ISAI 64:4 - Bawm Common Language Bible Version

⁴ A lakah an lungumnâk siahtu tla rangah chubang hâwi thil titu nangmah hâwi mi Pathian khawm nih an muh hen an theih lo.

ISAI 64:4 ပူးပေါင်းရင်းမြစ်များ

GENESIS 49:18

“LALPA, na ruangsuahnâk ka ngâk.

Ezra lasuibu 9:7

Hawng kan thlâktu san liau thawk hen tutiang kannih na mi tla nih sual rokual tak kan ti asi. Kanmah leh kan lal leh kan bâwlpu tla sualnâk ruangah ramdang mi lal tla kut ah tleih hen kan um le, thah leh râwk hen sal ah put hen kan um. Tusûn ni tiang hen ningzakkâi dawnghnâk hen kan um.

SAM 103:18

Amah thupêk lakah dik tak a umtu tla leh a dân thu lakah zumhkâi hen umtu tla sin khawm ah.

SAM 130:5

LALPA ṭangpinâk chu thinlung thawk tak hen ka ngâk le, a thu ka sirsanh.

SAM 31:19

Nangmah an zahtu tla rangah thil ṭha na kil mi chu a chê chiam e! Na ṭhat zia leh nangmah a nan zumhtu chu na hum na zia mikip nih an theih.

SAM 62:1

Pathian nih ruang hawng ka suah ding hen, felfê tak hen ka ngâk le; amah sin cho ah ka ngauh.

ISAI 25:9

Chu chu a hawng tlung tik chun, mikip nih, “Kan Pathian asi! Amah chu kan rinhsan le, ruang hawng kan suah rawh. Amah chu LALPA asi! Amah chu kan rinhsan le, tu chun ruang hawng kan suah ruangah kan lâwptlo hen kanna lâwm rawh,” an ti.

ISAI 30:18

Chu hâwi asi khawm ah LALPA lam chu nan lakah khua a ruat nget rih. Thil dik a ti kumza mi asi ruangah nan lakah lungkhamnâk a nei kumza. LALPA ngauhsantu tla chu an thaw a suak.

ISAI 40:31

Sikhawmsele, ṭangpitu ding ah LALPA lakah â ngauh mi nih chun chaknâk thar a tawng lai. Mupi hâwi hen thla hen an zuang lai le; an tek lai le, an dî lai lo; an kal lai le, an uai lai lo.

ISAI 59:12

“LALPA, na lakah kan thilsual ti thungâi a tam. Kan sualnâk tla nih hawng kan phiar. Chubang tla lakah kan theihthiam.

ISAI 66:8

Chu hâwi thil muhtu leh theihtu an um dah tâwn ma? Phun tla chu ni khat ko ah a suak dah tâwn ma? Phun tla a suak lân chun Zion nih sâwt tak a tuar lai lo.

DANIAL 9:15

“LALPA, kan Pathian, na mi tla Aigupta ram thawk hen na suah mi lakah na thiltikho zia na langh le, na thiltikho zia chu theih asi kumza asi. Thilsual kan ti le, thil diklo kan ti.

DANIAL 9:5

“Thilsual kan ti le, thil diklo kan ti. Thu na kan pêk mi tla chu ti ding kan duh lo le, thil dik na hawng kan muhtir mi chu kan hertâk.

DANIAL 9:8

LALPA, kan lal tla, kan lâirêltu tla leh hawng kan thlâktu tla nih na lakah ningzakkâi tak hen thilsual an ti asi.

HOSEA 7:7

“An thinthawknâk a sa dak mi hen an lâirêltu tla chu an thah na. An lal tla chu pakhat khat hen an thah na. Sikhawmsele pakhat khawm nih ka sinah ṭangpi deih hen thla an cham lo,” a ti.

ZEKARIA 10:9

Phundang tla nâwngah ka rek ver na khawmsele, ram lât takah an um khawm ah an hawng ka theihkumza lai. Anmah leh an fa tla thibang chu in leiah munkhat hen an hawng kîr nawlh lai.

MATHAI 25:34

Chu tikah chun Lalchem nih chun a vawrhlei ah mi tla sinah, ‘Ka Pa malsâwm mi tla, hawng ule, laikulh siam tîr thawk hen nan rangah Ram timhtuah mi chu a ting u.

LUK 2:25

Chun, Jerusalem ah chun minung pakhat a min Simeon a um. Chu minung chu mirep tak leh Pathian sunhsak mi tak asi le; Israel tla thlangamhtu ding mi chu a ngâk kumza le, a tlûnah Thlarau Thenhlimh a um.

JOHAN 14:3

Chun, nan rangah mun ka va siam chun, ka hawng nawlh lai le, ka sinah ka nan lâk na lai; ka umnâk ah nannih khawm nan um kho bâknâk ding hen.

ROM 8:19

Thilsiam zawzawng tla nih chun thungâi lungum bû hen Pathian fa tla hawng langhnâk chu thungâi an mawhlah asi.

1 KORIN 1:7

Chuvachun, kan Lalpa Jisu Krist langhnâk ngâk hen, thilpêk rerêng ah nan samphâng lo.

1 TIMOTHE 3:16

Chun, Pathian sunhsaknâk thuthup chu êi kho lo rê hen a rokual asi: “Taksa ah a hawng lang, Thlarau ah diknâk langhtir ding hen, vânmifial tla nih muh hen Phun tla nâwngah phuang ding hen, laikulh ah hin mi nih lung hen, vân ah lâk hen a um.

HEBRAI 11:16

Ram ṭha dauh, vân ram duh mi an hawng si le; Pathian nih an Pathian ti hen an kawh ding chu a ningzak loh, an rangah khuapi a timhtuah piak na rawh ruangah.

JEM 5:7

Chun, ka unau tla, Lalpa hawng kal lânlo felfê tak hen um u, lo dâwngpu nih chun ruah masa leh madung chem chu a tawng lânlo felfê tak hen thlâi rah sung tak chu a ngâk tâwn.

1 JOHAN 4:10

Zângfahnâk ka ti mi hi, kanmah nih Pathian kan zângfah ka ti mi silo le, amah nih hawng kan zângfah le, kan sual tla ngaihdamnâk ding hen a Fapa a hawng fial ka ti dauh asi.