ISAI 65:3 - Bawm Common Language Bible Version

³ Ningzak theih lo tak hen ka thin an ka runhtir kumza. Dûm thenhlimh ah lunglo tla bâwlnâk an ap le, lunglo tla mâichâm ah rimthâw tla an duah.

ISAI 65:3 ပူးပေါင်းရင်းမြစ်များ

2 Lal 22:17

Kei chu an hawng ka duh lo le, pathian dang tla sinah bâwlnâk an ap, churuangah an thilti zawzawng tla nih ka thin an thawktir. Jerusalem tlûnah ka thinthawknâk chu a reh ding asi lo.

JOB LASUIBU 1:11

Sikhawmsele tuah a neih zawzawng lâk piak nik, na mâichâng ah an sâwi lai!” a ti.

JOB LASUIBU 2:5

Sikhawmsele, tuah a taksa lakah nganfâk pêk nik, na mâika ah a nan simsiat lai!”a ti.

SAM 78:40

Ramkaro ah a lakah an hel tâwn le; vei tam tak a lung an sitir tâwn lo!

SAM 78:58

Lunglonâk sawnh dân nih a thin an thawktir le, an ruk sawnhnâk nih a thin an thawktir.

ISAI 1:29

Thing nan sawnh mi leh dûm thenhlimh nan siam mi tla chu nanna sîr lai rawh.

ISAI 3:8

Asi, Jerusalem chu â râwk rawh! Juda chu a tlû rawh! An thusim leh an thilti zawzawng chu LALPA donâk hep asi; fiang tak hen Pathian khawm an siarlo.

ISAI 66:17

LALPA nih, “Lunglotu tla sawnhnâk lakah anna thiangtir mi tla, dûm thenhlimh leiah kal hen vawksa eitu, châichîm sa leh tî-râwl fihnungkâi dang eitu tla dawnghnâk chu a nâi rawh.

ISAI 66:3

“Zapi tla chu anmah duhzia hen thil an ti. Bâwlnâk ah chaw thahtu mawh, minung thahtu mawh, bâwlnâk ah dawrâ fa thahtu mawh, ui ngâwng merhtu mawh; sangvut aptu mawh, vawk thî aptu mawh; rimthâw ap hen milem sinah thlachamtu chu anna bang hep. Fihnungkâi tak hen sawnh chu an duhzia asi.

JEREMIA 3:6

Josia a lal liauah LALPA nih ka sinah, “Israel, nunau zumhkâilo nih thil a ti mi khi na muh ma? Ka lakah mi hawng ka hawitâk le, tlâng sâng kip leh thing ring tangah nunau â zuar mi hâwi hen thil a ti.

EZEKIEL 20:28

Pêk ding hen ka tiamh na mi ram ah ka kalpi na. Tlâng sâng tla leh thing ring tla an muh rawh chun chu lakah bâwlnâk an ap. Bâwlnâk an duah mi leh uain an ap mi hen ka thin an ka thawktir.

LEVITICUS 17:5

Hi thupêk umzia chu Israel mi tla nih LALPA sinah ran an pêk mi chu mun dangah khawm thah hen an mang tinâk asi. Tu chun Puanin ah bâwlpu sinah an hawngpi hen kawmhnâk thil ap rangah thah ding asi.

DEUTERONOMY 32:21

An milem hen ka thin an ka thawktir, Pathian tak silo mi tla pathian an ti ruangah thîknâk an ka neihtir. Churuangah phun salam an ti mi tla chu mang hen an thin ka thawktir na lai le, phun â tla hen ka thîktir na lai.