ISAI 60:1 - Bawm Common Language Bible Version

¹ Jerusalem thawk le, nî hâwi hen chêu rawh; LALPA rokualnâk na tlûnah a chêu!

ISAI 60:1 ပူးပေါင်းရင်းမြစ်များ

SAM 102:16

LALPA nih Zion a dirh nawlh tik chun a rokualnâk a langh lai.

SAM 87:3

Pathian khuapi, na thâwngthâng chê tak a sim mi chu ngâi rawh.

ISAI 2:5

Jakob thlâk tla, tuah LALPA nih chêu hawng kan pêk mi lakah kan kal lai!

ISAI 24:23

Thlâ tla a thim lai le, nî khawm a chêu lai lo rawh, LALPA Zeizawng tikhotu chu lalchem asi awt ruangah Jerusalem mi Zion Tlângah lâi a rêl lai le, mi zapi ruitu tla nih a rokual zia an muh lai.

ISAI 28:5

LALPA Zeizawng tikho chu chawmpâr lallukhuh rokual tak hâwi hen a mi le tla thibang rangah a hawng kalnâk ni chu a nâi rawh.

ISAI 35:2

Ramkaro chu lâwm hen la sak hen a âu lai le, Lebanon tlang â dawh mi hâwi leh Saron leh Karmel phâisen a ningno mi hâwi asi lai. Mikip nih LALPA lianh zia leh rokual zia leh thiltikhonâk an muh lai.

ISAI 4:5

Churawhchun, Zion Tlâng leh chunah anna pûm mi zawzawng tlûnah chun LALPA nih sûn nî tangah sûm leh zân ah meikhû leh meialh chêu tak a hawng fial lai. Chu khuapi chu Pathian rokualnâk nih a tuam hen a hum lai.

ISAI 42:6

“Kei, LALPA nih, ka nan kawh hen, tual tlûnah diknâk ti hen a um mi chu muh ding hen thiltikhonâk ka nan pêk. Nangmah mang hen mi zawzawng sinah thudântuk ka siam lai le, nangmah mang hen phun tla sinah chêu ka tlungtir lai.

ISAI 58:8

“Ka sunhsaknâk chu na tlûnah zînglei nî hâwi hen a hawng chêu lai le, na liam mi mâ chu a dam sawm lai. A nan hum ding hen na sinah ka um kumza lai le; ka nan umpinâk nih zei leikâng zawng ah an hum lai.

ISAI 62:1

Jerusalem fawrhnâk thu ka sim lai le; Him tak hen a um lânlo leh a nehnâk chu Zân ah mi meifâr hâwi asi lânlo chu ka dâisip awtlo.

ISAI 62:2

Jerusalem, phun tla nih na nehnâk an muh lai! An lalchem zawzawng nih na rokualnâk an muh lai. LALPA amah tak nih an phuah mi min thar hen kawh na si lai.

ISAI 66:11

Fa a nu ṭângkâ ah mi hâwi hen a sul-le-lam tluangnâk ah nanna lâwm lai.

ISAI 9:2

Mûi ah kaltu tla nih chun chêu rokual tak an muh. Dâidul ram ah an um le, sikhawmsele tu lam chun chêu nih a cherh na.

EZEKIEL 43:4

Mitser rê mi chêu chu saklei mi kawtkâ lan dak hen Biakin sung a cherh khet.

MALAKI 4:2

Sikhawmsele ka thu ngâitu tla rang chun ruangsuahnâk thiltikhonâk chu nan lakah repnâk nî hâwi hen a hawng suak lai le, nî chêu hâwi hen damhnâk a hawng put lai. Chawlâ a rung lakah mi an suah le, thawsuak tak hen a um hâwi hen an lâwptlo lai.

MATHAI 4:16

Mûi nâwng ah to tla nih chun chêu fâk tak an muh lai, Thihnâk mun leh a thlaliah ah um mi tla tlûnah chun, chêu a hawng suak rawh,’ ti hen, a sim mi kha a hawng tlung khonâk ding hen.

MATHAI 5:16

Chu hâwi ber hen nan chêu chu mi mitmuh ah chêu seh, chuvachun nan thil ṭha ti tla an muh lai le, nan Pa vân ah mi an chawnglawmh kho lai.”

LUK 2:32

Phundang tla sinah langhtirnâk chêu leh na mi Israel tla rokualnâk ding chu,” a ti.

JOHAN 1:9

Chêu dik tak mikip chêutirtu kha laikulh ah a hawng kal liau asi.

JOHAN 12:46

Chêutirtu ah laikulh ah hawng kal kasi hi, âuzawng hawng ka zumhtu vial chu mûi ah an um kumza lonâk ding hen.

JOHAN 3:19

Hi hi mawhnâk asi, chêu laikulh ah a hawng kal le, sikhawmsele mi le tla nih chêu ngâk hen mûi an duh dauh, an thilti tla an sual ruangah.

JOHAN 8:12

Chun, Jisu nih an sinah thu a sim nawlh le, “Kei laikulh chêu kasi; âuzawng hawng ka zûltu chu mûi ah a kal lai lo, nungnâk chêu a nei dauh lai,” a ti.

EPHESI 5:14

Churuangah, “Nang, it meng le, mithi lakah mi thawk rawh; chun, Krist nih a nan cherh lai,” a ti kha.

EPHESI 5:8

A lânah khan mûi ah nan um le, sikhawmsele Lalpa mi tla nan si nûnah chun chêu lakah nan um rawh. Churuangah, chêu lakah um mi tla hâwi hen nan um ding asi.

1 PETER 4:14

Krist lungtu nan si ruangah fâi nan si chun nan thaw a suak, rokualnâk Thlarau leh Pathian Thlarau chu nan lakah a um ruangah.

THUPHUANG 21:11

A chêu zia chu lungmantam, jaspar lung hâwi hi asi, kristal lung hâwi hen a lek.

THUPHUANG 21:23

Chun, chu khua nih chun a cherhtu ding hen nî a herh lo, thlâ khawm a herh lo; Pathian rokualnâk nih a cherh le, an meichêu chu Dawrâ Fa asi.

THUPHUANG 22:5

Chun, zân a um lai lo le, khâwnvâr chêu leh nî chêu a herh lai lo le, Lalpa Pathian chu an chêu asi ruangah, zungzâl hen lâi a rêl lai rawh.