ISAI 61:3 - Bawm Common Language Bible Version

³ Zion ah lungfâk mi tla sinah ngaihsiat ngâk hen Lâwm leh lâwptlonâk pêk ding hen, Lungzûr ngâk hen sawrnâk la sak ding hen hawng ka fial. LALPA amah tak nih a phun na mi, Thing tla hâwi an si lai. A dik mi zawzawng an ti lai le, Pathian chu a thilti ruangah sawr hen a um lai.

ISAI 61:3 ပူးပေါင်းရင်းမြစ်များ

ESTHER 8:15

Mordekai chu lal thuam, a pâwl mi leh a ngo mi thuam hen, kawrfual senduk, ngûn lukhuh rokual tak khuh bû hen lal in thawk hen a suak rawh. Churawhchun, Susa khuapi chu lawmhnâk leh chawnglawmhnâk hâu hen a tlirhkhâwng.

ESTHER 9:22

Hi ni hi Juda tla an mêlma lakah mi ruang an suak ni asi le, chu thla ah chun an ngaihsiatnâk leh an lawksawngnâk chu lâwmnâk leh lâwptlonâk ah a hawng a chang ruangah chu ni chu puai einâk leh a murui hen thilthawt a pêk tawnh hen, mipâm tla rangah thilthawt pêk tla pêk na ding hen a simh na.

SAM 104:15

Amah lawmhtir ding hen uain tla suah ding hen leh oliv sariak nih chun amah lawmhtir ding hen, sang tla nih chun amah chaktir ding hen.

SAM 149:4

LALPA nih a mi tla chu a lawmh na le; nâu tak hen um mi chu nehtu si hen a chungnungtir na.

SAM 23:5

Ka mêlma tla nih an ka muh khonâk ah puai na ka timhtuah piak le; khual zahkâi hâwi hen na ka lawmh, ka hâi khawm a tlâng rual hen na khattir.

SAM 30:11

Ka ngaihsiatnâk chu lâwm hen lâwmnâk ah na changtir; ka lawksawngnâk chu na lâk ving le, lâwmnâk hen na kulh.

SAM 30:12

Churuangah ka dâisip awtlo; la sak hen ka nan sawr awt. LALPA, nang chu ka Pathian na si, lâwmthu ka nan simh kumza lai.

SAM 45:7

Diknâk chu na duh le, sualnâk chu na hua. Churuangah asi, Pathian, na Pathian nih a nan thîm mi chu, Lal dang zawzawng ngâk hen lâwmnâk tam dauh an pêk.

THUSIMTU 9:8

Lâwm tak leh lâwptlo hen um tum kumza.

ISAI 12:1

Mi zapi tla la sak ding mi ni a hawng tlung awt rawh. “LALPA ka lakah na thin a run le, Sikhawmsele, tu lam chun na thinthawk lo rawh le, thla na ka ngamh ruangah ka nan sawr lai.

ISAI 26:2

Khuapi kulh kawtkâ chu awng ule, phun zumhkâi thil dik titu phun ah mi tla chu lûttir na u.

ISAI 44:23

Vân tla, lâwm hen âu u! Tual mun thûk takah mi âu u! Tlâng sâng leh tumun ah thing tla lâwm hen âu u! LALPA nih a mi Israel tla ruangsuahnâk hen a rokual zia a langh.

ISAI 46:13

Nehnâk ni ka tlungtir ding mi chu a nâi rawh, a lât rîlmâl lo. Ka neh ding mi chu a sâwt lai lo rawh. Jerusalem chu ka hum lai le, Israel lakah zahnâk ka tlungtir lai,” a ti.

ISAI 52:1

Jerusalem, chak tak leh rokual tak hen um nawlh rawh! Pathian khuapi thenhlimh, rokualnâk hen a thuam rawh! Lunglo tla chu na khua kulh sungah an lût lai lo rawh.

ISAI 61:10

Jerusalem, LALPA nih thil a ti mi ruangah a lâwm rawh. Anih chu umh liauah â thuam mi hâwi asi. Pathian nih ruangsuahnâk leh nehnâk puan a aihtir.

JEREMIA 31:13

Churawhchun, nungâk tla chu lâwm hen an lâm lai le, upa, ngâksia leh tar anna lâwm lai. Annih tla chu thla ka ngamh na lai le, an ngaihsiatnâk chu lâwmnâk ah ka changtir lai le, an thinlung fâknâk chu lâwmnâk ah ka changtir lai.

EZEKIEL 34:29

Phâisen ningno ṭha tak ka pêk na lai le, ram lakah sungvângnâk ka rehtir lai rawh. Phundang tla nih an nihsanh na lai lo rawh.

EZEKIEL 47:7

chunah ka va kal rawh chun tiva kap kip ah thing tam tak a um mi ka muh.

ZEKARIA 3:5

Churawhchun, vânminung tla sinah chun, Josua lû ah upâwng thiang tak pawnh ding hen thu a pêk; chu hâwi hen an pawnh le, chunah vânmifial a dîr liauah puan thar an aihtir rawh.

MATHAI 15:13

Anih lam nih chun, “Kûng zawzawng ka Pa vân ah mi nih a phun lo mi chu phâwi hen a um lai.

MATHAI 5:16

Chu hâwi ber hen nan chêu chu mi mitmuh ah chêu seh, chuvachun nan thil ṭha ti tla an muh lai le, nan Pa vân ah mi an chawnglawmh kho lai.”

LUK 15:22

Sikhawmsele, a pa nih chun a to-aw tla sinah, Puan ṭha chem kha hawng put rereh ule, aihtir u; a kut ah pizung leh a kezaphah ah pheikawk bunhtir u.

JOHAN 15:8

Hi ruang hin ka Pa chu chawnglawmh hen a um tâwn, tam tak nan rahnâk takah hin; chuvachun ka ṭhiruai tla nan si lai.

JOHAN 16:20

Thungâi tak hen ka nan simh na, nannih nan mitthli a tlâ lai le, nan ṭap chiam lai le, laikulh lam chu anna lâwm lai; nannih nan ngaihsia lai le, sikhawmsele nan ngaihsiatnâk chu lâwmnâk ah â chang lai.

1 KORIN 3:9

Kannih lam chu Pathian rianṭuantu kan si; nannih Pathian lo munma chu nan si. Pathian in sak chu nan si ber.

1 KORIN 6:20

Churuangah, nan taksa hen Pathian chawnglawmh u.

HEBRAI 1:9

Diknâk chu na duh le, diklonâk chu na hua. Churuangah Pathian, na Pathian nih chun, Na hâwi tla ngâk hen chawnglawmhnâk rokual dauh a nan pêk,” ti hen a sim.

1 PETER 2:9

Sikhawmsele, mûi ah mi suak hen, a chêu chê tak ah lût ding hen a nan kawh natu Pathian thilchê ti tla nan langhtir khonâk ding hen, nannih chu phun thîm, Lalchem bâwlpu tla, phun thenhlimh, Pathian mi tak nan si.

1 PETER 4:14

Krist lungtu nan si ruangah fâi nan si chun nan thaw a suak, rokualnâk Thlarau leh Pathian Thlarau chu nan lakah a um ruangah.