ISAI 8:18 - Bawm Common Language Bible Version

¹⁸ Hinah hin LALPA nih hawng ka pêk mi fa tla hen kan um. LALPA Zeizawng tikho, Zion Tlâng tlûnah a laltophah um mi nih chun thuchah nung hâwi hen Israel mi tla sinah hawng ka fial.

ISAI 8:18 ပူးပေါင်းရင်းမြစ်များ

GENESIS 33:5

Esau chu â hâwi le, nunau ngâksia tla chu a muh na le, “Na sinah mi minung tla hi âu tla me an si?” ti hen a deih. Jakob nih, “Ka u, hi bang tla hi Pathian ka lakah a ṭha ruangah hawng ka pêk mi asi,” a ti.

1 CHRONICLES 23:25

David nih, “LALPA Israel Pathian nih a mi tla rangah thlangamnâk a pêk le, amah ngelchel khawm Jerusalem ah a um kumza lai rawh.

SAM 22:30

Hi nûnthâi ah thlâk tla nih a rian an ṭuan piak lai; mi nih thlâk a hawng um ding mi sinah LALPA thu chu an sim lai.

SAM 71:7

Hawng ka vêngtu chak tak na si ruangah ka nungnâk hi mi tam tak rangah zûnzauh ding hen a um.

SAM 9:11

Zion ah lâirêltu LALPA chu sawr hen la sak u! A thilti tla chu phun kip sinah sim u!

SAM 9:12

Tuartu tla chu Pathian nih a theih; an âu hâu chu a philh lo le, chun, thil diklo titu tla chu a rêp na.

ISAI 12:6

Zion ah um mi zawzawng chu âu hen la sak na seh! Israel Pathian thenhlimh chu a rokual le, a mi tla sinah a um,” ti hen.

ISAI 14:32

Philistia ram thawk hen mifial a hawng mi chu zeitin kan sâng na lai? LALPA nih Zion chu a birhtir le, tuartu a mi le tla nih chun chunah chun himnâk an tawng lai ti hen kan simh na lai.

ISAI 20:3

Asdod chu lâk asi rawh chun LALPA nih, “Ka to-aw Isai chu takkaro leh kê karo hen kum thum kar a kal rawh. Chu chu Aigupta leh Sudan lakah thil a hawng tlung ding mi singsiahnâk asi.

ISAI 24:23

Thlâ tla a thim lai le, nî khawm a chêu lai lo rawh, LALPA Zeizawng tikhotu chu lalchem asi awt ruangah Jerusalem mi Zion Tlângah lâi a rêl lai le, mi zapi ruitu tla nih a rokual zia an muh lai.

ISAI 53:10

LALPA nih, “A thihnâk chu sual ngaihdamnâk ding hen bâwlnâk asi ruangah a tuar ding mi chu ka duhzia asi. Churuangah a thlâk tla a muh na lai le; san sâu tak hen a um lai le amah ruangah ka thiltum chu a tling lai rawh.

ISAI 7:16

Chu a tik tlung lân khawm ah a nan ṭhih natu lalchem panih ram chu kaltâk asi lai.

ISAI 7:3

LALPA nih Isai sinah, “Na fapa Sear Jasub put le, lalchem Ahaz hen tawng ding hen va kal. Puan siamtu umnâk mun ah mi lampi ah, a tlûnlei mi tili thawk hen tî luangnâk chawh mi dawng ah na va muh lai.

ISAI 8:3

A nehnûn dauh ah chun, ka nupi a râi rawh. Kan fapa a hawng suak rawh chun LALPA nih ka sinah, a min chu “Maher-salal-has-baz” (Râwk-sawm, Rang tak hen rûn) ti hen sak.

JEREMIA 44:29

Nan tlûnah siat leh râwknâk hawng tlung ding hen thu ka tiamh mi leh hi mun ah ka nan rêp na ding mi chu a hawng tlung ngelchel awt ti theihnâk, Kei, LALPA nih ka nan pêk na lai.

EZEKIEL 12:6

An mitmuh ah na thil têl chu na liangah thâng le, na mit tuam bû hen mûi lakah suak le, zei leikângah kal ding asi na muh kho lo ding hen. Chu na thilti chu Israel tla simhkannâk asi lai,” a ti.

EZEKIEL 14:8

Amah chu ka do lai. Theihthiamnâk ding ah ka siam awt. Ka mi tla lakah mi ka lawnh ving lai le, kei LALPA kasi ti nan theih lai.

EZEKIEL 4:3

Thîr khêng lâk le, chu khuapi lem leh nangmah karah vâm hâwi hen sawng rawh. Khuapi lei hawih hen siah. Hual hen a um le, a hualtu chu nangmah na si. Hi hi Israel phun rangah singsiahnâk ding asi lai.

ZEKARIA 3:8

Nang Bâwlpu Lian Josua ngâi rawh, a hâwi bâwlpu tla, mâilei ṭhatnâk ding hen ruat mi tla ngâi u: Ka to-aw ṭeng ti hen min sak mi chu ka hawng langh awt!

ZEKARIA 8:3

Ka khuapi thenhlimh Jerusalem ah ka kîr nawlh lai le, chunah chun ka um lai. Khuapi zumhkâi tak ti hen theih asi lai. LALPA Zeizawng tikho tlâng chu tlâng thenhlimh ti asi lai.

LUK 2:18

Chun, a theihtu zawng nih dawrâ vêngtu tla thusim chu thungâi chê an ti.

LUK 2:34

Chun, Simeon nih mal a sâwm na le, a nu Mari sinah, “Hi ngâksia hi Israel tla lakah mi tam tak tlûktir ding leh thawktir ding hen ruat asi; chun duh lo mi chu asi ti singsiahnâk ding chu asi;

DEUTERONOMY 28:46

Nan thlâk leh nanmah tlûnah Pathian lâirêlnâk a hawng tlung kumza ding mi asi lai.

HEBRAI 10:33

A zeimazâwn chun zauhnawmh leh hamhnâk khawm tuar hen zauhnuam ah siam hen nan um le, a zeimazâwn chun an nehsawh mi tla lakah nehsawh hen nan um bâk.

HEBRAI 12:22

Zion Tlâng leh Pathian nung khua, vân Jerusalem, a vânmifial sâng tam tak tla umnâk chu nan hawng tleng rawh.