ISAI 60:7 - Bawm Common Language Bible Version

⁷ Kedar leh Nebaioth ah mi dawrâ zawzawng Bâwlnâk ding ah na sinah an hawng put lai le, LALPA lawmhtir ding hen mâichâm ah an ap lai. LALPA nih a Biakin chu a lânah mi ngâk a rokual dauh hen a siam lai.

ISAI 60:7 ပူးပေါင်းရင်းမြစ်များ

GENESIS 25:13

hi a tangah hin a sang sang hen an suak dân hen rîn asi: Nebaioth, Kedar, Adbeel, Mibsam,

JOB LASUIBU 42:8

Tuah nanmah rang ding ah chawchal pasarih leh dawrâ chal pasarih Job sinah kalpi ule, bâwlnâk rangah ap u. Job nih thla an cham piak na lai le, kei nih a thlachamnâk ka sâng lai le, nan ti mi hâwi hen nan rangah ningzak a kâi lai loh. Anih nih a ti mi hâwi hen ka thu hi dik hen nan sim lo,” a ti.

SAM 120:5

Nan sinah um chu Mesek ah um mi hâwi hen a ṭhalo. Silo leh Kedar mi tla sinah um hâwi asi.

LA TLA LA 1:5

Jerusalem mi nunau tla, ka dum, sikhawmsele, kâ dawh, ramkaro mi Kedar puanin hâwi ka dum le, sikhawmsele lalchem Solomon in ah mi puanzâr hâwi hen kâ dawh.

ISAI 19:19

Chu tik chun, Aigupta ram ah LALPA mâichâm a um lai le, LALPA sinah ap mi lungphun Aigupta ramri ah a um lai.

ISAI 19:21

LALPA chu amah tak Aigupta mi tla sinah â langh lai le, amah sinah anna theihtir hen amah an sawnh lai le, bâwlnâk an hawng put lai le, an ap lai. A sinah thutiam bir tak an nei lai le, an thutiam zia hen an ti lai.

ISAI 21:16

Churawhchun, Lalpa nih ka sinah, “Kedar phun tla rokualnâk chu kum khat lak ko ah a dawng lai.

ISAI 42:11

Ramkaro leh a khuapi tla nih Pathian chu sawr seh: Kedar mi tla nih amah chu sawr seh! Sela khuapi ah um mi tla chu tlâng sâng tla tlûnah lâwm hen âu na seh.

ISAI 56:7

“Ka tlâng thenhlimh Zion ah ka nan kalpi na lai le, ka in ah thlachamnâk ah lâwmnâk ka nan pêk lai le, ka mâichâm ah bâwlnâk nan hawng ap mi chu ka pawm lai. Ka Biakin chu phun zawzawng thlachamnâk in ti asi lai,” a ti.

ISAI 60:13

“Nang, Jerusalem, an sak nawlhnâk ding hen, Ka Biakin tla dawh tak a sak ding hen, Ka khuapi tla rokual tak a siamnâk ding hen, Far thing, junipar thing, far thing chi dang, Thing ṭha chem Lebanon tumun ah mi an hawng put lai.

EZEKIEL 20:40

Chu ram ah mi ka tlâng thenhlimh ah, Israel tlâng sâng ah, nannih Israel mi zawzawng nih nan hawng ka sawnh lai rawh. Nan lakah ka lâwm lai le, bâwlnâk tla, nan thil ap ṭha chem tla, nan thilpêk thenhlimh tla, nan ka pêk ding mi lakah lungumnâk ka nei lai rawh.

EZEKIEL 27:21

Arabia mi tla leh Kedar ram ah lâirêltu tla nih na thil zuar man rang ding ah dawrâ fa tla, dawrâ tla leh kêl tla an pêk.

MIKAH 4:1

Ni a hawng tlung ding mi lakah Biakin umnâk tlâng chu tlâng dang zawzawng a khûp ver lai. Phun tam tak tla chu chunah chun tî hâwi hen an hawng luang lai.

ZEPHANIAH 3:10

Ram lât takah Sudan ah ka mi rekrâwi hen um mi tla khawm nih ka sinah thil ap ding an hawng put lai.

ZEKARIA 2:8

Nannih vuaktu chu ka thil neih sung chem vuaktu asi,” a ti. LALPA Zeizawng tikho nih chun a mi tla rûntu phun tla sinah hi thuchah hi sim ding hen hawng ka fial.

ROM 12:1

Chun, unau le tla, Pathian khuaruatnâk ruangah hin bâwlnâk nung leh thenhlimh leh Pathian lawmh tlâk siding hen nan taksa chu pêk ding hen ka nan ngiar na asi, chu chu nan rianṭuan ding rêng asi.

HEBRAI 13:10

Bâwlpu tla Juda biakin ah rianṭuantu tla nih chun kan mâichâm ah bâwlnâk thil an ei kho lo.