ISAI 66:1 - Bawm Common Language Bible Version

¹ LALPA nih, “Vân chu ka tophah asi, tual chu ka kê thângnâk asi. Chu hâwi asi chun ka umnâk ding hen zeitin mi in nan hawng ka sak piak hen mun nan hawng ka siam piak kho awt?

ISAI 66:1 ပူးပေါင်းရင်းမြစ်များ

1 Lal 8:27

“Pathian, sikhawmsele nang chu tual tlûnah hin na um tatak kho awt mazei? Vân zawzawng khawm khi nang rang chun a bî tuk, kei sak mi Biakin châng chu nang rangah zeitin a kâu tâwk kho lai?

1 CHRONICLES 28:2

David an mâika ah a dîr le, thu a sim, “Ka ram mi tla, ngâi u. LALPA Thudântuk Bâwm siah kumzanâk ding hen in sak ka duh le, chu chu LALPA kan Pathian sirhsanh asi. Amah chawnglawmhnâk ding ah Biakin sak ding ka timhtuah le,

2 CHRONICLES 2:5

LALPA kan Pathian chu pathian dang ngâk hen a rokual ruangah a rangah Biakin rokual tak sak ka tum.

2 CHRONICLES 6:18

“Sikhawmsele, Pathian, hi tual ah hin nunau leh mipa sinah hin na um kho tak awt men maw? Nang chu vân khawm nih an tlum lo mi, hi ka sak mi Biakin hi zeitin a kâu tâwk lai?

SAM 11:4

LALPA chu a Biakin thenhlimh ah a um le, a laltophah chu vânah a um. Munkip ah mi a vêng na le, an thilti tla a theih hep.

SAM 132:7

“LALPA in ah kan kal lai le; a laltophah mâika ah kan va sawnh lai,” kan ti.

SAM 99:9

LALPA kan Pathian chu sawr u, a tlâng thenhlimh ah amah chu sawnh u! LALPA kan Pathian chu a thenhlimh asi.

ISAI 57:15

“Kei chu Pathian thenhlimh leh sâng tak um kumza mi chu kasi. Mun sâng leh mun thenhlimh ah ka um le, sikhawmsele an lungnâk leh lungumnâk ka neitir nawlh kho na ding hen mi â nautir mi leh sual rim mi sinah khawm ka um ber.

ISAI 60:13

“Nang, Jerusalem, an sak nawlhnâk ding hen, Ka Biakin tla dawh tak a sak ding hen, Ka khuapi tla rokual tak a siamnâk ding hen, Far thing, junipar thing, far thing chi dang, Thing ṭha chem Lebanon tumun ah mi an hawng put lai.

JEREMIA 23:24

Ka muh kho lo ding hen âukhawm anna thup kho lo. Tual leh vân mun kip ah ka um ti nan theih lo ma?

MALAKI 1:11

Laikulh khatlei dawmh thawk hen a dawng tiang khawm nih an hawng ka zah. Mun kip ah rimthâw tla an duah le, ka sinah bâwlnâk pawmtlâk an hawng ap, chu zawng nih chun an hawng ka zah asi!

MATHAI 12:6

Zeikhawm si sele, Pathian Biakin ngâk hen rokual dauh hinah a um ti ka nan simh na.

MATHAI 24:2

Anih lam nih chun an sinah, “Hi bang zawzawng hi nan muh mu? Thungâi tak hen ka nan simh na, chimtir lo hen lung â tiang mi rerêng hinah a um lai lo,” a ti le, a sâng.

THILTI 17:24

Pathian, laikulh leh a sungah thil zeizawng Siamtu chu tual leh vân Lalpa asi ruangah kut hen sak mi in tla ah a um lo;