ISAI 60:3 - Bawm Common Language Bible Version

³ Phun tla nih na chêu chu an hawng naih lai le, Lalchem tla nih na ni thar khuadei chu an hawng fûk lai.

ISAI 60:3 ပူးပေါင်းရင်းမြစ်များ

GENESIS 49:10

Juda nih lal ṭhianṭhunh â ting lai le, A thlâk tla khawm nih lâi an rêl kumza lai. Phun tla nih a sinah siah an pêk lai. Ê-aw ngâi tak hen a mâika ah an kûn lai.

SAM 102:16

LALPA nih Zion a dirh nawlh tik chun a rokualnâk a langh lai.

SAM 138:4

Na thupêk tla an theih ruangah, LALPA, laikulh lal zawzawng nih an sawr lai.

SAM 2:10

Nannih lal tla, tuah râltuknâk hi, ngâi u; nannih laikulh lal tla, hi ti ding mi hi a sîn u:

SAM 22:27

Phun zawzawng nih LALPA chu an theihkumza lai. Laikulh mun kip ah mi chu amah leiah an hawng a hawi lai. Chi kip nih amah an sawnh lai.

SAM 68:29

na mang mi na thiltikhonâk chu zauhtir.

SAM 72:11

Lal zawzawng a mâika ah an kûn lai le; phun zawzawng tla nih a nâwl an zulh lai.

ISAI 11:10

Phun tla zauhtirnâk ding ah David lal chi lakah mi lalchem thar a hawng um ding mi a nâi rawh. Lal khuapi ah anna pûm lai le, amah chu an zah lai.

ISAI 42:6

“Kei, LALPA nih, ka nan kawh hen, tual tlûnah diknâk ti hen a um mi chu muh ding hen thiltikhonâk ka nan pêk. Nangmah mang hen mi zawzawng sinah thudântuk ka siam lai le, nangmah mang hen phun tla sinah chêu ka tlungtir lai.

ISAI 45:14

LALPA nih Israel sinah, “Aigupta leh Sudan neihnâk chu na tâ asi lai le, Seba ram ah mi sâng tla chu na sal an si lai; rêng khimh bû hen a nan zûl lai. Na sinah an hawng kûn lai le, ‘Pathian na sinah a um, Amah cho chu Pathian chu asi,’ ti hen thutluang an vâwr lai.

ISAI 45:22

“Laikulh pumpi mi tla, tuah keimah leiah hawng a hawi ule, him tak hen um u! Pathian um mi chu keimah pakhat cho hi kasi.

ISAI 49:12

Ka mi tla chu ram lât tak thawk hen an hawng lai le, marlei leh thlanglei thawk hen simlei mi Asuan khuapi thawk hen an hawng lai,” a ti.

ISAI 49:23

Lalchem tla chu na rangah pa hâwi an si lai le; lalnu tla chu nu hâwi an si lai. Na mâika ah an hawng kûn hen a nan zah lai; thinlung nâu tak hen a nan zah zia an langh lai. Chu tikah kei LALPA kasi mi leh keimah ṭangpinâk ngâktu tla chu pakhat khawm lungdawng hen an um lai lo ti na theih lai,” a ti.

ISAI 56:8

LALPA Zahkâi, a mi Israel tla sal ah tâng mi kîrpitu nih, midang tla khawm anmah sinah hawng a fawnh ding hen a hawngpi na awt ti thu a tiamh.

ISAI 60:10

LALPA nih Jerusalem sinah, “Ramdang mi nih na kulh tla chu a siam lai le, An lal tla nih na nâwl an zulh lai. Ka thinthawk ruangah ka nan rêp le, Sikhawmsele tu lam chun ka nan sunhsaknâk leh Khua ka ruatnâk kan zauhtir lai.

ISAI 60:16

Nu nih a fa a zauhkhenh mi hâwi hen, Phun tla leh lalchem tla nih a nan zauhkhenh lai. Kei, LALPA nih ka nan hum mi leh Israel Pathian chak nih ka nan suah asi ti na theih lai rawh.

ISAI 62:2

Jerusalem, phun tla nih na nehnâk an muh lai! An lalchem zawzawng nih na rokualnâk an muh lai. LALPA amah tak nih an phuah mi min thar hen kawh na si lai.

ISAI 66:12

LALPA nih, “Sul-le-lam tluangnâk sâwt tak nan lakah ka hawng tlungtir lai le; tiva a kang dahlo mi hâwi hen phun tla neihnâk chu ka hawng luangtir lai. Ngâksia a nu nih a zauhkhenh le, a bân hen a pawm le, a dâwt mi hâwi nan si lai.

AMOS 9:12

Israel mi tla nih Edom ram leifuan leh a lânah mi phun ka tâ si rawh mi tla chu an neh na lai,” hi hâwi hen hawng tlung tirtu LALPA nih a sim.

ZEKARIA 2:11

Chu tikah chun phun tam tak LALPA sinah an hawng lai le, a mi tla an si lai rawh. Nan sinah a um lai le, kei khawm amah fial mi kasi ti nan theih lai rawh.

MATHAI 28:19

Chuvachun, kal ule, phun kip lakah mi ṭhiruai tla ah siam na ule, Pa leh Fapa leh Thlarau Thenhlimh min hen baptis na ule, thu ka nan pêk na mi zawzawng zâwt ding hen sîntir na u.

LUK 24:47

amah min hen rimnâk thu leh sual ngaihdamnâk thu Jerusalem thawk hen phun kip sinah an sim lai,’ ti hen.

JOHAN 12:32

Chun, kei tual ah mi thlâi hen ka um chun mi zawzawng keimah sinah ka hîp lai,” a ti.

THILTI 13:47

Chu hâwi hen chun Lalpa nih thu hawng kan pêk asi: ‘Phundang tla chêutirtu ah ka nan ruat kâwlkil tiang hen Ruangsuahtu ah na um khonâk ding hen,’ ti rîn hâwi khan,’ an ti.

THILTI 15:17

Midang, Phundang tla zawzawng ka min hawng ka bâwmtu tla nih chun Lalpa an hâwlnâk ding hen, chu basâ chu ka dirh nawlh lai ti hen.

THUPHUANG 11:15

Chun, vânmifial pasarihnâk nih chun a tâwtawrâwt chu a tum le, “Laikulh ram chu kan Lalpa leh Mesia ram a hawng si rawh, anih nih chun zungzâl hen lâi a rêl lai,” ti hen vân thawk hen aw-hâu a hawng suak.

THUPHUANG 21:24

Chun, phun kip a chêu ah an um lai le, tual ah lal tla nih an neih leh siah tla an lûtpi lai.