ISAI 64:7 - Bawm Common Language Bible Version

⁷ Âukhawm nangmah lei hawi hen thlachamtu an um lo; âukhawm ṭangpi duh hen na sinah an hawng lo. Kan sual ruangah kan lakah na thup le, na kan kaltâk.

ISAI 64:7 ပူးပေါင်းရင်းမြစ်များ

JOB LASUIBU 10:9

Sunhtlung valei hen na ka siam mi chu theih le, valeidip ah na ka siam awt nawlh ma?

JOB LASUIBU 8:4

Na fa tla chu Pathian lakah an sual kho, churuangah an umdân hâwi hen rêp an si kho.

SAM 100:3

LALPA chu Pathian asi ti philh râlmâl lah u. Hawng kan siam le, amah tâ kan si. A mi tla kan si, a ranrual kan si.

SAM 14:4

“Thilsual titu tla nih an theih lo masi? Ka mi tla chu an rawk le; Ka sin khawm thla an cham lo,” LALPA nih a ti.

EXODUS 32:12

Aigupta mi tla nih Aigupta ram thawk hen a suakpi na mi chu tlângah thah na hen, veih dep na ding a tum mi ma kha a, an ti lai lo mazei? Na thinrun lah; na thinlung lêt le, na mi le tla lakah hi siat leh râwknâk hi tlungtir lah.

ISAI 1:15

“Thlacham hen nan bân nan phar tik khawm ah ka nan zauh na ding asi lo. Zeizat tal thlacham khawm ule, nan kut chu thisen a buaih hep ruangah kan ngâi piak na ding asi lo.

ISAI 27:5

Sikhawmsele ka mi tla mêlma tla nih ka kilkâwi na mi an duh chun ka lakah remnâk siam na seh. Asi, keimah hen remnâk siam hen um na seh,” a ti.

ISAI 45:9

Tual bêl nih a siamtu rangah bêl dang zawzawng hâwi hen hawng ka siam a ti ngam mazei? Valei khawm nih bêl siamtu rangah zei na ti ti hen a deih mazei? Bêl nih a siamtu sinah zung na thiamlo ti hen a sâwi mazei?

ISAI 50:2

“Zei rangah anmah ruangsuah ding hen ka kal liauah ka mi le tla nih an hawng ka sunhsak lo? Ka auh na liauah zei rangah an sâng lo? Anmah ruangsuah kho lo ding ma kasi? Tipi tla kang ding hen thu ka pêk kho hen tiva tla khawm tî umlo ruangah ngâ thi ver ding hen ka tuah kho.

ISAI 54:8

Sâwtlotê cho ka thinthawk ruangah ka nan hertâk le, sikhawmsele ka nan dâwtnâk ka nan muhtir kumza lai rawh,” a ti. Churuangah LALPA a nan humtu nih a sim asi.

ISAI 56:4

Chubang mi tla sinah LALPA nih, “Keimah na ka zah ruangah ka dinhni tla na ulh hen, keimah lawmh kâng thil na ti hen ka thudântuk zumhkâi tak hen na zûl chun,

ISAI 57:17

An sual ruang leh an hamkahnâk ruangah an lakah ka thin a run le, anmah ka rêp na hen ka kaltâk na. Sikhawmsele ê-aw ngâilo hen anmah duh dân hâwi kumza hen an kal.

ISAI 59:16

Nehsawh hen a um mi tla rangah ṭangpitu an um lo ti a muh le, thungâi chê a ti. Churuangah anmah ruangsuah na ding leh neh ding hen amah thiltikhonâk a mang lai.

ISAI 59:2

Nanmah sual ruangah an ngâi piak duh na lo mi asi. Sawnh ding nan awt liauah Pathian lakah mi an ṭhen natu chu nan sualnâk asi.

ISAI 59:4

Lâirêlnâk in ah nan va kal le, sikhawmsele nanmah leiah diknâk nan nei lo. Nan thunawk lakah âwkrâwl thusim hen neh ding nan tum. Nan thiltum chu midang rangah nganfâk pêk ding nan awt.

ISAI 63:16

Nang chu kan pa na si. Hawng kan thlâktu Abraham leh Jakob nih hawng kan theihpi lo le, sikhawmsele LALPA nang chu kan pa, ruang hawng kan suah kumzatu na si.

JEREMIA 9:7

Hi ruangah hin LALPA Zeizawng tikho nih, “Ka mi tla chu thîr hâwi hen ka êr na lai le, ka nik awt. Ka mi tla nih thilsual an ti ruangah an sinah kei nih thil dang zei me ka ti kho lai?

EZEKIEL 22:30

Mi âumawh kulh siam khotu ding, kulh râwknâk mun ah dîr khotu leh ka thinthawknâk nih a râwk awt liauah vêngtu ding ka hâwl le, sikhawmsele pakhat khawm ka tawng na lo.

EZEKIEL 24:11

Tuah meiṭil lakah dârbêl karo toh ule, sen rê hen linh u. Churawhchun, bêl chu a dân hâwitê hen a rêt a kâng phin rawh chun a tliang lai le,

HOSEA 5:15

“Ka mi tla chu an sual ruangah fâk ual an tuar hen an ka hâwl rê tiang hen ka kaltâk na awt. An tuar ruangah an hawng ka hâwl lai mawh,” a ti.

HOSEA 7:14

Zumhkâi tak hen ka sinah thla an cham lo, sikhawmsele, lunglo tla ti dân hâwi hen an tlû hen an lung anna fâktir. Uain leh fâng tla duh hen thla an cham liau khawm ah lunglo tla hâwi hen an taksa an ât.

HOSEA 7:7

“An thinthawknâk a sa dak mi hen an lâirêltu tla chu an thah na. An lal tla chu pakhat khat hen an thah na. Sikhawmsele pakhat khawm nih ka sinah ṭangpi deih hen thla an cham lo,” a ti.

MALAKI 1:6

LALPA Zeizawng tikho nih bâwlpu tla sinah, “Fapa nih chun a pa a zah le, to-aw nih a hotu a zah. Kei nan pa kasi mi zei rangah nan ka zah lo zia? Nan hotu kasi mi, zei rangah nan hawng ka zah lo? Nan hawng ka zauhnawmh le, ‘Zei hâwi hen kan zauhnawmh lai,’ ti hen nanna deih.

MALAKI 2:10

Kan ektê hen kan pa â khat mi asi lo ma? Pathian pakhat nih hawng kan siam mi ver asi lo ma? Chu hâwi asi mi zei rangah khatlei khatlei thu kanna tiam mi chu kan râwk hen hawng kan thlâktu nih Pathian hen thudântuk an siam mi chu kan siarlo zia?