ISAI 6:13 - Bawm Common Language Bible Version

¹³ Chu lak chun minung parâ lakah pakhattê men um khawmsele veih asi lai. Oak thing hâu mi kung bul hâwi asi lai,” a ti. (A bul nih chun Pathian mi tla a thartê hen dirh ding mi a zauhtir.)

ISAI 6:13 ပူးပေါင်းရင်းမြစ်များ

GENESIS 22:18

Phun zawzawng tla nih an thlâk tla mal ka sâwm na mi hâwi hen malsâwmnâk an hawng ka deih lai. Ka thupêk zawzawng na zûl ruangah,” ti hen thu a tiamh.

Ezra lasuibu 9:2

Juda mi tla chu ramdang mi tla hen anna umh le, churuangah Pathian mi thenhlimh tla chu an nâwm rawh. Ruitu tla leh rianṭuantu tla chu buartu lakah a lukhâi an si rawh.

Ezra lasuibu 9:8

Tuah sâwtlotê rang ding ah LALPA kan Pathian kan lakah vêl na nei le, mi zeimaw zat chu sal ah mi hawng kan suah le, hi mun thenhlimh ah na hawng kan umtir rawh. Sal si rawh menza khawmsele nunchan thar na hawng kan pêk rawh.

ISAI 1:9

LALPA zeizawng tikho nih a thibang zeimaw mi zuah na lah sele chu Jerusalem chu Sodom leh Gomorah hâwi hen râwk dep hen a um lai.

ISAI 11:1

David thlâk lal chi chu thing hâu mi hâwi asi le; sikhawmsele a kûng bul lakah ṭeng thar tla a chawrh mi hâwi hen David thlâk tla thawk hen lal thar a hawng suak lai.

ISAI 4:3

Jerusalem ah a thibang an um mi tla LALPA nih a thîm na mi chu, thenhlimh an ti na lai.

EZEKIEL 6:8

“Thahtu tla lakah mi zeimaw mi chu ka hum na lai le, chunah sal ah an tângnâk phun tla lakah rekrâwi hen an um lai.

AMOS 5:3

LALPA Zahkâi nih, “Israel khuapi ah mi kawrsen sâng fial asi le, zâ cho an hawng kîr; khuapi dangah mi zâ fial hen an um le, sikhawmsele parâ cho an hawng kîr,” a ti.

MIKAH 5:6

Râlthuam chaknâk hen Asiria chu an neh lai le, Asiria nih kan ram an donâk lakah mi chu ruang an hawng kan suah lai.

ZEPHANIAH 3:12

Mi thinlung nâu leh niam tak, ka sinah ṭangpi duh hen hawngtu cho chunah ka siah na awt.

ZEKARIA 13:8

Ram pumpi ah mi ka mi tla chu ka do na lai le, a mun thum ṭhen hen mun nih chu an thi lai.

MALAKI 2:15

Pathian nih taksa leh thlarau ah amah hen pumkhat an siam na mi asi lo ma? Hi lakah hin a thiltum zei mesi? Pathian mi, fa dik tak si mi nan neinâk ding hen asi. Churuang chun nan lakah âukhawm nih mah nupi sinah thutiam buar lo ding hen theih set u.

MATHAI 24:22

Chun, chu ni tla chu tâwitir lah sele, minung rerêng dam hen an suak lai lo. Sikhawmsele, thîm tla ruangah chun chubang ni tla chu tâwitir asi lai.

MARK 13:20

Chun, Lalpa nih chubang ni chu tâwitir lah sele, minung rerêng dam hen an suak lai loh; sikhawmsele, mi thîm, a ruat mi tla ruangah chun ni tla chu a tâwitir.

ROM 9:5

Pu tla chu an tâ asi bâk, taksa leiah Krist chu anmah thawk hen suak asi fâwn; anih chu thil zawzawng tlûnah mi, zungzâl sawr tlâk Pathian asi! Amen.

DEUTERONOMY 28:62

Vân ah ârfi zat hen tam khawm ule, a leifuan chu tâwmtê cho nan si lai, LALPA nan Pathian thu nan ngâilo ruangah.

DEUTERONOMY 7:6

LALPA nan Pathian tâ nan si ruangah hi bang tla hi ti u. Tual tlûnah minung zawzawng lakah mi a bîk hen amah minung siding hen an thîm na mi nan si.