ISAI 66:14 - Bawm Common Language Bible Version

¹⁴ Hi bang tlung mi nan muh tikah nanna lâwm lai le, chak tak leh nungdam hen an umtir na lai. Churawhchun, kei, LALPA nih ka thu ngâitu chu ka ṭangpi na le, ka mêlma tla lakah ka thinthawknâk ka langh ti nan theih lai,” a ti.

ISAI 66:14 ပူးပေါင်းရင်းမြစ်များ

Ezra lasuibu 8:18

Pathian zângfahnâk ruangah mi mang tlâk tak Serebiah Mahli chi, Levi thlâk lakah mi leh a fapa tla leh a unau tla leiriat tla hen kan sinah an hawng fial na.

Ezra lasuibu 8:22

Kawrsen rang tlûnah chuan mi murui kan kalnâk ah hawng kan vêng ding hen lal deih ding ka ningzak; a sinah kan Pathian nih amah rinhsanhtu âuzawng mal a sâwm na le, amah lawmhtirlotu leh hawitâktu lam chu âuzawng a rêp na ti hen ka simh rawh ruangah.

Ezra lasuibu 8:31

A thla khatnâk ni leinih ni ah Jerusalem khua leiah kal ding hen Ahava tî lampi chawh chu kan kaltâk rawh. Kan Pathian nih hawng kan dotu mêlma leh kan kalnâk ah hawng kan bawhtu tla lakah hawng kan hum.

SAM 107:42

Mirep tla nih hi hi an muh le, anna lâwm, misual tla lam chu an dâisip.

THUFING LASUIBU 17:22

Thinlung lawmhnâk nih a nan ṭhiseltir lai. Zûr kumza hen um chu dusah hen thihnâk asi.

THUFING LASUIBU 3:8

Chu hâwi hen na ti chun, turpâng ṭha tak hâwi asi lai le, na liam mi mâ a damh lai le, na nganfâk a nêptir lai.

ISAI 10:5

LALPA nih, “Asiria! Asiria chu ka thinthawktirtu tla lakah rêp ding hen talhbo hâwi hen ka mang mi asi.

ISAI 13:5

Tual dawnghnâk ah mi ram lât tak thawk hen an hawng kal. LALPA chu ram pumpi râwk dep ding hen thinthawk bû hen a hawng kal.

ISAI 26:19

Kan minung thi rawh mi tla chu an hawng nung nawlh lai! An taksa nungnâk nei hen an hawng kîr nawlh lai. An thlân ah it rawh mi zawzawng tla chu an hawng a ṭhang lai le, lâwm hen la an sak lai. Dâmtî nih tual a thartir mi hâwi hen sâwt tak a thi rawh mi tla chu LALPA nih a nungtir nawlh lai.

ISAI 26:20

Ka mi tla, nan in sungah va kal ule, in a khâr khumh pang u. Pathian thinthawknâk a reh lânlo chu hun sâwtlotê va a thup rih u.

ISAI 30:27

LALPA rokualnâk leh thiltikhonâk chu a râltlâng hen muh kho asi lai. Mei leh a khû nih a thinthawknâk a zauhtir. Thu a sim le a thu nih mei hâwi hen a khangh.

ISAI 33:20

Kan phung kûtnâk Zion khuapi chu zauhnik. Jerusalem chu zauhnik! A sungah him tak hen umnâk mun ding tak asi a! Puanin ṭhial dahlo mi leh a rêngnâk tung phâwi dahlo mi leh a thuamhnâk khawm siat dahlo mi hâwi asi lai.

ISAI 34:2

LALPA chu phun zawzawng leh an kawrsen zawzawng lakah a thin a run. Siat leh râwk ding hen a mawhtir na.

ISAI 35:2

Ramkaro chu lâwm hen la sak hen a âu lai le, Lebanon tlang â dawh mi hâwi leh Saron leh Karmel phâisen a ningno mi hâwi asi lai. Mikip nih LALPA lianh zia leh rokual zia leh thiltikhonâk an muh lai.

ISAI 41:20

Mi tla nih chu chu kei, LALPA nih ka ti mi asi ti an muh hen an theih lai. Israel Pathian Thenhlimh nih a ti taktê rawh ti hen theihthiamnâk an nei lai rawh,” a ti.

ISAI 42:13

LALPA chu râltuk thiam mi hâwi hen tuk ding hen a kal le; râltuk ding hen thinlung thawk tak hen â timhtuah. Râltuk ding phuang hen a âu; a mêlma tla lakah a thiltikhonâk a langh.

ISAI 58:11

Ka nan rui kumza lai le, thil ṭha tla hen ka nan khimtir lai. Chak tak leh nung dam hen ka nan kilkâwi lai. Dûm tî tam tak nei mi, tinung va kang dahlo mi hâwi na si lai.

ISAI 59:18

Ram lât takah um mi tla sin tiang khawm ah a mêlma tla chu an thilti zia hâwi vima hen a rêp na lai.

ISAI 66:5

LALPA ṭihtu leh a thu zûltu tla, LALPA thusim ngâi u: “Nannih chu ka lakah zumh nan kâi ruangah nan lakah mi zeimaw mi nih a nan hua na le, nanmah hen zei thilti ding khawm an nei lai lo. ‘LALPA nih a rokualnâk an muhtir na hen an hum na seh, chu tikah nanna lâwm mi kan muh kho lai’ ti hen an nihsanh na. Sikhawmsele annih tla chu ningzak saih hen an um lai!

ZEKARIA 10:7

Israel mi tla chu kawrsen hâwi hen an chak lai le, uain dintu tla hâwi hen anna lâwm lai. Hi nehnâk hi an thlâk tla khawm nih an theihkumza lai le, LALPA ti mi asi ruangah anna lâwm lai.

MALAKI 3:18

Veikhat chu ka mi tla nih mirep leh misual tlûnah thil a hawng um ding mi tla, ka rianṭuantu leh ṭuanlotu tlûnah â dang zia an muh teh lai,” a ti.

JOHAN 16:22

Chun, tu ah nan lawksawng le, sikhawmsele ka nan muh nawlh na lai, nan thinlung â lâwm lai le, nanna lâwmnâk chu âukhawm nih an lâk piak na lai loh.

HEBRAI 10:27

Lâirêlnâk ṭihnungkâi tak leh dotu tla khangh hepnâk thinthawknâk mei a um dauh lehlam lai.