31:17

Chu hâwi a hawng si tik chun an lakah ka thin a thawk lai le; ka kaltâk na lai le, an vei lai rawh. An lakah siatnâk ṭihnungkâi tak a hawng tlung lai le, chu tikah hi bang thil tla chu an tlûnah a hawng tlung tik chun, Kei, an Pathian an sinah ka um lo rawh ruangah asi ti an theih lai rawh.