ISAI 7:8 - Bawm Common Language Bible Version

⁸ Zei ruangah? Siria chu Damaska ngâk hen a chak dauh lêm lo, a khuapi leh Damaska khawm lalchem Rezin ngâk hen a chak dauh lêm lo. Israel lam châng chu kum sâwmruk leh kum nga sungah phun ti ding umlo rê hen a vei dep lai.

ISAI 7:8 ပူးပေါင်းရင်းမြစ်များ

GENESIS 14:15

Chunah chun a murui hen a siam na le, an mêlma tla chu zân ah an va do na le, an neh na. Damaska marlei kângah Hobah tiang hen an dûm na,

2 SAMUEL 8:6

An ram ah kawrsen mun a dirh le, amah minung an hawng si le, a sinah siah an châwi. LALPA nih mun kip ah nehtu ah a siam.

Ezra lasuibu 4:2

Churawhchun, Zerubabel leh chi lakah a lukhâi dauh tla chu va zauh ding hen an kal le, an sinah, “Kannih khawm nih Biakin sak kan bawmh na lai. Asiria lal lianchem Esarhadon nih hinah um ding hawng kan fialnâk thawk hen nan sawnh mi Pathian kha kan sawnh le, a sinah bâwlnâk tla kan ap,” an ti.

ISAI 8:4

Chu ngâksia chu ‘Ka nu, ka pa,’ a ti kho lânah Damaska neihnâk zawzawng leh Samaria ah an rawk mi thil zawzawng chu Asiria lalchem nih a put hep lai,” a ti.

ISAI 9:11

LALPA nih anmah do na ding hen an mêlma tla thinlung a thawktir.

ISAI 9:9

Israel mikip Samaria khuapi ah um mi zawzawng nih a ti ngâk mahi ti an theih teh lai. Tu lam chun anna zûm hen anna ûngtir.

JEREMIA 49:23

Hi hi LALPA nih Damaska thu a sim mi chu asi: “Thâwng ṭhalo tak an theih ruangah, Hamath leh Arpad khuapi ah um mi tla chu an lawksawng le an uai thlo. Lawksawngnâk nih tipi hâwi hen a luang nawh na le, anna dîn kho lo.

EZEKIEL 27:18

Damaska mi tla nih na zuar mi tla leh na ram ah thilsuak tla an châwk le, a man rang ding ah Helbon ah mi uain leh Sahar ah mi samul an pêk. Na thil-le-rî tla chu thîr tlang leh thil rimthâw tla hen an thleng.

HOSEA 13:1

A lânah Efraim phun tla nih thu an sim liauah Israel phun dang tla an lâu le, Efraim tla rangah an zah na. Sikhawmsele mi nih Baal an sawnh mi ruangah an thi lai.