ISAI 9:1 - Bawm Common Language Bible Version

¹ Zebulun leh Naphtali chu veikhat chu ningzakkâi tak hen an um le, sikhawmsele, hi nûnah lam chun Mediteranian saklei thawk hen Jordan varâl lei ram leh ramdang mi umnâk Galili ram tiang hen zumhkâinâk hi ram ah hin a hawng um lai.

ISAI 9:1 ပူးပေါင်းရင်းမြစ်များ

2 Lal 15:29

Pekah lalchem asi liauah, Asiria lalchem Tiglath Pileser nih Ijon khuapi tla, Abel Beth Maakah, Janoah, Kedes, Hazor leh Gilead ram tla, Galili, Napthali ram tla a lâk le, Asiria ram leiah a mi tleih tla chu a kalpi na.

1 CHRONICLES 5:26

Churuangah Asiria lal lianchem Pul (Tiglath Pileser khawm an ti) nih an ram a rûn. Reuben phun, Gad, saklei mi Manaseh tla chu sal ah a kalpi na le, Halah, Habor, Hara leh Gozan Tiva kiangah a umtir na.

2 CHRONICLES 16:4

Benhadad nih Asa thusim chu rem a ti le, Israel khuapi do ding hen a kawrsen hotu leh kawrsen tla a fial na. Ijon, Dan, Abel Beth Maakah leh Naphtali ram ah thil siahnâk khuapi tla zawzawng a lâk hep.

ISAI 8:22

Vânlei an zauh lai le, tual lei an bih lai le, sikhawmsele, lawksawngnâk leh mûinâk, mûi ṭihnungkâi ah nar hen an umnâk lo chu zeikhawm an muh lai loh. Chu nawknâk tik lakah mi chu suak khonâk lampi rerêng an rangah a um lai lo rawh.

LEVITICUS 26:24

Churawhchun, ka nan hawitâk na lai le, a lân ah mi ngâk fâk dauh hen vei sarih ka nan rêp na lai.

LEVITICUS 26:28

ka thinthawk hen nan lakah ka lung asi lai lo le, kan rêp na nâk chu a ṭhalo chem mi vei sarih ka hawng tlungtir lai.

LUK 24:27

Chun, Mosi leh khuavâng lasui thu thawk hen a dawmh le, Pathian lasui thu zawzawng ah amah thâwngthâng rîn mi vial chu anmah tla a simhfiang vima na.