ISAI 64:2 - Bawm Common Language Bible Version

² Mei lakah tî a tlawk mi hâwi hen an thir lai. Hawng le, na mêlma lakah na thiltikhonâk langh le, na mâika ah phun tla thirtir na.

ISAI 64:2 ပူးပေါင်းရင်းမြစ်များ

SAM 106:8

A thilti rokual muhtir na ding hen a thutiam hâwi hen ruang a suah na.

SAM 46:10

“Nanna tuknâk bâng ule, Pathian kasi mi hi theih u, laikulh leh phun zawzawng lâirêltu kasi ti theih u,” a ti.

SAM 79:10

Zei rangah phun tla nih, “Zeiah nan Pathian?” hawng kan ti zia lai. Na to-aw tla thisen suahtu phun na rêp na mi chu hawng kan muhtir.

SAM 83:13

Pathian, valeidip hâwi hen zuangtir phin na le, fapawn thli nih a ranh phin mi hâwi hen.

SAM 9:20

LALPA, lauh na le, thi kho mi minung an si ti theihtir na.

SAM 99:1

LALPA chu lalchem asi; mi tla an thir. Thilnung thla tlûnlei ah a laltophah tlûnah a to le, tual â nîn.

EXODUS 14:4

a thinlung ka khungtir lai le, an ṭhâwl na lai, lalchem leh a kawrsen tla neh hen an um mi chu kei rangah chawnglawmhnâk asi lai, chu tikah Aigupta mi tla nih Kei LALPA kasi ti an theih lai,” a ti. Israel tla nih a sim mi hâwi hen an ti rawh.

ISAI 28:21

LALPA nih Perazim Tlângah leh Gibeon vakuam ah ti mi hâwi hen a do na lai le, a thilti lakah a chê zia langhtir a tum mi hâwi hen khan. A thil thup rianṭuan tla a lîm lai rawh.

ISAI 37:20

Tuah LALPA, kan Pathian, laikulh phun zawzawng nih nangmah lâwng Pathian na si ti an theih khonâk ding hen Asiria lakah mi hawng kan hum rawh,” a ti.

ISAI 63:12

Mosi mang hen a thiltikhonâk rokual tak hen tipi tî a ṭhen phawk le, tî thûk tak lakah mi tla rui hen amah rangah zungzâl minthangnâk tawngtu LALPA kha zeiah a um? LALPA nih mâng ah mi rang hâwi hen kê a kal hen a rui na le, an tlû lêm lo.

JEREMIA 33:9

Jerusalem chu lâwmnâk, zahnâk, ka rangah putso ding mi bul asi lai, Jerusalem mi tla rangah thil ṭha ka ti mi tla leh khuapi lakah sul-le-lam tluangnâk ka tlungtir mi an theih tikah laikulh phun kip tla lâu hen an thir lai rawh,” a ti.

JEREMIA 5:22

Kei, LALPA kasi; zei rangah nan ka ṭih zah lo zia? Zei rangah ka mâika ah nan thir lo zia? Tipi â rînâk rangah sep ka siah le, um kumza mi ramri kanh kho lo mi asi. Tipi chu tlingtlawk khawmsele, a pîn leiah a kal kho lo; tî tlingtlawk chu a hâu a suah kho, sikhawmsele a tâwn kho lo.

AMOS 4:12

Churuangah, LALPA nih, “Israel mi tla, ka nan rêp na awt, hi hâwi thil ka ti awt ruang chun ka lâirêlnâk chu tuar ding hen a tîm rawh!” a ti.

MIKAH 1:4

A tangah mi tlâng tla chu mei lakah khuailul a zawr mi hâwi hen an zawr lai, tlâng tla tî tawih hâwi hen tivakuam tla a tawih lai.

ZEKARIA 14:4

Chu tikah chun Jerusalem saklei oliv tlâng tlûnah a dîr lai. Churawhchun, oliv tlâng chu saklei leh thlanglei tivakuam kâu tak nih a phel phawk lai. A tlâng khingkhuai chu marlei kângah a khing dang chu simlei kângah a ṭhial lai.

DEUTERONOMY 2:25

Tusûn ni thawk hen mun kip ah mi nih an ṭih na ding hen ka siam na lai. Mikip nan min an simnâk ko khawm ah lâu hen an thir lai,’ a ti.