ISAI 65:9 - Bawm Common Language Bible Version

⁹ Juda phun lakah mi Israel tla chu mal ka sâwm na lai le, an thlâk tla nih ka ram lakah mi tlâng tla anna ting lai. Ka mi, keimah nâwl zulhtu ka mi thîm tla chu chunah an um lai.

ISAI 65:9 ပူးပေါင်းရင်းမြစ်များ

ISAI 27:6

Ni a hawng tlung ding mi lakah Jakob thlâk Israel mi tla nih thing hâwi hen ram an thlâk lai le, a pâr a ên hen a kukulul a tuah lai. An rah suah nih tual a khattir lai.

ISAI 30:19

Nannih Jerusalem ah um mi tla, nan ṭap lai lo rawh. LALPA chu mi siherhnâk nei mi asi le, amah ṭangpi deih hen nan auh chun a nan sâng na lai.

ISAI 32:18

Pathian mi tla chu lawksawngnâk an nei lai lo rawh le, an in tla him tak hen leh thlangam hen a um lai rawh.

ISAI 45:19

A thup hen thu ka sim lo, ka thiltum chu ka thuh lo. A karo hen siat leh râwk hen um mi hawng ka zauhkhenh piaktu ding ah Israel mi tla ka herh lêm lo. Kei, LALPA thu dik simtu kasi; a dik mi chu mikip theih hen ka langh,” a ti.

ISAI 45:25

Kei, LALPA nih, Jakob thlâk tla zawzawng ruang ka suah na lai le, annih nih an ka sawr lai.

ISAI 49:8

LALPA nih a mi tla sinah, “Nangmah ruangsuahnâk ding hen tik a hawng tlung chun kan sunhsak zia ka langhtir lai le, ṭangpi deih hen na âu mi ka nan sâng lai. Kan vêng hen ka nan hum lai le, nangmah ruangah mi zawzawng hen thudântuk ka siam lai. Tuah nan ram siat leh râwk hen a um mi lakah hin ka nan umtir nawlh lai.

ISAI 57:13

Ṭangpi hauh hen nan ngiar tikah nan milem tla nih a nan hum na seh! Thli a lêng mi nih a put ving na lai! Sikhawmsele keimah hawng ka rinhsanhtu chu ram lakah a um lai le, ka Biakin ah hawng ka sawnh lai,” a ti.

ISAI 60:21

Na mi tla nih thil dik an ti lai le, Ram chu anna ting kumza lai. An ektê sinah ka rokualnâk langh ding hen, Ka phun hen ka siam na mi an si.

ISAI 65:15

Ka mi thîm tla nih nan min ah hawlh siatbarh tla an ti na lai. Kei, LALPA Zahkâi nih ka nan thah na awt. Sikhawmsele ka thu ngâitu tla chu min thar ka pêk na lai.

EZEKIEL 36:24

Phunkip leh ram kip ah mi chu nan ram ah ka nan kîrtir nawlh na lai.

ZEPHANIAH 3:20

Rekrâwi hen um mi tla in leiah ka tlungpi na ding mi leh laikulh pumpi ah min thang tak hen ka nan siam na ding mi leh sul-le-lam tluang tak hen kan umtir ding mi ni chu a tlung rawh!” a ti. LALPA nih a sim mi asi.

MATHAI 24:22

Chun, chu ni tla chu tâwitir lah sele, minung rerêng dam hen an suak lai lo. Sikhawmsele, thîm tla ruangah chun chubang ni tla chu tâwitir asi lai.

ROM 11:28

Thâwngthâng Ṭha lei dawn chun nanmah tla rangah mêlma an si le, thîm leikâng thu ruat lam chun thlâktu tla ruang khan duhtak tla an si.