ISAI 66:3 - Bawm Common Language Bible Version

³ “Zapi tla chu anmah duhzia hen thil an ti. Bâwlnâk ah chaw thahtu mawh, minung thahtu mawh, bâwlnâk ah dawrâ fa thahtu mawh, ui ngâwng merhtu mawh; sangvut aptu mawh, vawk thî aptu mawh; rimthâw ap hen milem sinah thlachamtu chu anna bang hep. Fihnungkâi tak hen sawnh chu an duhzia asi.

ISAI 66:3 ပူးပေါင်းရင်းမြစ်များ

THUFING LASUIBU 15:8

Mi ṭha thlachamnâk ah LALPA â lâwm le, sikhawmsele misual tla nih bâwlnâk an hawng put mi chu a hua.

THUFING LASUIBU 21:27

Misual nih thilsual an tinâk ah mi mang hen bâwlnâk an pêk mi chu LALPA nih a hua.

ISAI 44:19

Milem siamtu nih finghnâk leh theihnâk a nei lo le, “Thing zeimaw mi chu ka tih. Meiṭil tlûnah sang ka rêu le, meh tla ka em le, ka ei. Thing a dang a leifuan hen milem ka tuah. Hinah thing tantum sawnh hen ka buk!” a ti.

ISAI 53:6

Kan ektê hen dawrâ a tlâu mi hâwi kan si le, mah duhnâk lei chiauah kan kal. Sikhawmsele LALPA nih rêpnâk chu a tlûnah a tlungtir. Kan ektê rêp kan tuar ding mi rûlah a tuar.

ISAI 57:17

An sual ruang leh an hamkahnâk ruangah an lakah ka thin a run le, anmah ka rêp na hen ka kaltâk na. Sikhawmsele ê-aw ngâilo hen anmah duh dân hâwi kumza hen an kal.

ISAI 65:12

Ka nan kawh na liauah nan ka sâng duh lo ruangah leh thu ka sim liauah nan ngâi duh lo ruangah siat leh râwk hen thihnâk chu nan tâ asi lai. Ka lakah ê-aw ngâilo ding leh sual thilti ding nan thîm.

ISAI 65:2

Ka mi tla, lungkhung tak hen thil diklo ti hen anmah duh dân hen umtu tla chu lâwmh na ding ka râlring kumza.

ISAI 66:17

LALPA nih, “Lunglotu tla sawnhnâk lakah anna thiangtir mi tla, dûm thenhlimh leiah kal hen vawksa eitu, châichîm sa leh tî-râwl fihnungkâi dang eitu tla dawnghnâk chu a nâi rawh.

JEREMIA 6:20

Seba ram thawk hen rimthâw mawh ram lât takah mi thing rimthâw ka sinah an hawng put mi hi ka sunhsaknâk zei a um? An thil ap tla chu ka pawm awtlo, anna bâwlnâk ah khawm ka lâwm awtlo.

LEVITICUS 2:2

Aron thlâk bâwlpu tla sinah a pêk lai. Bâwlpu nih sangvut zapei khat leh rimthâw leh sariak tla chu a lâk lai le, a ektê hen LALPA sinah thil ap singsiahnâk ding ah mâichâm ah a duah lai. Chu eiphung bâwlnâk rim nih chun LALPA a lawmhtir.

HAGAI LASUIBU 2:14

Churawhchun, Hagai nih, “LALPA nih chu hâwitê hen hi phun tla sinah leh an thilneih zawzawng lakah mang ule; churawhchun thil zeizawng mâichâm ah an ap mi chu nawmh hen a um lai,” a ti.

DEUTERONOMY 14:8

Vawksa ei lah u, thianglo hen ngaih asi, an ketin chu a kâk le, an râwl dawlh an khâi nawlh lo. Hi bang hâwi ransa tla hi ei lah ule, an taksa tawngh khawm tawngh lah u.

DEUTERONOMY 23:18

LALPA nan Pathian in ah an thutiam zulhpeh ding hen chubang leikângah tawng mi tangka nan hawng put ding asi lo. Â zuar mi minung chu LALPA nih a hua asi.

LÂIRÊL 10:14

Kal ule, nan thîm mi pathian chu auh u. Nan lawksawng liauah anmah nih an hum na seh,” a ti.

LÂIRÊL 21:25

Chu liauah chun Israel tla lakah lalchem an um lo. Mikip nih mah duhzia zawng hen thil an ti.

LÂIRÊL 5:8

Israel tla nih pathian thar an thîm liauah ram lakah râltuknâk a um. Israel minung sîng li lakah pakhat tal nih phaw mawh fei mawh anna put ma?