ISAI 60:4 - Bawm Common Language Bible Version

⁴ Na kiangkam zei thil a hawng tlung zauh rawh; Na mi tla chu in leiah hawng tlung ding hen anna pûm liau, Lât tak thawk hen na fapa tla an hawng lai le; Na fanu tla chu ngâksia tla hâwi hen hawngpi an si lai.

ISAI 60:4 ပူးပေါင်းရင်းမြစ်များ

ISAI 11:12

LALPA nih phun tla theihtirnâk ding puanzâr, Juda leh Israel anna rekrâwi mi tla, tual kil li thawk hen a pumh nawlh na awt ti theihnâk a thlâi awt.

ISAI 14:2

Phun tam tak nih Israel mi tla LALPA nih a pêk na mi ram leiah kîr ding hen an ṭangpi na lai le, chunah chun phundang tla nih sal hâwi hen Israel tla chu an rian an ṭuan piak na lai. Israel rangah nehtu tla chu, Israel nih an neh rûl bâk lai rawh le, anmah nehsawhtu tlûnah Israel tla nih lâi an rêl bâk lai rawh.

ISAI 42:6

“Kei, LALPA nih, ka nan kawh hen, tual tlûnah diknâk ti hen a um mi chu muh ding hen thiltikhonâk ka nan pêk. Nangmah mang hen mi zawzawng sinah thudântuk ka siam lai le, nangmah mang hen phun tla sinah chêu ka tlungtir lai.

ISAI 43:6

Marlei chu a nan suah na ding hen ka simh na lai le, simlei chu a nan thloh na lo ding hen ka simh lai. Ka mi tla chu ram lât tak, laikulh munkip thawk hen kîrtir na u.

ISAI 49:12

Ka mi tla chu ram lât tak thawk hen an hawng lai le, marlei leh thlanglei thawk hen simlei mi Asuan khuapi thawk hen an hawng lai,” a ti.

ISAI 49:17

“Nangmah a nan dirhnawlhtu ding tuan hen a hawng lai le a nan râwktu tla lam chu an kal lai rawh.

ISAI 49:18

Na kiangkam tla a hawi le, zei thil a hawng tlung zauh! Na minung tla anna pûm hen in leiah an hawng tlung liau chir! Kei Pathian nung kasi ruangah, na mi tla chu mo nih a lungsung â zumh phah mi hâwi hen na mi tla chu zumhnâk ah na mang lai.

ISAI 66:20

Chubang phun tla thawk hen nan ram mi minung tla ka rangah thilpêk hâwi hen an hawng kîrpi lai. Ka tlâng thenhlimh Jerusalem ah rang tlûnah leh sanatung tlûnah to hen sangâwngsâu tla leh rang kari leh chawpê kari tla hen Israel tla nih fâng thil ap Biakin ah a siahnâk thenhlimh ah an hawng put mi hâwi hen an hawng put na lai.

JEREMIA 30:10

“Ka mi tla, ṭih lah u; Israel mi tla, lâu lah u. Ram lât tak sal ah nan tângnâk ram ah mi chu ruang ka nan suah na awt. In leiah hawng kîr hen thlangam tak hen nan um lai le; him tak hen kan umtir na lai le; âukhawm nih an lâutir na lai lo rawh.

AMOS 9:14

Ka mi tla chu an ram ah ka kîrpi nawlh na lai. An khuapi â râwk rawh mi tla chu an sak lai le, chunah chun an um lai; grep dûm tla an siam lai le, a hâng tla an din lai le; dûm tla an tuah lai le, chunah an chîng mi tla chu an ei lai.

MIKAH 7:12

Nan mi tla chu munkip thawk hen an hawng kîr nawlh lai le, Asiria ram saklei thawk hen, Aigupta ram simlei thawk hen Eufretis tiva kiangkam thawk hen tipi lât tak tla thawk hen leh lât tak a mi tlâng sâng thawk hen an hawng kîr lai.

HAGAI LASUIBU 2:7

Phun tla chu ka lawnh phin na lai le, an neih tla chu hinah hawng put hen a um lai le, Biakin chu thil-le-rî hen a khat lai.

MATHAI 8:11

Ka nan simh na, sak leh thlang thawk hen mi tam tak an hawng kal lai le, Vân Ram ah chun Abraham tla, Isak tla, Jakob tla sinah an to lai.

JOHAN 4:35

Nannih nih, ‘Fâng ât ding thla li a um rih,’ nan tilo mazei? Ngâi u, ka nan simh na; chuanh ule, lo tla zauh u, tu thawk hen ât ding hen a vâng asi.

THILTI 13:44

Chun, Dinhni nawlh ah chun khuatê hen Pathian thu ngâi ding hen an hawng a pûm.