ISAI 60:8 - Bawm Common Language Bible Version

⁸ Zei lawng tla masi sûm hâwi hen kal zulmal mi leh Vaṭhu in leiah kîr mi hâwi khi?

ISAI 60:8 ပူးပေါင်းရင်းမြစ်များ

ISAI 45:22

“Laikulh pumpi mi tla, tuah keimah leiah hawng a hawi ule, him tak hen um u! Pathian um mi chu keimah pakhat cho hi kasi.

ISAI 49:21

Churawhchun, nangnih na thinlung ah ‘Âunih me ka rangah hi zawzawng fa an ring? Ka fa tla ka thlâu hep le, ka nei kho lo rawh mi kei tâ nih sal ah tâng hen nar hen ka um mi âunih hi zawng fa tla hi a châwm na? Keimah lâwng mâk hen ka um mi, hi bang fa tla hi zei thawk hen me an hawng?’ ” na ti lai

ISAI 60:4

Na kiangkam zei thil a hawng tlung zauh rawh; Na mi tla chu in leiah hawng tlung ding hen anna pûm liau, Lât tak thawk hen na fapa tla an hawng lai le; Na fanu tla chu ngâksia tla hâwi hen hawngpi an si lai.

HOSEA 11:11

Aigupta thawk hen va hâwi hen chak tak hen an hawng lai le, vaṭhu hâwi hen Asiria thawk hen an hawng lai. An in ah ka tlungtir nawlh na lai, kei LALPA nih ka sim mi asi,” a ti.

LUK 13:29

Chun, sak leh thlang, sim leh mar thawk hen an hawng kal lai le, Pathian Ram ah an hawng to lai.

HEBRAI 12:1

Hawng kan theihpitu mi zapi tam tak kan kiangkam ah um mi ruangah hawng kan nawktirtu zawng leh sual kanmah lakah um mi chu kan lawnh lai. Chun, Jisu kan lungnâk ngauhnâk ah rangtlingtirtu lei chu zauh hen, kan mâilei ah tekzuamnâk ding a um mi lakah felfê tak hen kan tek vima lai.

THUPHUANG 7:9

Chun, chu nûnah chun ka zauh le, mi zapi cherkhet, âukhawm rêlchâwklo, phun kip lakah mi tla, chi kip lakah mi tla, mikip lakah mi tla, hawlh kip lakah mi tla, puanvâr aih hen, leh tûmkâu put hen, laltophah mâika ah leh, Dawrâ Fa mâika ah an dîr mi ka muh.