ISAI 61:8 - Bawm Common Language Bible Version

⁸ LALPA nih, “Repnâk chu ka duh le, Nehsawhnâk leh thilsual chu ka hua. Ka mi tla chu zumhkâi tak hen lâwmman ka pêk na lai le, An sinah zungzâl thudântuk ka siam lai.

ISAI 61:8 ပူးပေါင်းရင်းမြစ်များ

GENESIS 17:7

“Zungzâl thudântuk hâwi hen na sinah leh na thlâk tla hi nûnah um ding mi sinah ka thutiam chu ka theihkumza lai. Na Pathian kasi lai le, na thlâk tla Pathian khawm kasi lai.

2 SAMUEL 23:5

Keimah hen zungzâl thudântuknâk a nei rawh ruangah asi, Pathian nih hi hâwi hen ka thlâk tla chu mal a sâwm awt; chu remnâk chu â râwk lai lo le, a thutiam khawm thlâkthleng asi lai loh. Chu zawng chu ka duh mi chu asi; ka nehnâk ding mi chu asi. Chu chu Pathian nih a langhtir lai.

SAM 105:10

Jakob sinah thudân LALPA nih a tuk le, kumleza hen um ding mi pakhat chu.

SAM 11:7

LALPA chu â rep le, thil ṭha ti a lawmh; chu hâwi titu chu a sinah an um lai.

SAM 32:8

LALPA nih chun, “Na kalnâk ding lampi, ka nan simh lai le; ka nan sîntir hen krai ka nan pêk lai.

SAM 33:5

LALPA nih mirep leh a dik mi chu a dâwt na le; a dâwtnâk dawnglo nih tual a khattir.

SAM 37:28

Pathian nih a dik mi chu a lawmh ruangah, a mi zumhkâi tla chu a kaltâk lo. A hum kumza na le, khawmsele misual thlâk tla chu a nar phin lai.

SAM 45:7

Diknâk chu na duh le, sualnâk chu na hua. Churuangah asi, Pathian, na Pathian nih a nan thîm mi chu, Lal dang zawzawng ngâk hen lâwmnâk tam dauh an pêk.

SAM 50:5

“Ka mi zumhkâi tla, thutiamnâk nei hen bâwlnâk hawng aptu tla chu ka sinah hawng pumh na,” a ti.

SAM 62:10

Tha-le-zâng ko zumh lah; rawk hen lâwk a tum lah, neih leh siah khawmsele, chu lakah a ngauh lah.

SAM 99:4

Lalchem Chak tak, diknâk chu na lawmh; Israel tla lakah diknâk chu na birhtir le; repnâk leh ṭhatnâk na tlungtir.

THUFING LASUIBU 3:6

Na thiltinâk zeizawng ah LALPA chu theih le, amah nih lampi dik a nan khît piak lai.

THUFING LASUIBU 8:20

Mirep lampi ka zawh le; diknâk lampi ka zûl.

ISAI 28:17

Diknâk chu lungphûm rangah tahnâk asi lai le, zumhkâinâk chu a thûk zia tahnâk asi,” a ti. Thli leh ruah lakah mi rial nih nanna ngauhsan âwkrâwl tla chu a hûi peng lai le, nanna humnâk chu tîlian nih a veih lai.

ISAI 30:18

Chu hâwi asi khawm ah LALPA lam chu nan lakah khua a ruat nget rih. Thil dik a ti kumza mi asi ruangah nan lakah lungkhamnâk a nei kumza. LALPA ngauhsantu tla chu an thaw a suak.

ISAI 5:16

Sikhawmsele LALPA Zeizawng tikho nih chun a rokualnâk chu a thilti dik hen a zauhtir le, a thenhlimh zia chu a mi le tla lakah lâirêlnâk hen a langhtir.

ISAI 54:10

Tlâng sâng leh tlâng tênâu tla chu â râwk kho. Sikhawmsele ka nan dâwtnâk chu zeiliau khawm a dawng lai lo; thlangamnâk ka thutiam chu ka theihkumza lai,” a ti. Churuangah LALPA a nan dâwttu nih a sim asi.

ISAI 55:3

“Ka mi tla, tuah ka thu ngâi ule ka sinah hawng u; ka sinah hawng ule, nungnâk nan nei lai! Nanmah hen thudântuk um kumza ding mi ka siam lai le David sinah ka tiamh mi malsâwmnâk chu ka nan pêk na lai.

ISAI 56:1

LALPA nih a mi tla sinah, “Sâwtlotê ah ruang ka nan suah na awt ruangah, a dik mi leh â rep mi chu ti u.

ISAI 66:22

“Ka thiltikhonâk hen tual thar leh vân thar ka umtir kumza mi hâwi hen na thlâk tla leh na min a um kumza lai.

JEREMIA 32:40

Anmah hen zungzâl thudântuk ka siam lai. Ka lakah mi an hawng ka hertâk lo rawhnâk ding hen an rangah thil ṭha ti ka bâng lai lo, an thinlung zawzawng hen hawng ka ṭihtu ding ah ka siam na lai.

JEREMIA 9:24

Mi nih putso ding mi a duh chun, keimah hawng ka theih mi leh hawng ka theihthiamnâk putso seh, ka dâwtnâk chu a dawnglo hen repnâk leh diknâk ka ti ruangah. Chubang tla nih hawng ka lawmhtir. Kei, LALPA nih ka sim asi,” a ti.

EZEKIEL 16:60

Sikhawmsele, na ngâksia liauah na sinah thudântuk ka siam mi chu ka theihkumza lai le, thudântuk um kumza rawh ding mi na sinah ka siam awt.

EZEKIEL 34:25

An sinah an himnâk ding hen thudântuk ka siam awt. Ram lakah ramsa ṭihnungkâi ka ṭhiau phin na lai le, churawhchun ka dawrâ tla chu phâisen ah him tak hen an um lai le, tumun tla ah an bawk lai.

MALAKI 1:13

‘Nengtawr a kâi!’ nan ti le, nan nâr nan hawng ka phît nawh. Thil ap nan hawng put mi tla chu ran fîr mi tla mawh a khêng mi tla mawh a ngâwr mi tla an si. Chubang hâwi mi chu pawm ding hen ma nan hawng ka ruat?

MATHAI 23:13

“Nannih Dân sîntirtu leh Farisai perpê tla, nan tlûn a pit! Vân Ram lampi chu midang tla nan khâr piak na tâwn. Nannih tâ nih nan lût lai lo, mi lût ding tla khawm nan siang fâwn lo.

2 THESALONIKA 3:5

Chun, Lalpa nih chun nan thinlung tla chu Pathian zângfahnâk ah leh Krist felfênâk ah chun lûtpi seh.