ISAI 8:10 - Bawm Common Language Bible Version

¹⁰ Nan ti dân ding a thluk u! Sikhawmsele anna dingchang lai loh. Nan duh tâwk hen hawlh u! Sikhawmsele Pathian kan sinah a um ruangah a thawt ver asi.

ISAI 8:10 ပူးပေါင်းရင်းမြစ်များ

GENESIS 21:22

Chu liau chun Abimelek chu a kawrsen hotu Phikol hen Abraham sinah an va kal le, a sinah, “Thil na ti mi zawzawng lakah Pathian na sinah a um.

2 SAMUEL 15:31

Ahithophel chu Absalom helnâk ah â tel rawh ti David rangah theihtir asi rawh chun, “Zângfahtê hen LALPA, Ahithophel krai hi zeikhawm silo ding hen ka nan ngiar asi,” ti hen thla a cham.

2 SAMUEL 17:23

Ahithophel nih a krai a pêk mi an zûl lo ti a theih rawh chun, a sanatung a timhtuah le, amah khua leiah a kîr rawh. A thilti ding a ti thluh rawh chun â âwk le, a dâwngsung le thlân ah an vûi rawh.

2 SAMUEL 17:4

Hi hi Absalom leh Israel ruitu tla rangah krai ṭha tak hâwi hen a lang asi.

2 Lal 6:12

An lakah mi pakhat nih a sâng le, “Bâwipa, âukhawm an um lo, khuavâng Elisa nih na in kardang sungah thu na sim mi tla kha Israel lalchem a simh hep asi,” a ti.

2 CHRONICLES 13:12

Pathian tak chu hawng kan ruitu asi le, a bâwlpu tla khawm hinah kan sinah tâwtawrâwt hen an um le, nanmah do ding hen râltuk ding ah kawhnâk tum ding hen râlring zet hen an um. Israel mi tla, nan thlâktu tla LALPA Pathian chu do lah u! Nan neh ṭung lai lo!” a ti na.

JOB LASUIBU 5:12

Mi krai thiam thiltum chu a lâwt le, mifing tla chu anmah krai nih a tângtir na le, churuangah zei lak khawm ah anna dingchang lo.

SAM 21:12

A thal zum hen a kah na lai le, a khirh hen a tektir na lai.

SAM 46:1

Pathian chu kanna dawrnâk leh kan chaknâk asi, lawksawng ni ah ṭangpi ding hen â tîm kumza.

SAM 46:11

Pathian zeizawng tikho kan sinah a um; Jakob Pathian chu kan himnâk asi.

SAM 46:7

LALPA thil zeizawng tikho chu kan sinah a um; Jakob Pathian chu kan himnâk asi.

SAM 46:8

Hawng le, LALPA thilti hi zauhnik, tual tlûnah thilchê a ti mi tla chu zauhnik.

THUFING LASUIBU 21:30

Minung finghnâk leh chaknâk leh muh khonâk hi LALPA a um lo chun zeikhawm asi lo.

ISAI 14:27

LALPA, Zeizawng tikhotu nih hi hi ti a tum asi; rêp ding hen a bân a phar mi chu âukhawm nih an khap kho lo.

ISAI 28:18

Thihnâk hen thutiamnâk nan siam mi chu a vei lai le, laikulh thihnâk hen remnâk nan siam mi chu râwk asi lai. Siatnâk nih a hawng niamh chun neh hen nan um lai rawh.

ISAI 41:10

Lâu lah u, nan sinah ka um! Nan Pathian kasi, zeikhawm nih an lâutir lah na seh! Chak tak hen kan siam na lai le, kan ṭangpi na lai. Kan nan zauhkhenh na hen kan hum na lai.

ISAI 43:5

Na sinah ka um, lâu lah! “Saklei lât tak thawk hen leh thlanglei mun lât chemnâk thawk hen na mi tla chu in leiah ka tlungpi na lai.

ISAI 7:14

Churuangah Lalpa amah tak nih singsiahnâk a nan pêk lai: Nungâk Thenhlimh a râi mi nih fapa a ring lai le, a min ah ‘Immanuel’ sak asi lai

ISAI 8:8

Juda ram chu tîlian hâwi hen a hawng nîm lai le, liang tiang a sâng lai le, thil zeizawng a khuh dep lai,” a ti. Pathian chu kan sinah a um! A thla tla a zâr mi nih ram chu a hum.

ISAI 9:6

Kan lakah ngâksia a hawng suak! Fapa pêk hen kan um! Anih chu kan lâirêltu asi lai. “Remruattu Che,” “Pathian chak,” “Zungzâl Pa,” “Remnâk Lal” an ti lai.

JEREMIA 42:11

Babulon lalchem chu ṭih lah u rawh. Nan sinah ka um, a thiltikhonâk lakah mi ka nan hum na lai.

JEREMIA 46:28

Nan sinah ka hawng lai le, ruang ka nan suah na lai. Ka nan rekrâwi na nâk phun tla chu ka veih na lai le, nannih chu kan veih na lai loh. Rêp lo hen kan siah na awt lo; sikhawmsele, kan rêp na tikah chun ṭhat ka lawh lai. Kei, LALPA nih ka sim asi,” a ti.

LUNGFÂKNÂK 3:37

LALPA duhkâng cho mang asi kumza tâwn.

JOEL 3:9

“Phun tla lakah hi thu hi sim u; ‘Râldo ding hen a timhtuah ule; nan râldo thiam tla kawh na ule; nan kawrsen zawzawng pumh na ule, kal u!

HAGAI LASUIBU 1:13

Churawhchun, Hagai nih LALPA thuchah chu mi zapi tla a simh na, “Nan sinah ka um lai ti hi ka thutiam asi,” a ti.

NUMBER 14:9

LALPA tlûnah hel lah ule, chu ram ah um mi tla khawm ṭih lah na u. Awl tak hen kan neh na lai. LALPA kan sinah a um asi, anmah vêngtu pathian tla chu a neh rawh; churuangah ṭih rîlmâl lah u,” an ti.

MATHAI 28:20

Chun, ngâinik u, kei zungzâl hen, laikulh dawngh tiang hen nan sinah ka um vima lai,” a ti.

ROM 8:13

Taksa duh dân hen nan um chun nan thi ngelchel ding asi. Sikhawmsele, taksa thilti tla chu Thlarau ah nan thah tâwn chun nan nung lai.

ROM 8:31

Chubang thu lakah chun zei me kan sim lai ne? Pathian kan leiah â ṭang chun âunih me hawng kan do kho lai?

DEUTERONOMY 20:1

“Nan mêlma do ding hen nan kal tikah kâri tla, rang tla leh kawrsen tla, nanmah lei mi ngâk hen an tam ruang ko ah ṭih lah na u. LALPA nan Pathian Aigupta ram ah mi ruang a nan suah natu chu nan sinah a um awt asi.

JOSUA 1:5

Josua, nang rangah neh khotu ding na dam karah âukhawm an um lai lo. Mosi sinah ka um hâwi ber hen na sinah ka um lai, na sinah ka um kumza lai le, zeiliau khawm kan kaltâk lai lo.

1 JOHAN 4:4

Sikhawmsele, fa le tla, Pathian sinah mi nan si le, khuavâng telê chu nan neh rawh, laikulh lakah mi thlarau neitu ngâk hen nanmah lakah a um mi Thlarau chu a chak dauh ruangah.