ISAI 61:7 - Bawm Common Language Bible Version

⁷ Nan mualphonâk leh ningzaknâk a dawng rawh. Nanmah ram takah nan um lai le, Nan neih chu a leh khat hen a pung lai le, Nan a lâwmnâk chu zungzâl tiang asi lai.

ISAI 61:7 ပူးပေါင်းရင်းမြစ်များ

2 Lal 2:9

Chunah chun, Elija nih Elisa sinah, “Lâk hen ka um lânah, zei me an ti piak sele na duh, hawng ka simh,” a ti. Elisa nih, “Nangmah ruangrûl ah um ding hen na thiltikhonâk hawng ka tingtir bâk,” a ti.

JOB LASUIBU 42:10

Churawhchun, Job nih a hâwi pathum rangah thla a cham piak na le, LALPA nih sul-le-lam tluangnâk alân ngâk hen a lehnih hen a pêk nawlh.

SAM 126:5

Ṭap bû hen an fachî vawrhtu tla nih chun lâwm bû hen fângzûn liauah an pumh lai!

SAM 16:11

Nungnâk lampi leikâng chu na ka zauhtir le, na hawng ka umpinâk nih lâwmnâk a khattir hen, zungzâl lâwmnâk ah hawng ka tlunh.

ISAI 35:10

Jerusalem chu lâwm bû hen an va tleng lai le, la an sak lai le, lâwm ruangah an âu lai. Anna lâwm kumza lai le, ngaihsiat leh lungzûrnâk kumleza hen an nei lai lo rawh.

ISAI 40:2

Jerusalem mi tla chu fawrh na u. An tuar khawm a sâwt tâwk rawh, tu chun an sual khawm ngaihdam asi rawh ti simh na u. An sualnâk ruangah tling zat hen ka rep na rawh,” a ti.

ISAI 51:11

Ruang na suah mi tla nih Jerusalem chu lâwmnâk hen lâwm ruangah lasak leh âu bû hen an tlung lai. Lâwptlo tak hen an um kumza lai le ngaihsiatnâk leh lawksawngnâk lakah mi chu an thaw a suak kumza lai rawh.

ISAI 54:4

Ṭih lah, ningzak saih hen na um lai lo rawh le nâutir khawm na si lai lo rawh. Nupi seino tê hâwi hen zumh na kâi lonâk leh numei hâwi hen thim pem hen na um mi tla chu na philh lai rawh.

ISAI 60:15

“Kaltâk leh huat hen um mi, khuapi râwk leh a karo hen Um mi na si lai lo rawh. Zungzâl hen lâwmnâk mun, rokual tak leh dawh tak hen ka nan siam lai.

ISAI 60:21

Na mi tla nih thil dik an ti lai le, Ram chu anna ting kumza lai. An ektê sinah ka rokualnâk langh ding hen, Ka phun hen ka siam na mi an si.

ISAI 65:13

Churuang chun hawng ka sawnhtu leh ka thu ngâitu tla nih chun ei ding tam tak an tawng lai le, sikhawmsele nannih lam chu sungvâng leh tîhâl hen nan um lai ti ka nan simh na. Annih chu anna lâwm lai le, sikhawmsele nannih lam chu nan ning a zak lai.

ZEPHANIAH 3:19

Nanmah nehsawhtu tla ka rêp na ding mi, mikhêng tla ruang ka suah na ding mi leh saltâng tla in leiah ka tlungtir ding mi tik chu a tlung rawh. An mualphonâk chu zahkâinâk ah ka changtir lai le, laikulh mi zawzawng nih an sawr na lai.

ZEKARIA 8:12

Thlangam tak hen thlâi tla an chîng lai rawh. An grep zûn tla nih rah a suah lai le, tual nih rah tam tak a suah lai le, ruah tam tak a sûr lai. Hi bang phun tla lakah ka mi thibang tla chu hi zawng malsâwmnâk tla ka pêk na lai.

ZEKARIA 9:12

Nannih saltâng, tuah lungumnâk neitu tla, nan mun ah him tak hen hawng kîr u. Nan tuar mi ruangrûl ah a lehnih ngâk a tam malsâwmnâk kan pêk na ding mi tuah kan simh na lai.

MATHAI 25:46

Chun, chubang chu zungzâl rêpnâk ah an kal lai; mirep tla lam chu zungzâl nungnâk ah an kal lai,” a ti.

2 KORIN 4:17

Kanna hamhnâk nêptê, tu mitthlep sung cho ah um ding mi nih hin rokualnâk cherkhet zungzâl rang ding hawng kan siam piak dadauh asi.

DEUTERONOMY 21:17

A fapa tîr rangah tingvo a lehnih hen a neih lakah mi a pêk ngelchel ding asi, a nupi a duh dauh mi fapa silah menza khawmsele. Chu minung nih chun a fapa tîr chu dân hâwitê hen a vo pêk hen fapa tîr min a puttir ding asi.

2 THESALONIKA 2:16

Chun, kan Lalpa Jisu Krist ngelchel leh Pathian kan Pa, hawng kan zângfahtu leh a siherhnâk hawng kan pêk mi thinlung dik lungumnâk ṭha pêktu nih chun nan thinlung tla chu an lungngamh na hen,