ISAI 61:9 - Bawm Common Language Bible Version

⁹ Phun tla lakah an min a thang lai le; Mikip anmah muhtu tla nih mal ka sâwm na mi Minung tla an si ti an theih lai,” a ti.

ISAI 61:9 ပူးပေါင်းရင်းမြစ်များ

GENESIS 22:18

Phun zawzawng tla nih an thlâk tla mal ka sâwm na mi hâwi hen malsâwmnâk an hawng ka deih lai. Ka thupêk zawzawng na zûl ruangah,” ti hen thu a tiamh.

GENESIS 30:27

Laban nih a sinah, “Zângfahtê hen thu kâ khat ka sim lai rih; Nangmah ruangah chamchawh hen LALPA nih mal hawng ka sâwm zia ka theih.

SAM 115:14

LALPA nih nang leh na thlâk tla, fa an pêk na seh!

ISAI 43:5

Na sinah ka um, lâu lah! “Saklei lât tak thawk hen leh thlanglei mun lât chemnâk thawk hen na mi tla chu in leiah ka tlungpi na lai.

ISAI 44:3

“Ram châr chu tî ka pêk lai le, tual châr lakah tiva tla ka luangtir lai. Ka thiltikhonâk nan fa le tlûnah ka tawih lai le, ka malsâwmnâk chu nan thlâk tla tlûnah ka tlungtir lai.

ISAI 53:10

LALPA nih, “A thihnâk chu sual ngaihdamnâk ding hen bâwlnâk asi ruangah a tuar ding mi chu ka duhzia asi. Churuangah a thlâk tla a muh na lai le; san sâu tak hen a um lai le amah ruangah ka thiltum chu a tling lai rawh.

ISAI 65:23

An rianṭuan ah anna dingchang lai le, an fa le nih siat leh râwknâk an tawng lai lo. Tik a hawng um ding mi zawzawng lakah anmah leh an thlâk tla mal ka sâwm na lai.

ISAI 66:22

“Ka thiltikhonâk hen tual thar leh vân thar ka umtir kumza mi hâwi hen na thlâk tla leh na min a um kumza lai.

JEREMIA 31:7

LALPA nih, “Phun zawzawng lakah phun rokual chem Israel rangah lâwm hen la sak u. A vei bang, LALPA nih a mi tla ruang a suah na rawh ruangah sawrnâk la sak u.

ZEKARIA 8:13

Juda leh Israel mi tla! Ramdang mi tla nih a lânah Juda leh Israel lakah siatnâk a tlung mi hâwi hen na tlûnah tlung seh’ ti hen siat anna barh tawnh le! Sikhawmsele ruang ka nan suah na lai le, churawhchun ramdang minung siat anna barh tawnh mi tla nih ‘Juda leh Israel mi tla tlûnah malsâwmnâk a tlung mi hâwi hen a malsâwmnâk a ting rawh’ anna ti tawnh rûl lai rawh. Churuangah râlṭha tak hen um ule, lâu lah u,” a ti.

MALAKI 3:12

Nan ram chu umnâk ṭha tak asi awt ruangah phun tla zawzawng nih mi lâwptlo tla an ti na lai.

NUMBER 22:12

Pathian nih Balaam sinah, “Hi minung tla hi zûl lah na, Israel mi tla khawm siatbarh lah na, keimah malsâwmnâk tingtu tla an si,” a ti.

THILTI 3:26

Pathian nih a to-aw chu a ruat le, nan sual tla hertâk tir chiau ding hen mal a nan sâwm na ding hen nanmah sinah a hawng fial masa chem asi hi,” a ti.