ISAI 8:16 - Bawm Common Language Bible Version

¹⁶ Nannih ka ṭhiruai tla chu, Pathian nih thuchah hawng ka pêk mi vêngtu leh kiltu ding nan si.

ISAI 8:16 ပူးပေါင်းရင်းမြစ်များ

2 Lal 11:12

Churawhchun, Jehoiada nih Joash chu a hawng suakpi le, a lû ah lallukhuh a khuh le, lal si hen lâirêlnâk bu a pêk. Churawhchun, Joash chu sariak a thuh le, lal asi rawh ti an phuang. Zapi tla nih an kutza an bengh le, “Lal chu a san sâu seh,” ti hen an âu.

SAM 25:14

LALPA chu amah thu ngâitu rangah chun an hâwikawmh asi le, an sinah a dân thu chu a birhtir.

ISAI 50:4

Mi chaklo tla chu ka chaktir khonâk ding hen LALPA zahkâi nih sim ding mi chu a hawng ka sîntir. Zîng siar hen hawng ka sîntir mi lakah ngâi ding hen thinlung thawknâk hawng ka pêk.

ISAI 54:13

“Keimah tak nih na mi tla chu ka sîntir na lai le sul-le-lam tluangnâk leh thlangamnâk ka pêk na lai.

ISAI 8:20

Nannih nih, “LALPA nih a nan sîntir na mi hi ngâi u! Mithi sawnh thiam thu ngâi lah, a nan simh na mi thu chu nan rangah zeikhawm a ṭhatnâk a um lai loh,” ti hen nan sâng ding asi.

DANIAL 12:4

Anih nih chun ka sinah, “Tuah, Danial, lasuibu kha zual le, laikulh dawngh tiang hen singsiahnâk siam. Chu liau chir chun mi tam tak nih thil hawng um mi theih ding hen anna ṭang lai le, sikhawmsele anna ṭangnâk chu a thawt asi lai,” a ti.

DANIAL 9:24

“Hun sarih, kum sâwmsarih chu sual lo thlo hen khuapi thenhlimh leh na mi tla an um ding mi a sâwt kar zawng Pathian nih a ruat mi zat asi. Sualnâk chu ngaihdam asi lai le, repnâk chu birhtir asi lai, chu tikah langhnâk leh simhkannâk chu a dik lai rawh, Biakin thenhlimh khawm ap nawlh asi lai rawh.

MATHAI 13:11

Chun, anih nih chun a sâng le, an sinah, “Vân Ram thuthup tla chu nannih theih lam chu siang asi, annih theih lam chu siang asi lo.

MARK 10:10

Chun, in ah an lût nawlh rawh chun chubang thu chu Jisu rangah an deih nawlh.

MARK 4:34

Sikhawmsele, tahṭhimh thu lo hen an sinah thu a sim lo. Amah ṭhiruai tla sinah lam chun mi kingnâk ah zeizawng a simhfiang na tâwn.

1 KORIN 2:14

Laikulh mi nih chun Thlarau lei thil tla chu a lawmh tâwn lo, anih ngaih chun âtkâi an si; Thlarau ah cho theih kho mi a si ruangah a theih kho lo rerêng asi.

DEUTERONOMY 4:45

Aigupta ram an suaktâk nûnah Bethpeor khua zâwnah mi Jordan Va saklei kuam ah an um liauah hi bang dân tla hi a pêk na mi asi. Hi ram hi Hesbon khua ah lâirêltu Amor lalchem Sihon tâ asi. Mosi leh Israel mi tla nih Aigupta ram thawk hen an hawng suak liauah an neh mi chu asi.

HEBRAI 3:5

Pathian in ah Mosi chu to-aw hâwi hen zumh a kâi le, Pathian nih mâilei ah a sim ding mi thil tla thusimtu asi.

THUPHUANG 10:4

Chun, khuarît pasarih tla nih an aw-hâu an suah kâ hen, ka rîn awt le, sikhawmsele, “Khuarît pasarih thusim tla kha pheh thlir, rîn lah” ti hen vân thawk hen aw-hâu ka theih rawh.

THUPHUANG 19:10

Chun, amah chu sawnh ding hen a kebul ah ka kûn le, sikhawmsele, anih nih ka sinah, “Kha hâwi hen ti lah, kei chu nangmah unau leh Jisu thusim zâwttu tla hâwi hen to-aw kasi, Pathian lam sawnh rawh,’ a ti. Jisu nih thudik a sim mi chu khuavâng tla lakah thaw khumh hen thu sim asi.

THUPHUANG 2:17

“Thlarau nih kawhmi tla sinah thu a sim mi hi nâ a nei mi nih chun theih na seh! “A nehtu zawng sinah manna thuh mi chu ka pêk lai, lungvâr khawm ka pêk chiau na lai, chu lung tlûnah min thar â rîn mi hen, chu chu a tingtu cho lo nih chun âukhawm nih an theih lo, a ti” ti hen.

THUPHUANG 5:1

Chun, laltophah ah a to mi kut vawrhlei ah chun lasuibuzual, sunglei leh lênglei hen â rîn mi, singsiahnâk pasarih hen singsiah thlir mi chu ka muh.

THUPHUANG 5:5

Chun, Upa tla lakah mi pakhat nih chun, “Ṭap lah, ngâinik, chakei baknei Juda phun ah mi, David thlâk nih khan lasuibu chu kêu ding leh a singsiahnâk pasarih tla khawm samh ding hen a neh rawh,” a hawng ka ti.