ISAI 6:4 - Bawm Common Language Bible Version

⁴ An hâu nih Biakin lungphûm a tlirh, Biakin khawm meikhû hen a khat.

ISAI 6:4 ပူးပေါင်းရင်းမြစ်များ

SAM 18:8

A nârkua thawk hen meikhû a suah. A kâ thawk hen khanghnâk mei leh meiṭil a suah.

EXODUS 40:34

LALPA Puanin chu sûm nih a hawng khuh le, mit ser rê hen chêu nih chun LALPA umnâk chu a khattir rawh.

EZEKIEL 1:24

An zuang liauah an zuang hâu ka theih le; tipi hâu hâwi mawh, kawrsen murui hâu hâwi mawh, Pathian Zeizawng tikho hâu hâwi a put. An zuang mi anna dîn chun an thlâ an tawm le,

EZEKIEL 10:5

Thilnung tla thlâ khâwng hâu chu kulh lênglei hen khawm theih kho asi. Pathian zeizawng tikhotu hâu hâwi a put.

EZEKIEL 41:16

Biakin tualmâi mi kardang, Mun Thenhlimh leh Mun Thenhlimh Chem chu a ṭuang thawk hen a langawtkawt tla tiang chu thing hen thuamh mi hep asi. Chubang langawtkawt tla chu khuh kho asi.

EZEKIEL 44:4

Churawhchun, chu minung nih chun marlei mi kulh kawtkâ ah hawng ka lanpi le, Biakin tualmâi ah hawng ka kalpi. Ka zauh le, Biakin chu LALPA umpinâk chêu mitser rê hen a khat mi ka muh.

AMOS 9:1

Mâichâm kiangah LALPA a dîr mi ka muh, thu a pêk le; “Biakin tung tlûnlei vuak le, a sârbûk zawzawng â nîn hep lai. Râwk dep le, mi zapi lû tlûnah thlâk, a thibang chu râltuknâk ah ka thah na lai. Pakhat khawm an suak lai lo.

THUPHUANG 11:19

Chun, vân ah Pathian biakin chu â awng le, chun, a biakin sungah Thudântuk Bâwm chu a hawng lang rawh; chun, mîmthlalek tla, aw-hâu tla, khuarît tla, lînîn tla, rial chawp tak tla thungâi a hawng um rawh.

THUPHUANG 15:8

Chun, biakin chu Pathian rokualnâk leh thiltikhonâk khû hen a khat phak le, vânmifial pasarih tla rêpnâk pasarih chu a len lânlo chu biakin ah chun âukhawm an lût kho lo.