ISAI 65:4 - Bawm Common Language Bible Version

⁴ Zân ah thlân leh pûk tla ah mithi thlarau sinah thu deih ding hen an kal. Vawksa tla an ei le, lunglotu tla bâwlnâk ah ap mi meh an suang mi hâng an din.

ISAI 65:4 ပူးပေါင်းရင်းမြစ်များ

EXODUS 23:19

“Kum siar hen LALPA, nan Pathian in ah rah masa nan kawih mi nan hawng put ding asi. “Dawrâ fa mawh kêl fa mawh a nu nûk hâng hen nan suang ding asi lo.

EXODUS 34:26

“Kum siar hen nan fa thar LALPA in ah nan hawng put ding asi. “Dawrâ fa mawh kêl fa mawh a nu nûk hâng hen suang lah u,” a ti.

ISAI 66:17

LALPA nih, “Lunglotu tla sawnhnâk lakah anna thiangtir mi tla, dûm thenhlimh leiah kal hen vawksa eitu, châichîm sa leh tî-râwl fihnungkâi dang eitu tla dawnghnâk chu a nâi rawh.

ISAI 66:3

“Zapi tla chu anmah duhzia hen thil an ti. Bâwlnâk ah chaw thahtu mawh, minung thahtu mawh, bâwlnâk ah dawrâ fa thahtu mawh, ui ngâwng merhtu mawh; sangvut aptu mawh, vawk thî aptu mawh; rimthâw ap hen milem sinah thlachamtu chu anna bang hep. Fihnungkâi tak hen sawnh chu an duhzia asi.

EZEKIEL 4:14

Sikhawmsele, kei nih ka sâng le, “LALPA Zahkâi, silo! Zeiliau khawm ka nâwmtir dahlo. Ka mêttê thawk hen ran amah lung hen a thi mi leh ramsa nih a seh mi sa ka ei dahlo. Thianglo hen ngaih mi buh khawm ka ei dahlo,” ka ti.

LEVITICUS 11:7

Vawksa ei lah u; thianglo hen ngaih ding an si, an tin chu a kak le, an râwl dawlh an khâi lo.

ZEKARIA 9:7

Chunah chun sa chu thisen tel hen an ei lai lo le, khap mi buh dang khawm an ei lai lo. A thibang zawzawng tla chu ka mi le murui khat an si bâk lai le, Juda phun lakah mi hâwi an si bâk lai. Ekron a mi khawm Jebus mi an si hâwi hen ka mi tla an si bâk lai.

NUMBER 19:11

Ruak tawnghtu zawng chu dân hâwi hen ni sarih kar a thianglo asi.

MATHAI 8:28

Chun, varâl lei Gadarin mi tla ram chu a va tlung rawh chun, khuri vuanh panih thlân khur thawk hen suak mi nih an hawng tawng le; ṭihnung an kâi thlo le, chuvachun chu lampi ah chun âukhawm an kal ngam lo.

LUK 8:27

Chun, tlâng a kâi rawh chun khua mi khuri vuanh âunih mawh a tawng le; chu minung chu sâwt tak puan aih lo hen a um le, in khawm ah a um lo, thlân tla ah a um dauh tâwn.

DEUTERONOMY 14:21

“Amah lung hen a thi mi ransa nan ei ding asi lo. Ramdang minung nan sinah an um mi tla chu nan eitir na kho, asi lo leh an sinah nan zuar kho. Sikhawmsele nannih lam chu LALPA nan Pathian lakah mi nan si le, a mi tla nan si. “Kêl fa mawh dawrâ fa mawh a nu nûk hâng hen suang lah u.”

DEUTERONOMY 14:3

“LALPA nih thianglo a ti mi chu zeikhawm ei lah.

DEUTERONOMY 14:8

Vawksa ei lah u, thianglo hen ngaih asi, an ketin chu a kâk le, an râwl dawlh an khâi nawlh lo. Hi bang hâwi ransa tla hi ei lah ule, an taksa tawngh khawm tawngh lah u.

DEUTERONOMY 18:11

tamhthiam mawh leikâng châwngtir lah na ule, mithi thlarau khawm thu deihtir lah na u.