ISAI 7:23 - Bawm Common Language Bible Version

²³ “Chu chu a hawng tlung tikah, grep zûn a ṭha mi ṭeng kip nih ṭeng sâng a suah mi, tangka man chiau chu ling leh bua nih a khuh pang lai.

ISAI 7:23 ပူးပေါင်းရင်းမြစ်များ

GENESIS 3:18

Ling leh bua tla a zan lai le, mâng ah a kho mi tla na ei lai.

ISAI 32:10

Tu lam chu nan khim ma chu, kum vei tu tik ding ah lungdawng hen nan um lai rawh, grep kawih ding mi nan nei awtlo rawh ruangah.

ISAI 5:10

Grep zûn acre ngâ mun lakah uain gallon nga cho tawng asi lai. Fâng chî kilogram zâ leh sâwmriat nih fâng kilogram leiriat cho a suah lai,” a ti.

ISAI 5:6

A tlûnah belh bua tul hen ka chawrhtir lai. A ngê tla khawm ka tan lai lo le, tual khawm ka rît awtlo; chu hâwi ding ngâk hen belh leh ling hen ka tuamtir pang awt. Vândâwm khawm a tlûnah ruah sûrtir lo ding hen ka khap awt,” a ti.

ISAI 7:24

Chunah chun mi tla an chanhtiang leh a thalzum tla hen sa kah ding hâwl hen an kal lai. Asi, ram pumpi chu bua leh ling hen a khat lai.

JEREMIA 4:26

Ram ningno tla chu a karo hen a um le; a khuapi tla chu â râwk hep, chu chu LALPA thinthawknâk fâk ruangah asi.

EZEKIEL 12:20

Tuah khuapi minung hen a khat mi chu veih hen a um lai le, ram khawm ramkaro hâwi hen siam asi lai. Chu tikah kei LALPA kasi ti an theih lai,” a ti.

HOSEA 2:12

Anmah nâwl zulh ding hen amah duhtu tla nih an pêk mi grep leh theipi tla chu ka veih lai. A grep dûm leh a thing thei dûm chu ramkaro hâwi hen ka siam lai le, ramsa tla nih an veih dep lai.

HOSEA 9:6

Siatnâk ni a hawng tlung tikah mi tla chu anna rekrâwi lai le, Aigupta mi tla nih Memphis khua ah vûi na ding hen an pumh na lai! An tangka siahnâk leh an in tla dirh hen a um rawh mi tla chu belh leh bualingnei tla nih a khuh dep lai.

MATHAI 21:33

“Tahṭhimh thu dang ngâi u: mi âumawh in dâwngpu a um le, chu nih chun grep dûm a siam le; dâi hen a kulh le, grep sûrnâk khur a chawh le, in sâng a sak le; chun a bultu tla sinah a thlawh lawh ding hen a ap na le, ram dang ah a kal rawh.

HEBRAI 6:8

Sikhawmsele, ling tla leh bua tla a suah chun zeirang khawm ah a tlâktlâi loh, Pathian siatbarh ṭihnungkâi nâk ah a um le, chun mei hen duah asi lai.