ISAI 61:2 - Bawm Common Language Bible Version

² LALPA nih a mi tla ruang a suah na ding mi leh Mêlma tla a neh piak ding mi tik a tlung rawh Ti sim ding hen hawng ka fial. Mi ngaihsia tla sinah thlangamh ding hen hawng ka fial.

ISAI 61:2 ပူးပေါင်းရင်းမြစ်များ

ISAI 1:24

Churuangah tuah LALPA zeizawng tikho, Israel Pathian thiltikho tak nih a sim mi chu ngâi rawh. “Na lakah phû ka lam awt, ka mêlma leh nangnih nan ka nawktir lai lo rawh.

ISAI 13:6

Nganfâk ruangah râk u! Zeizawng tikho nih siat leh râwknâk a hawng tlungtir awt mi ni LALPA ni chu a nâi rawh.

ISAI 2:12

Chu ni ah chun LALPA zeizawng tikho nih mikip thiltikho tla, mi puar tla, mi zûm tla a nâutir na lai.

ISAI 25:8

LALPA zahkâi nih thihnâk chu a veih pawt awt rawh! Mikip mitthli chu a nâwt piak ver na lai le, laikulh pumpi ah a mi le ningzakkâi tak hen tuarnâk chu a lâk piak ving na lai. LALPA amah ngelchel nih a sim mi asi.

ISAI 34:2

LALPA chu phun zawzawng leh an kawrsen zawzawng lakah a thin a run. Siat leh râwk ding hen a mawhtir na.

ISAI 34:8

Hi hi LALPA nih Zion ruang a suahnâk leh a mêlma tla phû a lam ding mi tik chu asi.

ISAI 35:4

Mi lungdawng kip sinah chun, Chak tak hen um le, ṭih lâh! Pathian chu nangmah ruangsuah ding leh na mêlma tla rêp ding hen a hawng,” ti hen simh na u.

ISAI 40:1

Kan Pathian nih, “Ka mi le tla, thlangamh na u, thlangamh na u!

ISAI 49:8

LALPA nih a mi tla sinah, “Nangmah ruangsuahnâk ding hen tik a hawng tlung chun kan sunhsak zia ka langhtir lai le, ṭangpi deih hen na âu mi ka nan sâng lai. Kan vêng hen ka nan hum lai le, nangmah ruangah mi zawzawng hen thudântuk ka siam lai. Tuah nan ram siat leh râwk hen a um mi lakah hin ka nan umtir nawlh lai.

ISAI 51:12

LALPA nih, “Kei hi a nan chaktir natu chu kasi. Belh tluk khawm a dam sâwt lo ding mi thi kho mi minung rangah zei rangah na ṭih awt?

ISAI 57:18

“An thilti tla ka muh le, sikhawmsele ka damh na lai. Ka rui hen ka ṭangpi na lai le, thinlung ngaihsia tla chu thla ka ngamh na lai.

ISAI 58:5

Buh nan ngei mi chu nanmah nanna hamhtir salam mi asi; belh nah â thlâi mi hâwi hen nan lû nan kûn le, salâpuan leh vachâm itnâk ah nan phah. Chubang tla chu ma buh ngei nan ti mi? Chubang lakah a lâwm ding hen ma nan ka ruat?

ISAI 60:10

LALPA nih Jerusalem sinah, “Ramdang mi nih na kulh tla chu a siam lai le, An lal tla nih na nâwl an zulh lai. Ka thinthawk ruangah ka nan rêp le, Sikhawmsele tu lam chun ka nan sunhsaknâk leh Khua ka ruatnâk kan zauhtir lai.

ISAI 66:14

Hi bang tlung mi nan muh tikah nanna lâwm lai le, chak tak leh nungdam hen an umtir na lai. Churawhchun, kei, LALPA nih ka thu ngâitu chu ka ṭangpi na le, ka mêlma tla lakah ka thinthawknâk ka langh ti nan theih lai,” a ti.

JEREMIA 31:13

Churawhchun, nungâk tla chu lâwm hen an lâm lai le, upa, ngâksia leh tar anna lâwm lai. Annih tla chu thla ka ngamh na lai le, an ngaihsiatnâk chu lâwmnâk ah ka changtir lai le, an thinlung fâknâk chu lâwmnâk ah ka changtir lai.

JEREMIA 46:10

Tusûn ni hi LALPA, Zeizawng tikho zahkâi tak ni chu asi: Tusûn ah phû a lam lai le, tusûn ah a mêlma tla a rêp na lai. A nâmsâu nih a khim pang tiang a ei na lai, an thî tla chu a khawp pang tiang hen a din lai. Tusûn hin Zeizawng tikho nih a mi thah tla chu marlei kângah Eufretis kiangah bâwlnâk ah a mang lai.

MIKAH 3:8

Sikhawmsele kei lam chu a thlarau leh a thiltikhonâk hen hawng ka khattir lai le, thildik theihnâk leh râlṭhatnâk, a mi Israel tla an sualnâk theihtir na ding hen hawng ka pêk.

MATHAI 5:4

“Ngaihsia tla chu an thaw a suak, Pathian thlangamh hen an um awt ruangah!

LUK 4:19

Lalpa lungâwi kum thu sim ding hen hawng ka fial asi,” ti hi.

LUK 6:21

“Nannih tu ah sungvâng tla, nan thaw a suak, nan khim awt ruangah! “Nannih ṭap le tla, nan thaw a suak, nan ni awt ruangah!

2 KORIN 6:2

“Tik lawmhkâi ah ka nan ngâi le, Ruangsuahnâk ni ah ka nan ṭangpi,” ti hen Pathian nih a sim mi chu ngâi u. Ngâinik u! Tu hi tik lawmhkâi chu asi, tu hi ruangsuahnâk ni chu asi!

1 THESALONIKA 2:16

ruangsuah an si khonâk ding hen Phundang tla sinah thusim an khap tâwn; an sual tahnâk khattir tâwn ding hen: Sikhawmsele, thinrunhnâk chu dawng rît hen an tlûnah a hawng tlung rawh.