ISAI 66:19 - Bawm Common Language Bible Version

¹⁹ kei hi anmah rêptu kasi mi an theih lai rawh. “Sikhawmsele a zeimaw mi chu ka zuah na lai le, phun tla leh ram lât tak tla ah ka min thang zia theihlotu tla leh ka rokualnâk leh ka thiltikho zia muhlotu tla: Spain, Libia, leh Lidia, a chanhtiang kah thiam tla hen, Tubal leh Greek ram ah ka fial na lai. Hi bang phun tla nâwngah hin ka rokual zia thu an phuang lai.

ISAI 66:19 ပူးပေါင်းရင်းမြစ်များ

GENESIS 10:13

Aigupta thlâk tla chu Lidia mi tla, Anam, Lehap, Naptuh,

GENESIS 10:2

Japhet fapa tla chu-- Gomer, Magog Madai, Javan, Tubal, Mesek leh Tiras- hi tla hi thlâktu min puttu tla chu an si.

GENESIS 10:22

Sem fapa tla chu: Elam, Asur, Arpaksad, Lud leh Aram an ti. Chu tla chu thlâktu min puttu tla chu an si.

GENESIS 10:4

Javan thlâk tla chu Elisah, Spain, Kupra leh Rodes;

GENESIS 9:27

Japhet chu Pathian nih pungtir seh! Sem mi le tla sinah a thlâk tla chu um na seh! Kanaan chu Japhet sal si seh!” a ti.

1 CHRONICLES 1:11

Aigupta thlâk tla chu Lidia, Anam, Lehab, Naftuh,

1 CHRONICLES 1:7

Javan thlâk tla chu Elisah, Spain, Kupra leh Rodes mi tla an si.

1 CHRONICLES 16:24

A rokualnâk chu phun sinah phuang ule, chaknâk hen thil a ti mi tla mi zapi tla sinah sim u.

SAM 72:10

Spain ram lal tla leh tikulh ah um mi tla nih thilthawt an pêk lai le, Arabia leh Ethiophia ram mi lal tla nih thil ap ding an hawng put lai.

ISAI 11:12

LALPA nih phun tla theihtirnâk ding puanzâr, Juda leh Israel anna rekrâwi mi tla, tual kil li thawk hen a pumh nawlh na awt ti theihnâk a thlâi awt.

ISAI 18:3

Tual tlûnah um mi zawzawng, ngâi u! Tlâng sâng tak tlûnah puanzâr thlâi ding mi chu zauh u! Tâwtawrâwt tum hâu ngâi u!

ISAI 18:7

LALPA Zeizawng tikho nih hi bang tiva tla nih a ṭhen mi ram, phun chak tak leh thiltikho tak, mi sâng leh taksa tlawr tla, laikulh pumpi nih an ṭih na mi thawk hen thil ap a tawng ding mi tik chu a tlung awt rawh. LALPA Zeizawng tikho sawnhnâk, Zion Tlângah an hawng lai.

ISAI 2:16

Lawnglian chem leh â dawh chem mi tla khawm a piltir lai.

ISAI 29:24

Mi mâwl nih a theihthiam lai rawh, chipchiar kumza mi tla chu a sîn ding hen anna lâwm lai rawh,” a ti.

ISAI 42:12

Ram lât tak ah um mi tla nih LALPA sinah sawrnâk leh rokualnâk pêk na seh.

ISAI 42:4

Lungumnâk leh râlṭhatnâk a tlâu lai lo; tual tlûnah diknâk a birhtir lai. Ram lât tak mi nih a sîntirnâk mawhlah tak hen an ngâk lai,” a ti.

ISAI 43:6

Marlei chu a nan suah na ding hen ka simh na lai le, simlei chu a nan thloh na lo ding hen ka simh lai. Ka mi tla chu ram lât tak, laikulh munkip thawk hen kîrtir na u.

ISAI 49:1

Nannih ram lât takah um mi phun tla, Ka thu ngâi u! Ka suak lânah, LALPA nih a to-aw rangah hawng ka thîm ving rawh.

ISAI 49:12

Ka mi tla chu ram lât tak thawk hen an hawng lai le, marlei leh thlanglei thawk hen simlei mi Asuan khuapi thawk hen an hawng lai,” a ti.

ISAI 49:22

LALPA zahkâi nih a mi tla sinah “Phun tla rangah theihtirnâk ka pêk na lai le, na fa tla chu in leiah an hawngpi na lai.

ISAI 51:5

Ka hawng sawm lai le, ruang ka suah na lai; ka nehnâk tik chu a nâi rawh. Keimah tak nih phun tla tlûnah lâi ka rêl lai. Ram lât tak ah mi tla nih ka hawng ding mi leh anmah ruang ka suah na ding mi lungum tak hen an hawng ka ngâk lai.

ISAI 52:10

LALPA nih a thiltikhonâk thenhlimh a mang lai le; a mi tla ruang a suah na lai le, laikulh ah mi zawzawng nih an muh lai.

ISAI 52:15

Sikhawmsele tu lam chun phun tam tak nih amah chu chê an ti lai le, lalchem tla khawm nih chê an ti tuk lai le, sim ding an theih lai lo. An theih dahlo mi thil tla chu an muh hen an theihthiam lai rawh,” a ti.

ISAI 55:5

Tuah ram dangah mi phun tla na kawh na lai le; veikhat ko chun an theih lai lo le, sikhawmsele tuah nangmah sinah a fawnh ding an hawng tek lai! Kei LALPA na Pathian Israel Pathian thenhlimh nih hi bang zawzawng hi ka hawng tlungtir lai le, zahnâk leh rokualnâk ka nan pêk lai,” a ti.

ISAI 60:9

Ram lât tak thawk hen Pathian mi tla in leiah An hawng putnâk lawng tla asi. LALPA Israel Pathian thenhlimh, Phun zawzawng mi tla Zah ding hen siamtu min zahnâk ding hen; Ngûn leh tangka tla an hawng put.

ISAI 62:10

Jerusalem mi tla, khuapi sungah mi suak ule, Nan mi hawng kîr mi tla rangah lampi siam u! Lamlian timhtuah ule, lung tla thianh u! Singsiahnâk siam u.

ISAI 65:1

LALPA nih, “Ka mi tla thlachamnâk sâng ding ka râlring kumza le, sikhawmsele thla an cham lo. Anmah rangah an hawng ka muh ding hen ka râlring kumza, sikhawmsele an tum lo. ‘Hinah ka um ka nan ṭangpi na lai,’ ti hen sâng ding ka râlring khawm ah phun tla nih ka sinah thla an cham lo.

JEREMIA 46:9

Rang tla chu kal ding hen thu pêk na u, kari khawm kal ding hen! Kawrsen tla suaktir na u: Sudan leh Libia thawk hen hawng mi tla nih phaw tla an put le, Libia ram ah mi chanhtiang kah thiamtu tla khawm,’ a ti.

EZEKIEL 27:10

“Persia, Lidia, Libia ram ah mi kawrsen tla nih na kawrsen sinah rian an ṭuan. Na kawrsen mun ah an phaw leh an lukhuh tla an thlâi. Nangmah rokual tirtu tla an si.

EZEKIEL 27:13

Greek, Tubal leh Mesek ram ah saw na leh le, na thil tla chu sal leh dâr châwknâk ah na mang.

EZEKIEL 30:5

“Chu râltuknâk ah chun kawrsen tla, Sudan, Lidia, Libia, Arabia, Kub ram thawk hen lâk mi tla leh keimah mi lakah mi ngelchel khawm thah hen an um lai,” a ti.

EZEKIEL 32:26

“Mesek leh Tubal khawm chunah chun an um le, an kiangkam ah an kawrsen tla thlân a um. An ektê hen fêmtan lo an si le, râltuknâk ah thah hen an um. Sikhawmsele a nung mi tla rangah an lâutir nget rih.

EZEKIEL 39:1

LALPA Zahkâi nih, “Thikho mi minung, Gog, Mesek leh Tubal phun tla lakah lâirêltu lian chu sâwi le, a mêlma kasi mi simh.

EZEKIEL 39:6

Magog ram ah meialh ka dawmhtir lai le, nawktir lonâk mun ah um mi zawzawng tla mun tiang hen, mikip nih kei LALPA kasi ti an theih lai rawh.

DANIAL 11:18

Chu nûnah chun phun tla chu tipi kiangah a do na lai le, a neh na lai. Sikhawmsele ramdang minung ruitu nih amah chu an neh lai le, â zûmnâk chu a veih piak lai le; Siria lal zûmnâk chu amah tlûn lîlâ ah a tlungtir lai.

ZEPHANIAH 2:11

LALPA nih annih tla chu a lauh na lai, tual a mi pathian tla chu zeikhawm lo ah a siam lai le, amah Pathian tak chu phun kip nih mah ram chiau ah an sawnh lai.

ZEPHANIAH 3:10

Ram lât takah Sudan ah ka mi rekrâwi hen um mi tla khawm nih ka sinah thil ap ding an hawng put lai.

MALAKI 1:11

Laikulh khatlei dawmh thawk hen a dawng tiang khawm nih an hawng ka zah. Mun kip ah rimthâw tla an duah le, ka sinah bâwlnâk pawmtlâk an hawng ap, chu zawng nih chun an hawng ka zah asi!

MATHAI 28:19

Chuvachun, kal ule, phun kip lakah mi ṭhiruai tla ah siam na ule, Pa leh Fapa leh Thlarau Thenhlimh min hen baptis na ule, thu ka nan pêk na mi zawzawng zâwt ding hen sîntir na u.

MARK 16:15

Chun, an sinah, “Laikulh zawzawng ah kal ule, thilsiam zawzawng sinah chun Thâwngthâng Ṭha hi sim u.

LUK 2:34

Chun, Simeon nih mal a sâwm na le, a nu Mari sinah, “Hi ngâksia hi Israel tla lakah mi tam tak tlûktir ding leh thawktir ding hen ruat asi; chun duh lo mi chu asi ti singsiahnâk ding chu asi;

ROM 15:21

Pathian lasui thu nih: “A thâwngthâng sim dahlonâk mi tla nih chun, an muh lai le, theih dahlo mi tla nih chun an theih lai,” ti hen a sim hâwi khan, sim ka tum dauh tâwn asi.

EPHESI 3:8

Phundang tla sinah Krist neihsiahnâk sût châwklo rê thâwngthâng sim ding leh thuthup zungzâl thawk hen Pathian zeizawng siamtu lakah thuh hen a um mi zauhkhenhnâk chu zeise asi ti, mi mêchem ngâk a mê dauh sinah chu zângfahnâk chu pêk asi.