ISAI 8:19 - Bawm Common Language Bible Version

¹⁹ Sikhawmsele, mi nih chamchawh thiam leh mithi sawnhtu, chamchawh hen âwn salamtu rangah thu deih ding hen a nan simh lai. Annih nih, “Zeizawng nûnah mi tla nih a nung mi ruangrûl ah thlarau leh mithi sawnhtu rangah thu an deih ding asi,” an ti lai.

ISAI 8:19 ပူးပေါင်းရင်းမြစ်များ

GENESIS 41:24

a vûi â lawmh tul mi chu a dawlh hep mi ka muh fâwn, Dâwithiam tla sinah mang chu ka simh na le, sikhawmsele an lakah pakhat khawm nih an ka simhfiang kho lo,” a ti.

2 Lal 1:3

Sikhawmsele LALPA vânmifial nih Tishbe mi khuavâng Elija chu Lalchem Ahaziah nih mi a fial na mi tla hen va a tawng ding hen thu a pêk. “Ekron khua Baal Zebub pathian sinah zei rangah krai khâi ding hen nan kal awt? Israel ram ah Pathian umlo hen nan ruat ruangah ma?

2 Lal 21:6

Bâwlnâk duahphung lakah a fapa a mang. Chamchawh thiam leh kutzalam zauh a châwng, vânsia vânṭhat siamtu leh tin-tlah-ninh thiam tla thu a deih na. LALPA tlûnah thilsual ti hen a thin a runhtir.

2 Lal 23:24

Biakin ah Dân rînnâk bu bâwlpu lalchem Hilkiah nih a tawng mi chu zûl rawh ding hen lalchem Josiah nih Jerusalem thawk hen Juda ram zawzawng mi tin-tlah-ninh thiam, vânsia vânṭhat simtu, dâwngsungkhur pathian tla, milem tla leh lunglotu tla pathian sawnhnâk thil zawzawng a veih phin.

1 CHRONICLES 10:13

LALPA lakah zumhkâi tak hen a um lo ruangah Saul chu a thi rawh. LALPA thupêk a ngâilo le; LALPA in ah thu deih ngâk hen mithi thlarau kawh khotu thu a ngâi dauh ruangah.

2 CHRONICLES 33:6

A fapa tla chu Hinom Kuam ah duahphung bâwlnâk ah a mang na. Chamchawh thiam leh dâwithiam tla a mang na le, vânṭhatnâk simhkantu leh mithi sawnhtu sinah thu a deih. LALPA lakah fâk tak hen thilsual a ti le, a thin a thawktir.

SAM 106:28

Peor ah Pathian mi tla chu Baal sawnhnâk ah anna tel le, nungnâk nei lo an pathian tla sinah bâwlnâk sa tla an ei.

ISAI 19:3

Aigupta thiltum chu ka râwk lai le, an thinlung ah an dawn mi khawm ka râwk lai. Ṭangpi ding hen an milem tla an ngiar lai le, an va kal lai le, mithi thlarau kawhtu an simh lai le, mithi thlarau rangah thu an deih lai.

ISAI 26:14

Tu chun an thi rawh le, an nung nawlh lai lo rawh; an thlarau khawm a thawk nawlh lai lo rawh, nangnih na rêp na hen na veih na rawh dangâiah. Âukhawm nih an theih na lai lo rawh.

ISAI 29:4

Jerusalem chu tual tang thawk hen thlarau a hawlh mi hâwi leh valeidip thawk hen aw dal riah a hawng suak mi hâwi asi lai.

ISAI 30:2

Keimah thu lo hen Aigupta ah ṭangpi sâwm ding hen an kal. Anmah humtu ding ah Aigupta chu an duh le, churuangah Aigupta lalchem lakah anna ngauh.

ISAI 45:11

LALPA, Israel Pathian Thenhlimh mâilei thu ruattu nih, hi hâwi hen a sim: “Ka fa le tla thu mawh ka ti ding mi thu mawh nan hawng ka deih ding leh nan hawng ka simh ding hen thu nan nei lo.

ISAI 47:12

Na mêt liau thawk hen na dâwi simnâk leh tamh tla zawzawng kha kil. Nangmah rangah an ṭangpi hen, na mêlma tla rangah na lâutir na kho lai dahmawh.

ISAI 47:13

Zeitin tal hen ngaihdân lâk khawm le, thiltikhonâk na nei lêm lo. Na mifing tla, ârfi lei sîntu tla, vân lem siamtu tla leh a thla thla hen zei a hawng tlung awt ti a nan simhtu tla chu hawng na hen an hum seh.

JEREMIA 10:10

Sikhawmsele, LALPA, nang lam chu Pathian dik tak, Pathian nung, Zungzâl lalchem na si. Na thin a thawk liauah laikulh a thir, phun tla nih na thinthawknâk an tuar lo.

JEREMIA 27:9

Nan khuavâng tla mawh, mâilei ding mi thusimtu âuzawng, mang manhtu leh mithi thlarau kawhtu leh mitleh dâwithiam tla thu ngâi lah u. Chubang zawng tla nih chun Babulon lalchem sinah a pêk lo ding hen an simh na.

LEVITICUS 19:31

“Mithi thlarau kawhtu sinah thu deih ding hen kal lah. Na ti chun dân hâwi hen na nâwm lai. Kei, LALPA nan Pathian kasi.

LEVITICUS 20:6

“Âuzawng mithi thlarau sawnhtu sinah thu deihtu chu ka do lai le, ka minung asi kho lai lo.

MIKAH 5:12

Dâwithiam na mang na mi tla chu ka veih na lai le, chamchawh thiam tla umlo hen kan siah lai rawh.

THILTI 16:16

Chun, thlachamnâk mun ah chun kan kal liauah, nungâk âumawh khuri chamchawh thiam mi kan tawng le, anih nih chun a chamchawh thiamnâk ruangah a pu le chu sum tam tak a tawngtir tâwn.

DEUTERONOMY 18:10

Nan mâichâm tlûnah mi mei lakah nan fa tla bâwlnâk ah mang lah ule; nan mi tla chu simkan khotu mawh, tuakthiam mawh, simkhotu mawh,

DEUTERONOMY 18:11

tamhthiam mawh leikâng châwngtir lah na ule, mithi thlarau khawm thu deihtir lah na u.

1 THESALONIKA 1:9

Anmah tla ngelchel nih nan lakah zei hâwi sunhsaknâk me kan tawng kan thâwngthâng chu an theihtir na tâwn; Pathian nung leh dik tak rianṭuan ding leh a Fapa Jisu thihnâk lakah mi a thawh mi leh Pathian thinrunhnâk hawng tlung ding lakah hawng kan ruangsuahtu Jisu kha vân a mi ngâk ding hen, ruk tla chu, Pathian leiah nan hawitâk zia khawm kha an theihtir na ber tâwn asi.

2 PETER 2:1

Lânah mi zapi tla lakah khuavâng telê an hawng suak mi hâwi hen, nan lak khawm ah sîntirtu telê an hawng suak lai, annih nih chun anmah tla tlanhtu Lalpa chu phehtâk hen, mi râwk khonâk ding hen sîntirnâk diklo an hawng lûtpi lai le, an tlûnah mawhsareh hen siatnâk an tlungtir lai.

1 SAMUEL 28:11

“Âu ka nan kawh piak lai,” ti hen nunau nih a deih? Anih nih a sâng le, “Samuel,” a ti.

1 SAMUEL 28:16

Samuel nih, “LALPA nih a nan kaltâk le, a mêlma na si rawh mi chu zei rangah na ka kawh êu?

1 SAMUEL 28:7

Churawhchun, Saul nih a minung tla chu “Mithi thlarau kawh thiam mi nunau hawng ka kawh piak ule, a sinah thu ka deih awt,” a ti. “Endor khua ah pakhat a um,” ti hen an sâng.

1 SAMUEL 28:8

Saul chu nipuan dang aih hen mêl dang hen â tuah le, a mûi rawh chun chu nunau va muh ding hen a minung panih tla hen an kal le, a sinah, “Mithi thlarau hawng kan sawnh piak le, zei hâwi hen thil a hawng um awt, hawng kan simh,” a ti.