21 Mi tla chu ram pumpi ah thinlung dawng leh sungvâng hen an vâi chur lai. An sungvâng hen an thinthawk tukah lalchem leh an Pathian rangah siat an barh lai.
Hi thu a sim thluh kâ hen, lal chu a hawng tleng le, a sinah, “Hi bang nawknâk kan lakah tlungtirtu hi LALPA asi! Amah rangah thil zeimawh ti ding hen zei chan me ka ngâk awt?” a ti.
LALPA chu a mipâm tak tla rangah dawrâpu asi lai le, him tak hen a umtir na lai. Sikhawmsele, nannih Philistia mi tlûnah pâm fâk tak a hawng tlungtir lai le, pakhat khawm dam hen an mâk na lai loh.
Siatnâk letnih na tlûnah a hawng tlung: Tuknâk nih na ram chu a râwk hep le na mi tla nih ei ding an nei lo. Nang rangah lungkhamtu pakhat khawm an um lo.
Mi tla nih, “Pathian nih hawng kan nehsawhtu lakah mi hawng kan hum lonâk a san tuah kan theih rawh. Chêu ah kal ding hen kan lungum le, sikhawmsele mûinâk lâwng a um le,
Churuang chun hawng ka sawnhtu leh ka thu ngâitu tla nih chun ei ding tam tak an tawng lai le, sikhawmsele nannih lam chu sungvâng leh tîhâl hen nan um lai ti ka nan simh na. Annih chu anna lâwm lai le, sikhawmsele nannih lam chu nan ning a zak lai.
Manaseh leh Efraim mi tla anna do le, an panih bawp hen Juda rangah an do. Chu hâwi tluk khawm ah LALPA thinthawknâk chu a reh lo le; a kut chu rêp ding hen a zangh nget rih.
Phâisen ah ka kal le, râltuknâk ah a thi mi ruak tla ka muh; khuapi ah ka va lût le, sungvâng hen a thi mi tla ka muh. Khuavâng tla leh bâwlpu tla nih an rian chu an ṭuan le, sikhawmsele zei an ti ti khawm an theih loh.”
Chubang chu a hawng tlung tikah chun nanmah thîm mi lal ruangah chun thungâi nan chipchiar lai le, sikhawmsele nan phunchiarnâk chu LALPA nih a nan theihpi na ding asi lo,” a ti.