ISAI 66:18 - Bawm Common Language Bible Version

¹⁸ An thinlung dawn leh an thilti chu ka theih. Phun zawzawng tla lakah mi pumh ding hen ka hawng. An hawng a pûm tikah ka thiltikhonâk nih a ti kho zia an muh lai le,

ISAI 66:18 ပူးပေါင်းရင်းမြစ်များ

JOB LASUIBU 42:2

“LALPA, thiltikhonâk na nei le, na duh mi zawzawng na ti kho ti ka nan theih.

SAM 139:2

Thil ka ti mi zawzawng na theih; ka dawnruatnâk zawzawng chu lât tak thawk hen na theih.

SAM 67:2

Laikulh pumpi nih na duhzia theih ding hen leh phun zawzawng tla nih na ruangsuahnâk theih ding hen.

SAM 72:11

Lal zawzawng a mâika ah an kûn lai le; phun zawzawng tla nih a nâwl an zulh lai.

SAM 72:17

Lal min chu philh hen um lah sele; a min thangnâk chu nî a um kar zawng si seh. Phun zawzawng nih amah sawr sele, Pathian nih mal a sâwm na ding hen deih na sele, Lal rangah lâwptlonâk duh na seh.

SAM 82:8

Pathian, hawng le, laikulh lâirêl piak; phun tla zawzawng chu na tâ an si.

SAM 86:9

Phun zawzawng na siam na mi chu an hawng lai le, na sinah kûn hen na rokualnâk an sawr lai.

SAM 94:11

LALPA nih an thinlung dawn chu a theih, an thilruat tla chu zeikhawm asi lo ti a theih.

SAM 97:6

Vân nih a rep zia a phuang, phun zawzawng nih a rokual zia an muh.

ISAI 11:9

Pathian tlâng thenhlimh, Zion tlûnah chun nganfâk pêk leh thilsual zeikhawm a um lai lo. Tipi tla chu tî hen a khat mi hâwi hen, ram chu LALPA theihnâk hen a khat lai.

ISAI 2:2

Ni a hawng tlung ding mi lakah Biakin umnâk tlâng chu tlâng dang zawzawng ngâk hen a sâng chem mi asi lai le, tlâng zawzawng tlûn leiah a fawng lai. Phun tam tak tla chu tî luang hâwi hen an hawng lût lai.

ISAI 37:28

“Sikhawmsele nang lam chu na thilti leh na kalnâk zeizawng ka theih hep. Ka lakah na rothawk mi khawm ka theih.

ISAI 40:5

Churawhchun, LALPA rokualnâk a hawng lang lai le, mi zawzawng nih an muh lai. LALPA amah tak nih hi hi a tiamh mi asi,” a ti.

ISAI 45:22

“Laikulh pumpi mi tla, tuah keimah leiah hawng a hawi ule, him tak hen um u! Pathian um mi chu keimah pakhat cho hi kasi.

ISAI 52:10

LALPA nih a thiltikhonâk thenhlimh a mang lai le; a mi tla ruang a suah na lai le, laikulh ah mi zawzawng nih an muh lai.

ISAI 55:8

LALPA nih, “Kei dawn mi chu nannih dawn mi hâwi asi lo. Ka lampi leh nannih lampi khawm â bang lo.

ISAI 56:8

LALPA Zahkâi, a mi Israel tla sal ah tâng mi kîrpitu nih, midang tla khawm anmah sinah hawng a fawnh ding hen a hawngpi na awt ti thu a tiamh.

ISAI 57:12

Nan thilti tla chu dik hen nan ruat le, sikhawmsele nan umdân chu ka langh lai le, nan milem tla nih a nan ṭangpi kho na lai loh.

ISAI 59:7

Thilsual karo nan dawn kumza le, ti ding hen nan ngâk rarâm. Sualnâk nei lo mi tla chu thah ding hen nanna sûm dahlo. Nan kalnâk kip ah siat leh râwk hen nan kaltâk le,

ISAI 65:2

Ka mi tla, lungkhung tak hen thil diklo ti hen anmah duh dân hen umtu tla chu lâwmh na ding ka râlring kumza.

ISAI 66:10

Nannih hi khuapi duhtu zawzawng tla, Jerusalem lakah lâwptlo ule! Amah ruangah a lâwm u! Amah ruangah lungfâktu zawzawng tla, tuah a lakah a lâwm u!

JEREMIA 16:17

An thilti zeizawng ka muh ver. Kei lakah zeikhawm thuh mi a um lo; an sual tla ka muh lo mi zeikhawm a um lo.

JEREMIA 3:17

Chu tik chu a hawng tlung chun, Jerusalem chu, ‘LALPA laltophah’ an ti lai le, chunah chun phun zawzawng tla hawng ka sawnh ding hen anna pûm lai. An lungkhung thil an ti lai lo rawh le, thinlung sual thu an sim lai lo rawh.

EZEKIEL 38:10

Hi hi LALPA Zahkâi nih Gog sinah thu a sim mi chu asi: “Chu chu a hawng tlung tikah thilsual leikâng dawn na dawmh lai.

EZEKIEL 39:21

LALPA nih, “Phun tla chu ka rokualnâk ka muhtir na hen ka thuthlûk dik mang ding hen ka thiltikhonâk ka mang zia ka zauhtir na lai.

JOEL 3:2

Phun tla zawzawng ka pumh lai. Lâirêlnâk (Jehoshaphat) Vakuam ah ka put na lai. Chun ka mi le tlûnah thil an ti mi ruangah lâi ka rêl lai. Ramdang ah Israel tla chu an rek phin na le, Israel umnâk ka ram chu an semsâi ver.

AMOS 5:12

Sual ṭihnungkâi tatak nan ti mi leh dân tam tak nan buar mi tla ka theih, mi ṭha tla nan nehsawh na le, nawhnâk nan lâk, mipâm tla khawm lâirêlnâk ah an dik mi khawm diklo hen nan tuah na.

ZEKARIA 14:16

Churawhchun, Jerusalem dotu phun lakah a thibang tla chu kum siar hen LALPA Zeizawng tikho chu sawnh ding hen leh Bâsâ Kût mang ding hen chunah chun an kal lai.

MALAKI 1:11

Laikulh khatlei dawmh thawk hen a dawng tiang khawm nih an hawng ka zah. Mun kip ah rimthâw tla an duah le, ka sinah bâwlnâk pawmtlâk an hawng ap, chu zawng nih chun an hawng ka zah asi!

MATHAI 12:25

Chun, Jisu nih an ruât mi tla chu a theih le, an sinah, “Zei ram khawm ah mah leh mah anna do mi zawng an vei tawn; zei khua khawm ah dawngkhat khawm mah leh mah anna do mi zawng an um khuasuak lai lo.

MATHAI 9:4

Chun, Jisu nih an dawn mi tla chu a theih le, “Zei rangah me nan thinlung ah sual hen nan ruat?

LUK 5:22

Chuvachun, Jisu nih an ruat mi chu a theih le, an sinah, “Nan thinlung ah zei me nan ruat?

JOHAN 17:24

“Pa, nangnih na ka pêk mi tla hi ka umnâk ah ka sinah um ding hen ka duh; nangnih na ka pêk mi ka rokualnâk kha an muh khonâk ding hen; laikulh um lânah nangnih na ka dâwt rawh ruangah.

JOHAN 5:42

nannih kan theih na, Pathian dâwtnâk nan thinlung ah nan nei lo.

ROM 16:26

Tuah lam chun langhtir asi le, lungnâk chu a zûl khonâk ding hen, zungzâl Pathian thupêk hâwi vima hen khuavâng tla lasui thu hen phun kip sinah theihtir asi rawh.

1 KORIN 3:20

Chun, Pathian lasui thu dang nih, “Lalpa nih chun mi fing tla dawnruatnâk tla chu a thawt asi ti a theih,” ti hen, a sim.

DEUTERONOMY 31:21

siatnâk ṭihnungkâi tam tak an lakah a hawng tlung lai. Sikhawmsele hi la hi sak kumza ding asi lai, an lakah thil a hawng um ding mi theihfiangnâk ruangrûl ah asi lai. Tu khawm ah thu ka tiamh na mi ram ah ka kalpi na lân khawm ah an thinlung ruat ka theih ko,” a ti.

HEBRAI 4:12

Pathian thu hi a nung le, thil a ti kho le, nâmsâu hâr nih nei um mi ngâk hen a hâr dauh le, nungnâk leh thlarau liahchân leh thlik phel dip rê hen a tuk kho le, thinlung ah dawn mi leh tum mi tla lakah thu a nei chawlh kho asi.

THUPHUANG 11:15

Chun, vânmifial pasarihnâk nih chun a tâwtawrâwt chu a tum le, “Laikulh ram chu kan Lalpa leh Mesia ram a hawng si rawh, anih nih chun zungzâl hen lâi a rêl lai,” ti hen vân thawk hen aw-hâu a hawng suak.

THUPHUANG 2:13

Setan tophah umnâk ah na um mi kha ka nan theih; ka min na kil thlir le, Setan umnâk ah hawng ka theihpitu zumhkâi tak Antipa an thah liau khawm khan ka rangah na dik hen na lungnâk na thlâu lo asi.

THUPHUANG 2:2

Na thilti zia tla, na hamh zia leh na felfê zia tla, misual tla na sâithiam lo zia tla ka theih. Mifial si lêm lo hen mifial â ti mi tla chu na nik ber le, mi âwkrâwl an si ti na theih rawh le;

THUPHUANG 2:9

Nâ hamh zia tla, na pâm zia tla ka theih le, sikhawmsele, na nei ṭung fâwn! Juda tak silo hen, Juda kan si titu, Setan murui lakah mi tla nih a nan simsâwi mi chu ka theih.