ISAI 61:10 - Bawm Common Language Bible Version

¹⁰ Jerusalem, LALPA nih thil a ti mi ruangah a lâwm rawh. Anih chu umh liauah â thuam mi hâwi asi. Pathian nih ruangsuahnâk leh nehnâk puan a aihtir.

ISAI 61:10 ပူးပေါင်းရင်းမြစ်များ

GENESIS 24:53

Churawhchun, puan tla, tangka tla, ngûn hen thuamh mi lungmantam tla a thuak le, Rebek rangah a pêk rawh. Thilpêk man tam tatak tla, a unaupa leh a nu rangah a pêk na bâk.

2 CHRONICLES 6:41

LALPA Pathian tuah thawk le, Thudântuk Bâwm na thiltikho zia zauhtirnâk hen hi Biakin ah hin lût le, um kumza rawh. Bâwlpu tla thilti zawzawng chu malsâwm le, an lakah na ṭhatnâk ruangah mi zawzawng anna lâwm khonâk ding hen.

NEHEMIAH 8:10

Tuah in leiah lâwi ule; puai lam ei u. A nei lo mi sinah a tâwk ding hen nan buh leh uain kha a ṭhen u. Tusûn hi kan LALPA lakah ni thenhlimh asi le, nan ngaihsia ding asi loh. LALPA nih lâwmnâk a nan pêk na mi nih a nan chaktir na lai,” an ti na.

JOB LASUIBU 29:14

Dik tak leh rep tak hen thil ka ti kumza.

SAM 132:16

A bâwlpu tla chu an thilti zawzawngah mal ka sâwm na lai le, a mi tla chu lâwm hen la sak hen an âu lai.

SAM 132:9

Na bâwlpu tla nih thildik ti kumza na sele! na mi tla chu lâwm hen âu kumza na seh!

SAM 28:7

LALPA chu hawng ka kiltu leh vêngtu asi ruangah ka zumh asi. Hawng ka ṭangpi le, hawng ka lawmhtir, lawmnâk la hen amah ka sawr.

SAM 35:9

churawhchun LALPA ruangah ka lâwm lai le; ruang a ka suah ruangah ka lâwptlo lai.

LA TLA LA 1:10

Na biangah mi na sam chu â dawh le, na ngâwng ah a liam mi chu lungsung hâwi asi.

ISAI 12:1

Mi zapi tla la sak ding mi ni a hawng tlung awt rawh. “LALPA ka lakah na thin a run le, Sikhawmsele, tu lam chun na thinthawk lo rawh le, thla na ka ngamh ruangah ka nan sawr lai.

ISAI 12:2

Pathian chu ka ruangsuahtu asi le; amah chu ka zumh lai le, ka ṭih lai lo rawh. LALPA nih thiltikhonâk leh chaknâk hawng ka pêk le; amah chu ka ruangsuahtu asi.

ISAI 17:10

Israel, lungpi a bir mi hâwi hen a nan humtu leh ruang a nan suahtu Pathian chu na philh rawh. Ramdang pathian sawnhnâk ding hen dûm thenhlimh lehlam na siam dauh.

ISAI 25:1

LALPA, nang chu ka Pathian na si; ka nan zah hen na min ka sawr lai. Thilchê tla na ti le; a lân thawk hen na thiltum chu zumhkâi tak hen na ti vima.

ISAI 25:9

Chu chu a hawng tlung tik chun, mikip nih, “Kan Pathian asi! Amah chu kan rinhsan le, ruang hawng kan suah rawh. Amah chu LALPA asi! Amah chu kan rinhsan le, tu chun ruang hawng kan suah ruangah kan lâwptlo hen kanna lâwm rawh,” an ti.

ISAI 35:10

Jerusalem chu lâwm bû hen an va tleng lai le, la an sak lai le, lâwm ruangah an âu lai. Anna lâwm kumza lai le, ngaihsiat leh lungzûrnâk kumleza hen an nei lai lo rawh.

ISAI 41:16

Boruak ah na vawrh phin lai le thli nih a ranh ving lai, thlipi nih a thektham hep lai. Churawhchun, kei na Pathian kasi ruangah na lâwptlo lai rawh; Israel Pathian thenhlimh chu na ka sawr lai rawh.

ISAI 48:18

“Ka thupêk cho ngâitu nan si chun malsâwmnâk chu tiva kâng dahlo mi hâwi hen nan rangah a hawng luang lai! Tiva kapah tîlian a luang mi hâwi hen nehnâk nan lakah a hawng tlung lai.

ISAI 49:18

Na kiangkam tla a hawi le, zei thil a hawng tlung zauh! Na minung tla anna pûm hen in leiah an hawng tlung liau chir! Kei Pathian nung kasi ruangah, na mi tla chu mo nih a lungsung â zumh phah mi hâwi hen na mi tla chu zumhnâk ah na mang lai.

ISAI 49:4

“Ka ṭuan le, sikhawmsele, lungum a kâi lo chiam e! Ka chaknâk ka mang le, sikhawmsele zeikhawm â lîm lo,” ka ti. LALPA nih ka thilti lakah lâwmman hawng ka pêk lai.

ISAI 51:11

Ruang na suah mi tla nih Jerusalem chu lâwmnâk hen lâwm ruangah lasak leh âu bû hen an tlung lai. Lâwptlo tak hen an um kumza lai le ngaihsiatnâk leh lawksawngnâk lakah mi chu an thaw a suak kumza lai rawh.

ISAI 51:3

“Jerusalem leh â râwk mi lakah um mi zawzawng tla sinah sunhsaknâk ka langh lai. A ram chu a karo hen um menza khawmsele Eden ah dûm ka tuah mi hâwi hen dûm ah ka tuah awt. Lâwmnâk leh lâwptlonâk chunah chun a um lai le sawrnâk la an sak lai le, ka sinah lâwmthu an sim lai.

ISAI 52:1

Jerusalem, chak tak leh rokual tak hen um nawlh rawh! Pathian khuapi thenhlimh, rokualnâk hen a thuam rawh! Lunglo tla chu na khua kulh sungah an lût lai lo rawh.

ISAI 56:7

“Ka tlâng thenhlimh Zion ah ka nan kalpi na lai le, ka in ah thlachamnâk ah lâwmnâk ka nan pêk lai le, ka mâichâm ah bâwlnâk nan hawng ap mi chu ka pawm lai. Ka Biakin chu phun zawzawng thlachamnâk in ti asi lai,” a ti.

ISAI 58:14

keimah rian na ṭuan ruangah lâwmnâk na tawng lai. Laikulh pumpi nih zah ding hen ka nan siam lai le, a nan thlâktu Jakob sinah ka pêk mi ram ah lâwm tak hen na um lai. LALPA, keimah nih ka sim mi asi,” a ti.

ISAI 61:3

Zion ah lungfâk mi tla sinah ngaihsiat ngâk hen Lâwm leh lâwptlonâk pêk ding hen, Lungzûr ngâk hen sawrnâk la sak ding hen hawng ka fial. LALPA amah tak nih a phun na mi, Thing tla hâwi an si lai. A dik mi zawzawng an ti lai le, Pathian chu a thilti ruangah sawr hen a um lai.

ISAI 65:18

Ka thilsiam lakah a lâwm ule, lâwptlo u. Jerusalem ka siam mi chu lâwmnâk hen a khat lai le, a mi tla khawm anna lâwm lai.

JEREMIA 2:32

Nungâk nih a lungsung mawh umhnâk thuam mawh a philh ma? Sikhawmsele, ka mi tla nih chun, a ni sim leh rêl châwklo rê hen an hawng ka philh.

EZEKIEL 42:14

Bâwlpu tla Biakin sungah mi chu kulh lênglei ah suak ding an duh mi asi chun, LALPA rianṭuan liauah anna aih mi nipuan thenhlimh chu kardang sungah an siah ding asi. Lênglei ah zapi pumhnâk ah an va suak lânah nipuan dang anna aih ding asi,” a ti.

HABAKUK 3:18

dawrâ rual tla thi hep hen, ran siahnâk lâwng tleng khawmsele, ka lâwm hen lâwptlo tak hen ka um kumza lai.

ZEKARIA 10:7

Israel mi tla chu kawrsen hâwi hen an chak lai le, uain dintu tla hâwi hen anna lâwm lai. Hi nehnâk hi an thlâk tla khawm nih an theihkumza lai le, LALPA ti mi asi ruangah anna lâwm lai.

ZEKARIA 3:5

Churawhchun, vânminung tla sinah chun, Josua lû ah upâwng thiang tak pawnh ding hen thu a pêk; chu hâwi hen an pawnh le, chunah vânmifial a dîr liauah puan thar an aihtir rawh.

LUK 15:22

Sikhawmsele, a pa nih chun a to-aw tla sinah, Puan ṭha chem kha hawng put rereh ule, aihtir u; a kut ah pizung leh a kezaphah ah pheikawk bunhtir u.

ROM 13:14

Lal Jisu Krist râlthuam hen chun a thuam dauh ule, nan taksa duhnâk zawh ding hen zeikhawm a siam lah u.

ROM 14:17

Pathian Ram chu din leh ei thu asi lo le, repnâk tla, remnâk tla, Thlarau Thenhlimh lâwmnâk tla asi dauh.

ROM 3:22

chu chu Pathian repnâk, Jisu Krist lung ruangah a lungtu vial tla sinah langhtir hen a um mi chu asi; dangnâk rerêng a um lo:

ROM 5:11

Chu cho khawm asi lo le, tuah remnâk hawng kan tingtirtu kan Lalpa Jisu Krist ruang chun Pathian ah kanna lâwm asi.

GALATIA 3:27

Nan lakah Krist ah baptis si rawh mi vial tla kha Krist hen nanna thuam rawh ruangah.

PHILIPI 3:9

Krist ka ting khonâk ding leh mah repnâk (Dân lakah repnâk chu) nei lo hen, Krist lung ruangah repnâk (Lung ruangah Pathian lakah repnâk chu) nei dauh hen, amah lakah um kasi khonâk ding hen;

PHILIPI 4:4

Lalpa ah chun a lâwm kumza u. Ka ti nawlh lai, a lâwm u.

1 PETER 1:8

Amah chu muh lo khawm ule, nan dâwt le, chun amah chu tuah nan muh lo khawmsele nan zumh; chun sim kho lo rê mi lâwmnâk rokual hen a nan khattir na asi.

THUPHUANG 21:2

Chun, khua thenhlimh Jerusalem thar chu, mo, a pasal hen a tawng ding hen dawh tak hen â thuam ziar mi hâwi hen, Pathian sin thawk hen vân ah mi a hawng ṭum mi ka muh.

THUPHUANG 21:9

Chun, vânmifial pasarih tla lakah pakhat, berhbu pasarih khat phak hen rêpnâk pasarih puttu chu ka sinah a hawng le, “Hawng le, Mo, Dawrâ Fa nupi chu ka nan muhtir lai,” a ti.

THUPHUANG 4:4

Chun, laltophah chu laltophah dang kul leh pali nih an kulh, laltophah ah chun upa kul leh pali chu puanvâr aih leh ngûn lallukhuh khuh hen an to.

1 SAMUEL 2:1

Hanah nih thla a cham: “LALPA nih ka thinlung lâwmnâk hen a khattir, thil a ti ruangah thungâi ka lâwm! Ka mêlma tla chu ka nihsanh na; LALPA nih hawng ka ṭangpi ruangah thungâi ka lâwm!