ISAI 8:7 - Bawm Common Language Bible Version

⁷ Kei, LALPA nih Asiria lal lianchem leh a mi tla chu Juda tla do ding hen ka hawng put na awt. Eufretis tiva tî a lian le, tiva kâwr khat phak a luang mi hâwi hen an hawng kal lai.

ISAI 8:7 ပူးပေါင်းရင်းမြစ်များ

GENESIS 6:17

Thil nung zawzawng veih dep ding hen tual tlûnah buanso ka tlungtir awt. Tual tlûnah thil zawzawng a thi ver lai.

2 Lal 19:32

“Hi hi LALPA nih Asiria lal lianchem thu a sim mi chu asi: Hi khuapi sungah a lût hen chanhtiang thalzum pakhattê khawm a kah lai loh. Zei kawrsen khawm phaw hen hi khuapi ah an hawng kal lai lo le, hualnâk ding hen lungpawng an siam lai loh.

Ezra lasuibu 4:10

mi thiltikho tak leh mi rokual Asurbanipal leh midang tla hen an in thawk hen an suak le, Samaria ram khuapi ah leh Eufretis thlanglei ram mun dang dang ah an um mi tla chu lasui kuattu an si,” ti hen.

SAM 46:4

Chungnungchem, in thenhlimh, Pathian khuapi leiah lâwmnâk tlungtirtu tiva a um.

SAM 72:8

A lalram chu tipi thawk hen khatlei tipi tiang si seh, Eufretis thawk hen tual dawnghnâk tiang si seh.

ISAI 10:16

Awrkâ thaw tak hen anna châwm mi tla sinah LALPA zeizawng tikho nih anmah rêp ding hen râi a fial awt. An tak lakah mei mâ hâwi a durh vima lai.

ISAI 10:5

LALPA nih, “Asiria! Asiria chu ka thinthawktirtu tla lakah rêp ding hen talhbo hâwi hen ka mang mi asi.

ISAI 11:15

LALPA nih Suez Likâwlneng chu a kangtir lai le, Eufretis tiva kangtir ding hen thli lum a lêngtir lai le, mi âuzawng nih tan kho ding hen tivatê pasarih cho a siah lai.

ISAI 28:15

Thihnâk hen thutiamnâk siam hen nanna zûm le, laikulh thihnâk hen remnâk nan phanh rawh. Siatnâk a hawng tlung tikah zuah na ding hen nanna ruat, perpetnâk leh âwkrâwl thu lakah him ding nanna ngauh ruangah.

ISAI 28:17

Diknâk chu lungphûm rangah tahnâk asi lai le, zumhkâinâk chu a thûk zia tahnâk asi,” a ti. Thli leh ruah lakah mi rial nih nanna ngauhsan âwkrâwl tla chu a hûi peng lai le, nanna humnâk chu tîlian nih a veih lai.

ISAI 28:2

LALPA nih âumawh mi chak leh thiltikho tla anmah do ding hen tîm chia zet a nei le, zeimaw mi chu thli leh ruahpi lakah rial hâwi, a zeimaw mi chu ruah tukpi hâwi, a zeimaw mi chu tîlian fek tak hâwi hen an hawng kal lai le, chu tla chu ram an khat zat lai.

ISAI 43:2

Tî thûk tak na pal liau khawm na sinah ka um lai; na lawksawngnâk nih a nan khuh lai lo. Mei lakah na lan liau khawm ah na kâng lai lo; niknâk fâk tak hawng tlung mi khawm nih nganfâk a nan pêk lai lo.

ISAI 59:19

Saklei thawk hen thlanglei tiang nih amah leh a thiltikhonâk rokual chu an ṭih lai. Tiva mi tî luang chak tak leh thli chawp tak hâwi hen a hawng lai.

ISAI 7:17

“LALPA nih na tlûnah, na mi le tla tlûnah, lal dâwngsung tla zawzawng tlûnah Israel ram Juda lakah mi â ṭhennâk thawk hen a hawng tlung mi ngâk a nawknâk zual kâi dauh a hawng tlungtir awt, anih nih chun Asiria lalchem a hawngpi awt.

ISAI 7:20

“Chu chu a hawng tlung tikah, Lalpa nih Asiria lal lianchem Eufretis varâl lei mi mul mêttu chu a chah lai le, nan khamul tla, na lû ah mi sam tla, nan tak mul tla a mêt peng lai.

JEREMIA 47:2

Anih nih, “Zauhnik! Mârlei ah tî a lian le, tîlian hâwi hen a hawng luang lai. Ram leh a tlûnah thil um tla, khuapi tla leh minung a sungah um mi tla a khuh hep lai. Mi tla chu ṭangpi deih hen an âu lai le, tual tlûnah mikip ngaihsia hen an ṭap lai.

JEREMIA 51:42

Babulon chu tipi nih a luang nawh le, a lian mi nih hâu fâk tak hen a khuh dep.

EZEKIEL 26:19

LALPA Zahkâi nih thu a sim le: “Âukhawm umlonâk khuapi râwk rawh mi hâwi hen ka nan siam awt. Tisumsumriat tî thûk tak hen ka nan khuh awt.

DANIAL 11:10

“Siria lal fapa tla nih râltuk ding anna tîm lai le, kawrsen tam tak an pumh na lai. An lakah pakhat nih tîlian hâwi hen a kal lai le, mêlma kulh chu a do lai.

DANIAL 11:22

Âuzawng amah dotu chu bâwlpu lian sikhawmsele, veih ving ding asi.

DANIAL 9:26

Chu chu hun dawngh ah chun Pathian nih ruitu a thîm mi chu diklo tak hen thah hen a um lai. Lâirêltu thiltikho tak rûntu kawrsen tla nih khuapi leh Biakin khawm an râwk lai. A dawnghnâk chu tîlian hâwi hen Pathian nih a timhtuah mi râltuk leh siatnâk a hawng tlung lai.

AMOS 8:8

Churuangah tual â nîn lai le, ram lakah minung tla hamh tak hen an um lai. Ram pumpi â nîn lai le, Nile Tiva tî hâwi hen a thawk thulh a tlû thulh lai.

AMOS 9:5

LALPA Zahkâi, Zeizawng tikho nih tual a tawngh le, â nîn le, a sungah um mi zawzawng chu an lawksawng. Nile Tiva tî hâwi hen laikulh pumpi chu a thawk le a tlû.

MIKAH 1:9

Samaria â liam mi chu damh kho asi lai lo, Juda khawm chu hâwitê hen a tuar bâk awt; ka mi tla umnâk Jerusalem kulh kawtkâ tiang chu siatnâk nih a phanh rawh” a ti.

MIKAH 5:4

A hawng tikah chun LALPA sinah mi chaknâk leh LALPA Pathian amah lalnâk hen a mi tla lâi a rêl piak na lai; laikulh ah mi zawzawng nih a rokualnâk an theih awt ruangah leh thlangamnâk a pêk na awt ruangah a mi tla chu

MIKAH 5:5

him tak hen an um lai rawh. Asiria mi nih kan ram ah an hawng rûn hen vêngtu tla an hawng pah zek na tikah chun hawng kan ruitu chak chem mi tla anmah do ding hen kan fial na lai.

NAHUM 1:8

Tîlian rokual tak a luang mi hâwi hen a mêlma tla chu a veih phin na le; amah dotu tla chu an thihnâk leiah a kaltir na.

LUK 6:48

In saktu, thûkpi chawh hen, lungpi tlûnah lungphûm remh mi hâwi chu asi. Chun, tî a hawng lian chun tizangrual nih chu in chu a khawh le, a ninh kho lo le, a sak zia a ngenh ruangah.

THUPHUANG 17:15

Chun, vânmifial nih ka sinah, “Nunau â zuar mi tonâk tî na muh mi kha, mi zapi tla, phun tla, hawlh tla an si,” a ti.