ISAI 66:23 - Bawm Common Language Bible Version

²³ Thla Thar Kût ni leh Dinhni kip ah phun kip mi tla Jerusalem ah keimah sawnh ding hen an hawng lai,” LALPA nih a ti.

ISAI 66:23 ပူးပေါင်းရင်းမြစ်များ

2 Lal 4:23

A pasal nih, “Zei rangah tusûn ni ngelchel ah na kal awt Thla Thar kût leh Sabbath ni khawm asi lêm lo mi,” a ti.

SAM 22:28

LALPA chu lalchem asi, phun tla lâi a rêl.

SAM 65:2

thlachamnâk na sâng ruangah kan thutiam chu na sinah kil.

SAM 65:3

Mun kip ah mi tla an sual ruangah na sinah an hawng lai. Kan sualnâk nih hawng kan neh le, sikhawmsele nangmah nih na kan ngaihdam.

SAM 86:9

Phun zawzawng na siam na mi chu an hawng lai le, na sinah kûn hen na rokualnâk an sawr lai.

ISAI 19:21

LALPA chu amah tak Aigupta mi tla sinah â langh lai le, amah sinah anna theihtir hen amah an sawnh lai le, bâwlnâk an hawng put lai le, an ap lai. A sinah thutiam bir tak an nei lai le, an thutiam zia hen an ti lai.

ISAI 19:23

Chu tik chun, Aigupta leh Asiria karah lam lian a um lai. Chu ram panih tla chu khatlei khatlei ah anna vel tawnh lai le, an phun nih hen munkhat hen Pathian an sawnh lai.

ISAI 2:2

Ni a hawng tlung ding mi lakah Biakin umnâk tlâng chu tlâng dang zawzawng ngâk hen a sâng chem mi asi lai le, tlâng zawzawng tlûn leiah a fawng lai. Phun tam tak tla chu tî luang hâwi hen an hawng lût lai.

ISAI 27:13

Chu ni chu a hawng tlung tik chun, Asiria leh Aigupta ah Israel mi tla sal ah tâng hen um mi ruangah kîr ding hen kawhnâk tâwtawrâwt an tum lai. An hawng lai le, LALPA chu Jerusalem ah mi a tlâng thenhlimh ah an sawnh lai rawh.

ISAI 49:7

Israel Pathian thenhlimh leh ruangsuahtu nih chun zauhnawmh dep hen a um mi, phun tla nih an hua mi leh lâirêltu tla to-aw sinah chun: “Suah hen na um mi lalchem tla nih an muh lai le, an zah zia langh ding hen an thawk lai le, lal fapa tla khawm nih an muh lai, nanmah zah ding hen nâu tak hen an kûn lai,” a ti. LALPA nih a to-aw a thîm mi ruangah hi bang hi a hawng tlung lai le, Israel Pathian thenhlimh nih a thutiam chu a kil thlir.

EZEKIEL 20:40

Chu ram ah mi ka tlâng thenhlimh ah, Israel tlâng sâng ah, nannih Israel mi zawzawng nih nan hawng ka sawnh lai rawh. Nan lakah ka lâwm lai le, bâwlnâk tla, nan thil ap ṭha chem tla, nan thilpêk thenhlimh tla, nan ka pêk ding mi lakah lungumnâk ka nei lai rawh.

EZEKIEL 45:17

Ran duah hep ding mi, fâng thil ap, uain thil ap, Thla Thar Kût, Dinhni leh kût dang ni tla ah Israel pumpi rangah pêk chu a rianṭuan asi. Sual thil ap, fâng thil ap, duah hep ding mi thil ap, kawmhnâk thil ap Israel mi tla sual veihnâk ding ah a pêk ding asi,” a ti.

EZEKIEL 46:1

LALPA Zahkâi nih, “Kulh sunglei ah kalnâk saklei mi kulh kawtkâ chu rianṭuan ni ni ruk sung chu khâr ding asi. Dinhni leh Thla Thar Kût ni ah chun awng ding asi lai.

EZEKIEL 46:6

Thla Thar Kût ni ah chun chawchal tuai pakhat, dawrâ fa paruk leh dawrâ chal pakhat simsâwinâk umlo mi hep a ap lai.

ZEKARIA 14:14

Juda mi tla nih Jerusalem vêng ding hen an do na lai. Phun tla neih zawzawng, ngûn, tangka, leh ni leh puan cherkhet an lâk lai.

ZEKARIA 14:16

Churawhchun, Jerusalem dotu phun lakah a thibang tla chu kum siar hen LALPA Zeizawng tikho chu sawnh ding hen leh Bâsâ Kût mang ding hen chunah chun an kal lai.

ZEKARIA 14:18

Aigupta mi nih chu Bâsâ Kût chu mang ding a duh lo chun kal ding duh lo phun kip tlûnah râi LALPA nih a tlungtir mi hâwi an tawng lai.

ZEKARIA 14:19

Chu chu Bâsâ Kût mang duhlotu tla Aigupta tlûnah leh phundang tla tlûnah rêpnâk tlung ding mi chu asi.

MALAKI 1:11

Laikulh khatlei dawmh thawk hen a dawng tiang khawm nih an hawng ka zah. Mun kip ah rimthâw tla an duah le, ka sinah bâwlnâk pawmtlâk an hawng ap, chu zawng nih chun an hawng ka zah asi!

JOHAN 4:23

Chuvachun, a tik a tlung awt rawh, tu khawm ah a tlung liau chir, chu tik chun Pathian sawnhtu tatak tla nih Thlarau leh thudik hen Pa an sawnh lai, Pa nih chu hâwi mi chu amah sawnhtu ding hen a hâwl asi.

THUPHUANG 15:4

Lalpa, âunih nang a nan ṭih lo lai! Na rokualnâk phuang lotu âu a um lai? Nangmah lâwng na thenhlimh asi! Na thilti rep tla chu mi kip nih an muh rawh, phun kip an hawng lai le a nan sawnh lai,” an ti.