ISAI 8:22 - Bawm Common Language Bible Version

²² Vânlei an zauh lai le, tual lei an bih lai le, sikhawmsele, lawksawngnâk leh mûinâk, mûi ṭihnungkâi ah nar hen an umnâk lo chu zeikhawm an muh lai loh. Chu nawknâk tik lakah mi chu suak khonâk lampi rerêng an rangah a um lai lo rawh.

ISAI 8:22 ပူးပေါင်းရင်းမြစ်များ

JOB LASUIBU 18:18

Minung ram ah mi chu nar hen a um lai le, chêunâk ah mi chu mûinâk ah khalh asi lai.

EXODUS 10:21

Churawhchun, LALPA nih Mosi sinah, “Vân leiah na kut phar le, Aigupta ram khuh ding hen mûi sah tak a hawng um lai,” a ti.

EXODUS 10:22

Mosi nih a kut chu vân leiah a phar le, Aigupta ram pumpi ah mûinâk fâk tak ni thum kar a hawng um.

THUFING LASUIBU 14:32

Misual tla nih an thilti hen anmah niamnâk ding hen thil an ti le, sikhawmsele, mi ṭha lam chu an rangtlingnâk hen anna hum.

ISAI 30:6

Hi hi marlei kângah ramkaro ah mi ramsa tla thu ah Pathian thuchah asi: “Ram ruangrûl ah ruat mi tla chu ram ṭihnungkâi, chakeibaknei tla, rûl tûrnei tla leh rûlpi a zuang mi umnâk ah an kal. An sanatung leh an sangâwngsâu tla chu anmah ṭangpi kholotu ding mi phun rangah pêk ding hen thilpêk man tam tak tla an phurhtir.

ISAI 5:30

Chu ni a hawng tlung tik chun, Israel tlûnah tipi rihâu hâwi hen hâu an suah lai. Hi ram hi zauhnik! Mûinâk leh hamhnâk! Chêu chu mûi nih a dawlh hep.

ISAI 50:11

Nannih midang tla veih ding hen phiartu zawzawng tla, nanmah phiarnâk nih a nan veih na lai. Hamh tak hen thihnâk nan tuar ding mi chu LALPA nih a hawng tlungtir lai.

ISAI 50:3

Thih ruangah lungfâknâk a um mi hâwi hen vândum chu mûi ah ka siam kho,” a ti.

ISAI 59:9

Mi tla nih, “Pathian nih hawng kan nehsawhtu lakah mi hawng kan hum lonâk a san tuah kan theih rawh. Chêu ah kal ding hen kan lungum le, sikhawmsele mûinâk lâwng a um le,

ISAI 60:2

Phundang tla chu mûi nih a khuh pang lai le, Sikhawmsele nang tlûnah lam chun LALPA chêu a chêu lai le; A nan umpinâk chêu chu na sinah a um lai.

ISAI 8:20

Nannih nih, “LALPA nih a nan sîntir na mi hi ngâi u! Mithi sawnh thiam thu ngâi lah, a nan simh na mi thu chu nan rangah zeikhawm a ṭhatnâk a um lai loh,” ti hen nan sâng ding asi.

ISAI 9:1

Zebulun leh Naphtali chu veikhat chu ningzakkâi tak hen an um le, sikhawmsele, hi nûnah lam chun Mediteranian saklei thawk hen Jordan varâl lei ram leh ramdang mi umnâk Galili ram tiang hen zumhkâinâk hi ram ah hin a hawng um lai.

ISAI 9:20

Ram lakah mun kip ah chuh bû hen buh an tawngnâk zawng ah an ei le, sikhawmsele an sungvâng chu a reh lêm lo. An fa le tla tiang an ei!

JEREMIA 13:16

LALPA nan Pathian nih, mûinâk a tlungtir lânah leh tlâng tlûnah nan tlû lânah, chêu nan lungum mi chu mûinâk sah chem asi lânah amah chu zah u.

JEREMIA 23:12

An kalnâk lampi chu a nâl hen a mûi lai; suih leh bah hen ka siam na lai. An lakah siatnâk ka tlungtir awt; an rangah rêpnâk tik a hawng tlung rawh. Kei, LALPA nih ka sim asi.

MATHAI 22:13

Chun, lalchem nih chun a to-aw tla sinah, ‘A kut leh kê phuar ule, lênglei ah mûi ah lawnh u; chunah chun ṭap leh hachang rial chu a um lai,” a ti.

MATHAI 24:29

“Sikhawmsele, chubang hamhnâk ni tla nûntê ah, ‘Nî mûitir hen a um lai, thlâ a chêu lai lo rawh le, vân thawk hen ârfi tla an tlâ lai le, vân thiltikhonâk tla chu ninh asi lai.

MATHAI 8:12

Ram fa tla lam chu lênglei mûi ah chun suah hen an um lai le, chun ah chun ṭap leh hachang rial chu a um lai,” a ti.

JUD 1:13

Tipi tlingtlawk hâwi hen an um le, an thilti ningzakkâi tak chu a phul mi hâwi an si, ârfi a vâi lemang mi hâwi an si le, Pathian nih an rangah mûi thûk tak a siah piak na mi tla an si.

THUPHUANG 16:10

Chun, vânmifial panganâk nih a berhbu chu sarâng laltophah ah a thlêt le, sarang ram zawzawng chu a hawng mui hep le, an nganfâk tuk ruangah an lei tla an seh le,