ISAI 6:2 - Bawm Common Language Bible Version

² A kiangah chun thilsiam meialh hâwi mi an dîr le, thla paruk seng an nei. Seraphims (Thilsiam) kip nih an thla panih hen an mêl an huh le, panih hen an tak an khuh, thla panih hen an zuang.

ISAI 6:2 ပူးပေါင်းရင်းမြစ်များ

GENESIS 17:3

Abram chu tual tawngh khet hen a kûn; chun,

1 Lal 19:13

Elija nih a theih rawh chun a kawrfual hen a mêl a huh le, a va suak le, pûk kâ ah a dîr. Hâu nih a sinah, “Elija, hinah hin zei na ti?” a ti.

1 Lal 22:19

Mikaiah nih a sim vima le, “Tuah LALPA thusim hi ngâinik, LALPA chu vân ah a laltophah ah to hen a kiangkam ah vânmifial tla zawzawng hen dîr mi ka muh.

1 Lal 6:24

An lian a me panih hen an mêl â bang cho. Thla panih an nei vevê, an thlâ chu feet 7.5 tluk hen a sâu vevê asi, churuang chun anna lât dân chu feet 15 tluk a lât mi chu an thla â tawng thap.

1 Lal 6:27

Mun Thenhlimh Chem ah khatlei sîr mâitawnh hen an siah na, an thlâ an hawng zâr vevê mi nih a kardang sung a lâi ram zâwnah a tawngh thap kho ding hen. Chun an thla panih dang nih vâm a tawngh.

1 Lal 8:7

An thla an zâr mi nih Thudântuk Bâwm leh zawnhnâk fung khawm a khuh dep.

NEHEMIAH 9:6

Churawhchun, Israel mi tla nih hi hâwi hen thla an cham: “LALPA, nangmah cho chu LALPA na si; vân tla leh vân ah mi ârfi tla na siam na. Ram leh tisumsumriat leh a sungah thil zeizawng na siam le, an ektê rangah nungnâk na pêk na. Vân thiltikhonâk tla chu kûn hen, nangmah an sawnh.

JOB LASUIBU 1:6

Vân minung tla LALPA mâika ah langh ding ni a hawng tlung le, Setan khawm an sinah â tel bâk.

JOB LASUIBU 15:15

Pathian nih a vânminung tla men a mitmuh ah anna thenhlimh lo ruangah a zumh na lo.

JOB LASUIBU 4:18

Pathian nih vân ah mi a to-aw khawm a zumh na lo. A vân minung lak khawm a sualnâk a muh.

SAM 103:20

Nannih vânmifial chak tak leh thiltikho tak tla, a dân thu zûltu leh a thusim ngâitu tla, LALPA chu sawr u.

SAM 104:4

Thli chu mifial hâwi hen na mang; mîmthlalek chu na to-aw hâwi hen na mang.

SAM 18:10

Thilnung thla hen chak tak hen a zuang le, thli thla hen â sawk.

SAM 89:7

Mi thenhlimh lâirêlnâk ah chun zah na kâi le; nangmah zah hen an ektê hen an dîr.

EXODUS 25:20

Thilsiam (cherabim) thla nei tla chu mâitawnh hen a sinh lakah an um ding asi, an thla nih mâichâm a zarh ding asi.

EXODUS 3:6

Kei a nan thlâktu Pathian, Abraham Pathian, Isak Pathian leh Jakob Pathian kasi,” a ti. Churawhchun, Mosi nih Pathian chu a zauh ngam lo ruangah a mêl a khuh.

EXODUS 37:9

Mâichâm sinh khatlei dawng ah mâitawnh hen thilsiam (cherabim) thla nei chu an um, an thlazâr nih a khuh.

ISAI 6:6

Churawhchun, Seraphims (Thilsiam) lakah mi pakhat chu ka sinah a hawng zuang le, Mâichâm thawk hen meiṭil châicheh hen cheh bû hen a hawng put.

EZEKIEL 1:11

An thlâ panih chu an zangh le, an thla pâr leh an thla pâr chu â tâwng hep, an thlâ panih chiau hen an tak an tuam.

EZEKIEL 1:24

An zuang liauah an zuang hâu ka theih le; tipi hâu hâwi mawh, kawrsen murui hâu hâwi mawh, Pathian Zeizawng tikho hâu hâwi a put. An zuang mi anna dîn chun an thlâ an tawm le,

EZEKIEL 1:4

Tlûnlei ka zauh le, marlei thawk hen thlipi a hawng mi ka muh. Vândâwm sah tak lakah mîmthlâ a hawng lek le, a kiangkam vân chu a chêu pup. Mîmthlâ a lek mi lakah chun zeimawh dâr hâwi hen a tlêu mi a um.

EZEKIEL 1:6

chu tla nih mêl pali ah thlâ pali an nei chiau.

EZEKIEL 1:9

An thlâ panih chiau chu an pharh le, killi siding hen an thlâ pâr an tawnh hep. An kal khawm ah an taksa her lo hen a murui hen an kal.

EZEKIEL 10:16

Chu thilnung tla chu vân leiah an kâi hen an kal liauah kari kê tla khawm an sinah an kal bâk. Zuang ding hen an thlâ an pharh tik zawng ah chu kari kê tla chu an kal vima bâk.

EZEKIEL 10:21

An ektê hen mêl pali, thlâ pali, an thlâ tangah minung kut hâwi an nei seng.

DANIAL 7:10

chu thawk hen chun mei tiva a hawng suak, mi sâng tam tak nih a rian an ṭuan piak le, mi nuaikhat a mâika ah an dîr, lâirêlnâk chu dawmh asi le, lasuibu tla an kêu.

DANIAL 9:21

Thla ka cham liau chirah a lânah langhnâk ah ka muh mi Gabriel chu, zuang hen ka umnâk ah a hawng. Zânlei bâwl tik asi.

ZEKARIA 3:4

Vânmifial nih chun vânminung um mi tla sinah, “Hi minung nih puan bâl tak â aih mi hi lît piak u,” a ti. Churawhchun, Josua sinah, “Na sualnâk chu ka lâk ving rawh le, puan thar aih ding ka nan pêk lai,” a ti.

LUK 1:10

Chun, rimthâw a duah liauah mi zapi nih an ektê hen lêng ah thla an cham.

HEBRAI 1:7

Chun, vânmifial tla leikâng thu ah chun hi hi a sim asi: “Pathian nih a vânmifial tla chu thli ah a changtir na, a rianṭuantu tla khawm meialh ah a changtir na tâwn.”

THUPHUANG 14:6

Chun, tual ah an um mi tla, phun kip tla, chi kip tla, hawlh kip tla, mi kip tla sinah zungzâl Thâwngthâng Ṭha thuchah sim ding hen vânmifial dang vân chung sâng ah a zuang mi ka muh.

THUPHUANG 4:8

Chun, thilnung pali nih chun thla paruk chiau an nei le, an sunglei leh lênglei mit hen a khat phak, sûn leh zân hen la sak an bâng lo; “Lalpa Pathian zeizawng tikhotu, a um rawh mi leh, a um liau mi leh a hawng um ding mi chu, a thenhlimh, a thenhlimh, a thenhlimh,” ti hen.

THUPHUANG 7:11

Chun, vânmifial zawzawng tla chu laltophah leh upa tla leh thilnung pali tla hêl bung hen an dîr le, laltophah mâika ah,

THUPHUANG 8:13

Chun, ka zauh le, mupi vân lâiah a zuang mi nih, aw-hâu fâk tak hen “Vânmifial pathum an tâwtawrâwt tum hâu hawng um ding mi ruangah, tual ah an um mi tla tlûn a pit! a pit! a pit!” a ti mi ka theih.