ISAI 66:12 - Bawm Common Language Bible Version

¹² LALPA nih, “Sul-le-lam tluangnâk sâwt tak nan lakah ka hawng tlungtir lai le; tiva a kang dahlo mi hâwi hen phun tla neihnâk chu ka hawng luangtir lai. Ngâksia a nu nih a zauhkhenh le, a bân hen a pawm le, a dâwt mi hâwi nan si lai.

ISAI 66:12 ပူးပေါင်းရင်းမြစ်များ

ISAI 14:2

Phun tam tak nih Israel mi tla LALPA nih a pêk na mi ram leiah kîr ding hen an ṭangpi na lai le, chunah chun phundang tla nih sal hâwi hen Israel tla chu an rian an ṭuan piak na lai. Israel rangah nehtu tla chu, Israel nih an neh rûl bâk lai rawh le, anmah nehsawhtu tlûnah Israel tla nih lâi an rêl bâk lai rawh.

ISAI 26:3

LALPA, nangmah nih, a nan zumhtu tla leh tumnâk bir tak neitu tla chu thlangamnâk rangtling pêk na.

ISAI 33:21

LALPA nih a rokualnâk hawng kan zauhtir lai. Tivapi tla leh tivatê kapah kan um lai le, sikhawmsele mêlma meilawng nih an zawh lai lo.

ISAI 45:14

LALPA nih Israel sinah, “Aigupta leh Sudan neihnâk chu na tâ asi lai le, Seba ram ah mi sâng tla chu na sal an si lai; rêng khimh bû hen a nan zûl lai. Na sinah an hawng kûn lai le, ‘Pathian na sinah a um, Amah cho chu Pathian chu asi,’ ti hen thutluang an vâwr lai.

ISAI 48:18

“Ka thupêk cho ngâitu nan si chun malsâwmnâk chu tiva kâng dahlo mi hâwi hen nan rangah a hawng luang lai! Tiva kapah tîlian a luang mi hâwi hen nehnâk nan lakah a hawng tlung lai.

ISAI 54:13

“Keimah tak nih na mi tla chu ka sîntir na lai le sul-le-lam tluangnâk leh thlangamnâk ka pêk na lai.

ISAI 54:3

Na ramri tla na kauh lai le, tuah phundang tla nih an luah mi ram tla chu na mi tla nih anna ting nawlh lai. Khuapi kaltâk rawh mi chu minung hen an khat lai.

ISAI 59:19

Saklei thawk hen thlanglei tiang nih amah leh a thiltikhonâk rokual chu an ṭih lai. Tiva mi tî luang chak tak leh thli chawp tak hâwi hen a hawng lai.

ISAI 60:16

Nu nih a fa a zauhkhenh mi hâwi hen, Phun tla leh lalchem tla nih a nan zauhkhenh lai. Kei, LALPA nih ka nan hum mi leh Israel Pathian chak nih ka nan suah asi ti na theih lai rawh.

ISAI 61:6

Nannih lam chu LALPA bâwlpu, Kan Pathian to-aw ti hen theih nan si lai. Phun tla neih lakah nanna lâwm lai le, Nan tâ si hen zûm phahnâk ah nan mang lai.

ISAI 66:11

Fa a nu ṭângkâ ah mi hâwi hen a sul-le-lam tluangnâk ah nanna lâwm lai.

ISAI 9:6

Kan lakah ngâksia a hawng suak! Fapa pêk hen kan um! Anih chu kan lâirêltu asi lai. “Remruattu Che,” “Pathian chak,” “Zungzâl Pa,” “Remnâk Lal” an ti lai.

ISAI 9:7

A lal thiltikhonâk chu a lian dadauh lai le; a lalram ah chun remnâk a um kumza lai. Lalchem David ruangrûl ah lâi a rêl lai le, a thiltikhonâk chu dik tak leh rep tak hen tu thawk hen tik dawngh tiang a um lai. LALPA Zeizawng tikho nih hi zawzawng ti ding a tum asi.

JEREMIA 33:6

Sikhawmsele hi khuapi leh a mi tla hi ka damh na lai le, nung dam hen ka umtir nawlh na lai. Thlangamnâk leh himnâk tam tak ka muhtir na lai.

HAGAI LASUIBU 2:9

Biakin thar chu a li mi ngâk hen a rokual dauh lai le, chunah chun ka mi tla rangah sul-le-lam tluangnâk leh lungngamnâk ka pêk na lai,” LALPA Zeizawng tikhotu nih a ti.