ISAI 61:11 - Bawm Common Language Bible Version

¹¹ A chî a keuh hen a hawng ṭhang tatak rawh chun, LALPA Zahkâi nih a mi tla ruang a suah na lai le, Phun zawzawng nih amah an sawr lai rawh.

ISAI 61:11 ပူးပေါင်းရင်းမြစ်များ

GENESIS 1:11

Churawhchun, Pathian nih, “A kho mi chî kip a chî hen mi leh a rah hen suah mi tla chu tual nih suah seh,” ti hen thu a pêk le, chu hâwi hen a hawng um rawh.

SAM 72:16

Ram ah chun fâng tam tak um seh; Lebanon tlâng ah a rah duh hâwi hen tlâng tla chu rah hen khat seh. Phâi belh hen a khat mi hâwi hen khuapi chu minung hen khat seh.

SAM 72:3

Ram chu vân ṭhatnâk lakah a lâwm sele; repnâk chu theihthiam seh.

SAM 85:11

Minung diknâk nih vân a phanh lai le, Pathian repnâk nih vân thawk hen a bih lai.

LA TLA LA 4:16

Mar thli, a ṭhangh rawh, sim thli, ka dûm ah hawng lêng le, rimthâw hen khattir. Hawng ka dâwttupa chu a dûm ah hawng sele, theirah a ṭha chem mi ei seh. Mipa nih

ISAI 4:2

LALPA nih thil phun tla ram lakah tam tak a kho hen dawh tak hen a siam ni ding a hawng tlung awt. Israel mi a thibang tla chu ram lakah an chîng mi thlâi an tawng mi lakah anna lâwm lai le, an rinhsan lai.

ISAI 45:23

Ka thutiam chu a dik le, lêt asi lai lo rawh. Bir tak hen ka sinâk zawzawng hen ka tiamh mi asi; mikip hawng hen ka mâika ah anna siksidîr lai le, zumhkâi ding hen ka sinah thu anna tiam lai.

ISAI 45:24

“Keimah thawk hen cho nehnâk leh chaknâk tawng ding asi mi leh hawng ka huatu zawzawng nih ningzaknâk an tuar ding mi an sim lai.

ISAI 45:8

Vân thawk hen nehnâk chu ruah hâwi hen ka hawng fial lai le, ting ding hen tual chu â awng lai le, diknâk leh thawsuaknâk hen ka êntir lai. Kei, LALPA nih hi bang hi ka tlungtir awt,” a ti.

ISAI 46:13

Nehnâk ni ka tlungtir ding mi chu a nâi rawh, a lât rîlmâl lo. Ka neh ding mi chu a sâwt lai lo rawh. Jerusalem chu ka hum lai le, Israel lakah zahnâk ka tlungtir lai,” a ti.

ISAI 48:18

“Ka thupêk cho ngâitu nan si chun malsâwmnâk chu tiva kâng dahlo mi hâwi hen nan rangah a hawng luang lai! Tiva kapah tîlian a luang mi hâwi hen nehnâk nan lakah a hawng tlung lai.

ISAI 58:11

Ka nan rui kumza lai le, thil ṭha tla hen ka nan khimtir lai. Chak tak leh nung dam hen ka nan kilkâwi lai. Dûm tî tam tak nei mi, tinung va kang dahlo mi hâwi na si lai.

ISAI 60:18

Siat leh râwknâk rihâu chu theih asi lai lo rawh; Siatnâk nih nan ram chu a râwk nawlh lai lo rawh. Kulh hâwi hen ka nan hum hen ka nan vêng lai; Ruang ka nan suah ruangah na ka sawr lai.

ISAI 60:21

Na mi tla nih thil dik an ti lai le, Ram chu anna ting kumza lai. An ektê sinah ka rokualnâk langh ding hen, Ka phun hen ka siam na mi an si.

ISAI 62:1

Jerusalem fawrhnâk thu ka sim lai le; Him tak hen a um lânlo leh a nehnâk chu Zân ah mi meifâr hâwi asi lânlo chu ka dâisip awtlo.

ISAI 62:2

Jerusalem, phun tla nih na nehnâk an muh lai! An lalchem zawzawng nih na rokualnâk an muh lai. LALPA amah tak nih an phuah mi min thar hen kawh na si lai.

ISAI 62:7

Jerusalem chu dirh asi lânlo chu an dîntir awtlo, Khuapi chu laikulh pumpi sawr tlâk ah siam ding hen.

MATHAI 13:23

Chun, tual ṭha tlûnah vawrh mi chu, thu chu nâ nih theih hen, a ngaihtawnh dân khawm theih hi asi le, chu minung chu a rah taktê le, zeimaw mi a leh zâ hen, zeimaw mi a leh sâwmruk hen, zeimaw mi a leh sâwmthum hen a pung tâwn,” a ti.

MATHAI 13:3

Chun, tahṭhimh thu hen thu tam tak an sinah a sim le: “Fachî vawrhtu fachî vawrh hen a kal.

MATHAI 13:8

Chun, a zeimaw mi tual ṭha lakah a tlâ le, a zeimaw mi a leh zâ hen, zeimaw mi a leh sâwmruk hen, a zeimaw mi a leh sâwmthum hen lebang a rah rawh.

1 PETER 2:9

Sikhawmsele, mûi ah mi suak hen, a chêu chê tak ah lût ding hen a nan kawh natu Pathian thilchê ti tla nan langhtir khonâk ding hen, nannih chu phun thîm, Lalchem bâwlpu tla, phun thenhlimh, Pathian mi tak nan si.