ISAI 60:2 - Bawm Common Language Bible Version

² Phundang tla chu mûi nih a khuh pang lai le, Sikhawmsele nang tlûnah lam chun LALPA chêu a chêu lai le; A nan umpinâk chêu chu na sinah a um lai.

ISAI 60:2 ပူးပေါင်းရင်းမြစ်များ

1 Lal 8:11

chêu mit ser rê hen leh sûm hen a hawng khat chawlh; bâwlpu tla chu an rianṭuan ding hen an va lût nawlh kho lo rawh.

SAM 102:16

LALPA nih Zion a dirh nawlh tik chun a rokualnâk a langh lai.

SAM 80:1

Israel Dawrâ vêngtu, hawng kan ngâi, nangmah ranrual vêngtu, hawng kan theih rawh. Thilnung tla thla tlûnlei ah na laltophah tlûnah to le,

ISAI 2:5

Jakob thlâk tla, tuah LALPA nih chêu hawng kan pêk mi lakah kan kal lai!

ISAI 4:5

Churawhchun, Zion Tlâng leh chunah anna pûm mi zawzawng tlûnah chun LALPA nih sûn nî tangah sûm leh zân ah meikhû leh meialh chêu tak a hawng fial lai. Chu khuapi chu Pathian rokualnâk nih a tuam hen a hum lai.

ISAI 58:10

mi sungvâng rangah buh na pêk hen a herh mi rangah na khimtir na chun, na kiangkam ah mi mûi tla chu nî sûn chir liau mi chêu ah a hawng a chang lai.

ISAI 58:8

“Ka sunhsaknâk chu na tlûnah zînglei nî hâwi hen a hawng chêu lai le, na liam mi mâ chu a dam sawm lai. A nan hum ding hen na sinah ka um kumza lai le; ka nan umpinâk nih zei leikâng zawng ah an hum lai.

ISAI 62:1

Jerusalem fawrhnâk thu ka sim lai le; Him tak hen a um lânlo leh a nehnâk chu Zân ah mi meifâr hâwi asi lânlo chu ka dâisip awtlo.

ISAI 66:11

Fa a nu ṭângkâ ah mi hâwi hen a sul-le-lam tluangnâk ah nanna lâwm lai.

ISAI 8:22

Vânlei an zauh lai le, tual lei an bih lai le, sikhawmsele, lawksawngnâk leh mûinâk, mûi ṭihnungkâi ah nar hen an umnâk lo chu zeikhawm an muh lai loh. Chu nawknâk tik lakah mi chu suak khonâk lampi rerêng an rangah a um lai lo rawh.

JEREMIA 13:16

LALPA nan Pathian nih, mûinâk a tlungtir lânah leh tlâng tlûnah nan tlû lânah, chêu nan lungum mi chu mûinâk sah chem asi lânah amah chu zah u.

EZEKIEL 10:4

LALPA chêu mit ser rê mi chu thilnung tla lakah mi a thawk le, Biakin tualmâi leiah â ṭhial. Churawhchun, Biakin chu sûm hen a khat le, a kulh tla chu a chêu pup.

LEVITICUS 9:23

Mosi leh Aron chu LALPA umnâk Puanin ah an va lût le, an hawng suak rawh chun zapi tla mal an sâwm na. LALPA chêu chu zapi zawzawng sinah a hawng lang rawh.

MALAKI 4:2

Sikhawmsele ka thu ngâitu tla rang chun ruangsuahnâk thiltikhonâk chu nan lakah repnâk nî hâwi hen a hawng suak lai le, nî chêu hâwi hen damhnâk a hawng put lai. Chawlâ a rung lakah mi an suah le, thawsuak tak hen a um hâwi hen an lâwptlo lai.

NUMBER 16:19

Churawh chun, Korah nih mi zapi a pumh na le, Mosi leh Aron lei hawi hen Puanin kawtkâ ah an va dîr. Lâkkhatko ah zapi lakah LALPA chêu a hawng lang le,

MATHAI 15:14

Annih chu zeikhawm siar lah u; ruitu mitchâw an si. Chun, mitchâw nih mitchâw lîlâ a rui chun khursaduap ah munkhat hen an tlâ vevê lai,” a ti le, a sâng.

MATHAI 23:19

Nannih mitchâw tla! A zei mi me rokual dauh, thilpêk ma mâichâm, thilpêk thenhlimhtirtu chu?

MATHAI 23:24

Nannih ruitu mitchâw, marhsâng hap hen sangâwngsâu dawlh ṭungtu tla!

JOHAN 1:1

A tîr ah Thu a um, Thu chu Pathian sinah a um; Thu chu Pathian asi.

JOHAN 1:14

Thu chu minung ah a hawng a chang le, kan lakah a um rawh. A rokual zia kan muh. Zângfahnâk leh thudik hen a khat. Hi hi rokualnâk chu asi, Pa, Fapa neihlem hâwi a sinâk chu.

JOHAN 1:18

Âukhawm nih Pathian an muh dahlo, Fapa neihlem, Pa kiangah um mi tak nih khan, amah a theihtir rawh asi.

JOHAN 8:55

nan nih nih amah nan theih lo; kei lam nih chun amah ka theih; Amah ka theih lo, ti sele, nanmah hâwi hen mi âwkrâwl kasi lai; sikhawmsele, amah ka theih le, a thu khawm ka zâwt tâwn.

THILTI 14:16

Chu Pathian nih chun tuan liauah phun kip mah lampi chiau zawh a siang le,

THILTI 17:23

Ka tawih pah hen nan sawnh mi tla ka zauh liauah, mâichâm pakhat tlûnah, “Theih loh Pathian sinah,” ti hen, rîn ka muh asi. Chun, theihlo hen nan sawnh tâwn mi kha, chu thu chu ka nan simh na hi.

THILTI 26:18

an mit deitir ding hen an sinah ka nan fial hi, chun mûi chu chêu leiah an hawng hertâk lai le, Setan thuneihnâk chu Pathian leiah an hertâk lai, sual ngaihzia thiamnâk an tawngnâk ding leh an hawng ka lung ruangah thenhlimh rawh mi le tla lakah ro anna ting khonâk ding hen,’ ” a ti.

2 KORIN 3:18

Chun, kannih chu kan ektê hen mêl khuh lo hen thlalang hâwi hen Lalpa rokualnâk cherh hen, rokualnâk thawk hen rokual vima hen, chu banghpi hâwi a um ding hen dangtir hen kan um tâwn, Lalpa Thlarau lakah mi kanna ting hâwi vima hen.

KOLOSA 1:13

Anih nih chun mûi thuneihnâk lakah mi hawng kan suah hen a Fapa zângfah tak ram ah hawng kan ṭhial rawh le;

1 PETER 2:9

Sikhawmsele, mûi ah mi suak hen, a chêu chê tak ah lût ding hen a nan kawh natu Pathian thilchê ti tla nan langhtir khonâk ding hen, nannih chu phun thîm, Lalchem bâwlpu tla, phun thenhlimh, Pathian mi tak nan si.