ISAI 66:16 - Bawm Common Language Bible Version

¹⁶ Mei leh nâmsâu hen laikulh ah sual hen a muh na mi zawzawng chu a rêp na lai le, mi tam tak thah hen an um lai.

ISAI 66:16 ပူးပေါင်းရင်းမြစ်များ

ISAI 10:4

Râltuknâk ah nan thi lai le, rêngtlâ hâwi hen a nan kalpi na lai. Sikhawmsele LALPA thinthawknâk chu a reh dah lai loh, rêp ding hen a bân a zangh nget lai rih.

ISAI 27:1

Chu ni ah chun LALPA nih Leviathan, rûlpi kual nuai leh ngerh tul hen um mi rêp ding leh tipi ah um mi sarâng thah ding hen a thiltikhonâk leh thihnâk nâmsâu a mang awt.

ISAI 3:13

LALPA chu a thunawk sim ding hen tîm zet hen a um le, a mi tla lâirêl ding hen â tîm zet rawh.

ISAI 30:30

LALPA nih a lâirêl diknâk chu mikip rangah a theihtir lai le, a thinthawknâk fâk tak a theihtir na lai. Chunah chun, meialh tla, sûmpi tla, rial tla, ruah tukpi tla a hawng um lai.

ISAI 31:8

Asiria chu tuknâk lakah veih hen a um lai le, sikhawmsele minung thiltikhonâk hen asi lai lo. Asiria mi tla chu râltuknâk lakah mi chu an tek lai le, an tlangvâl tla chu sal ah siam an si lai.

ISAI 34:2

LALPA chu phun zawzawng leh an kawrsen zawzawng lakah a thin a run. Siat leh râwk ding hen a mawhtir na.

ISAI 65:12

Ka nan kawh na liauah nan ka sâng duh lo ruangah leh thu ka sim liauah nan ngâi duh lo ruangah siat leh râwk hen thihnâk chu nan tâ asi lai. Ka lakah ê-aw ngâilo ding leh sual thilti ding nan thîm.

JEREMIA 25:31

tual dawngh tiang hen a rî hâu a thangkhâwk lai. LALPA nih phun tla lakah thunawk a nei. Mi zawzawng chu a nik na lai le, misual tla chu a thah na lai. LALPA nih a sim asi,’ ” a ti.

JEREMIA 25:33

Chu ni ah chun LALPA nih a thah na mi chu tual khatlei dawngnâk thawk hen khatlei tiang rek thu hen anna vawrh phut lai. Âukhawm nih an ulh na lai lo le, an lâk hen an vûi na lai lo. Tual churnâk pawng hâwi hen tual tlûnah an rîl phut lai.

JEREMIA 45:5

Nangmah rang ê hen bulsantu na hâwl mu? Minung zawzawng tlûnah siatnâk ka hawng tlungtir lai, sikhawmsele na kalnâk zawng ah na nungnâk cho a him lai. Kei, LALPA nih ka sim asi,” a ti.

JEREMIA 46:15

Zei rangah nan Pathian chak Apis chu a tlû êu? LALPA nih a thlûk mi asi!’ ti hen.

EZEKIEL 28:18

Châwk leh zuar lakah chubang thilsual tla na ti le, churuangah na sawnhnâk mun tla a râwk rawh asi. Churuangah khuapi chu mei hen ka duah le, tual ah a kâng hep. Vachâm ah na kal rawh mi chu a nan zauhtu zawzawng nih an muh rawh asi.

EZEKIEL 38:17

A lân thawk hen Israel lakah mi khuavâng ka to-aw mang hen thu ka sim liauah ni a hawng tlung ding mi lakah chun âumawh Israel do ding hen ka hawng tir lai, ti thu ka ruah mi chu nangmah hi na si,” a ti. LALPA Zahkâi nih a sim asi.

EZEKIEL 5:15

“Ka thinrunh leh ka rothawknâk hen ka nan rêp tik chun, nan kiangah phun zawzawng tla an lâu lai. An fih na lai le, an nihsanh na lai.

JOEL 3:2

Phun tla zawzawng ka pumh lai. Lâirêlnâk (Jehoshaphat) Vakuam ah ka put na lai. Chun ka mi le tlûnah thil an ti mi ruangah lâi ka rêl lai. Ramdang ah Israel tla chu an rek phin na le, Israel umnâk ka ram chu an semsâi ver.

AMOS 7:4

LALPA Zahkâi sinah mi langhnâk ka nei fâwn. Chunah chun a mi tla mei hen a rêp na awt mi ka muh. Tual tangah tisumsumriat rokual tak chu mei nih a khangh le, ram tla chu kâng ding hen a dawmh rawh.

NAHUM 3:15

Zeitin tal ti khawm le, thi thlo hen kâng hen râltuknâk ah na thi ding nget. Khâubawk nih thil chîng mi a veih dep mi hâwi hen veih dep hen na um lai. Khâubawk hâwi hen nan pung.

NAHUM 3:3

Rang tlûn chuan mi tla nih an nâwr, nâmsâu tla tlêukul hen a um, fei tla an lekzur! Ruak tla sâng tak hen an pawng, a thi mi rêl châwk lo-- minung tla chu ruak anna suih le, an tlû!

ZEKARIA 14:5

Chu tlâng panih tivakuam a ṭhen phawknâk hen nan suak lai. Juda lal Uziah san ah lî ninh liauah an thlâk natu an tek mi hâwi hen nan tek lai. LALPA ka Pathian chu a vânmifial tla zawzawng put hen an hawng lai.