ISAI 6:5 - Bawm Common Language Bible Version

⁵ Kei nih, “Kei rangah lungumnâk a um lo rawh! Thu sual ka simnâk mûr ruangah mi vânduai kasi, thu sual simtu nâwngah um mi kasi. Sikhawmsele, ka mit ngelchel nih Lalchem, LALPA Zeizawng tikho chu ka muh rawh,” ka ti

ISAI 6:5 ပူးပေါင်းရင်းမြစ်များ

GENESIS 32:31

Jakob nih Peniel mun a kaltâk liau chun nî a suak rawh, a kâwl a fâk ruangah a bei.

SAM 24:10

Lal rokual hi âu mesi? Nehtu LALPA, amah chu Lal rokual tak chu asi!

EXODUS 24:10

Pathian chu an va muh rawh. A kezaphah tang chu saphir lung phah mi hâwi asi, vândâwm hâwi hen a pâwl iam.

EXODUS 3:6

Kei a nan thlâktu Pathian, Abraham Pathian, Isak Pathian leh Jakob Pathian kasi,” a ti. Churawhchun, Mosi nih Pathian chu a zauh ngam lo ruangah a mêl a khuh.

EXODUS 33:20

Ka mêl lam chu kan muhtir ding asi loh, ka mêl muh hen âukhawm dam mi an um lo ruangah.

EXODUS 4:10

Sikhawmsele, Mosi nih, “Silo, LALPA, hawng ka fial lah. Thusim thiam mi ka silo, na hawng ka sawnhnâk thawk hen khawm mi hawlh ring thiam ka silo. Mi hawlh ring thiamlo tak kasi, ka hawlh a fûm hen ka hawlh a hak,” a ti.

EXODUS 6:12

Sikhawmsele, Mosi nih a sâng le, “Israel tla men ka thu an ngâi duh lo mi, zeitin lalchem nih a ngâi duh lai? Thusimtu nau tak kasi mi,” a ti.

EXODUS 6:30

Sikhawmsele, Mosi nih a sâng le, “Thusimtu nâu tak kasi ti na theih, zeitin lalchem nih ka thu a ngâi lai?” a ti.

ISAI 24:16

Laikulh mun lât chem thawk hen Israel mi phun rep tak tla nih sawrnâk la an sak mi kan theih lai. Sikhawmsele, kei rang lam chun lungumnâk a um lo! Ka vei thlo rawh! Phehtu nih chun tleih a tum nget rih, zumh an kâi lo dadauh.

ISAI 29:13

LALPA nih, “Hi minung tla nih hin sawnh ding an ka tum le, sikhawmsele an thu chu zeikhawm asi lo le, an thinlung khawm kâng dang ving asi. An phung mang dân chu zeikhawm asi lo, minung dân leh anmah pipu dân an theih salam mi cho asi.

ISAI 33:17

Veikhat chu lalchem rokual tak hen ram lakah lâirêl hen munkip ah thuneitu na muh teh lai.

ISAI 59:3

Âwkrâwl thusim hen, siat leh râwk hen, mi thah hen nan sual asi.

ISAI 64:6

Kan ektê hen misual kan si; kan thilti ṭha chem khawm a nâwm mi hep asi. Kan sual ruangah thingnah a uai mi thli nih a sêm ving mi hâwi kan si.

JEREMIA 1:6

Kei nih, “LALPA zahkâi, thusim ding dân ka thiamlo, ka ngâksia tuktarâi,” ka ti.

JEREMIA 51:57

Lâirêltu tla, mifing tla, ruitu tla leh kawrsen tla chu rî nek hen ka siam na lai. An it lai le, anna ṭhang lai lo rawh. Kei, lalchem nih ka sim le, Kei chu LALPA Zeizawng tikho kasi.

EZEKIEL 12:2

“Thikho mi minung, mi hel nâwngah um mi na si. Mit an nei le, sikhawmsele zeikhawm an muh lo; nâ an nei le, sikhawmsele zeikhawm an theih lo, mi hel an si ruangah.

EZEKIEL 33:31

Churuangah ka mi tla chu na thusim ngâi ding hen anna pûm le, sikhawmsele ti ding hen na simh na mi chu an ti lêm lo. Na thusim chu la salam hâwi an ruat le, an duhleinâk chu a mahmun nget.

DANIAL 9:20

Thla ka cham vima le, keimah sualnâk leh Israel mi tla sualnâk thutluang ka vâwr le, LALPA, ka Pathian sinah Biakin dirh nawlh ding hen ka ngiar.

HABAKUK 3:16

Hi bang zawzawng ka theih le, ka thir, ka mûr tla lâu hen a thir. ka tak a zengzê ver, tanglei ah ka kê khawn a pelh. Hawng ka dotu tla Pathian nih a rêp na tik ding chu dâisiptê hen ka ngâk ziar awt.

NUMBER 17:12

Mi zapi tla nih Mosi sinah, “Chu hâwi asi chun kan dawng rawh ma chu!

LÂIRÊL 13:22

Manoah nih a nupi sinah, “Pathian kan muh ruangah kan thi ding ko rawh,” a ti.

LÂIRÊL 6:22

Gideon nih chun LALPA vânmifial tak asi ti a theih le, ṭih tak bû hen, “LALPA zahkâi, Na vânmifial chu mâitawnh hen ka muh rawh,” a ti.