ISAI 6:11 - Bawm Common Language Bible Version

¹¹ Kei nih, “Chu hâwi hen zeitiang asi awt, Lalpa?” ka ti. Anih nih a sâng le, “Khuapi â râwk hen a karo asi hen, in tla luahtu umlo hen ram chu râwk dep hen kaltâk asi tiang hen.

ISAI 6:11 ပူးပေါင်းရင်းမြစ်များ

SAM 74:10

Pathian, zeitiang riamruam me kan mêlma tla nih a nan nihsanh awt? Na min chu zungzâl hen an simsiat awt na maw?

SAM 79:5

LALPA, kan lakah na thin a run awt kumza na maw? Na thinrunhnâk chu mei hâwi hen a kâng vima awt na maw?

SAM 90:13

Zeitiang riamruam me na thinthawknâk a sâwt awt? LALPA, na to-aw lakah hin khuaruatnâk nei rawh!

SAM 94:3

LALPA, zei tluk leh zeitiang riamruam me misual chu â lâwm awt?

ISAI 1:7

Na ram chu râwk hen a um le, na khuapi tla chu tual ah duah hen a um. Na zauh ko liauah ramdang minung nih na ram an lâk le, thil zeizawng an râwk hep.

ISAI 13:12

A thibang tla chu ngûn ngâk hen tawng an har awt.

ISAI 3:26

Khuapi kulh kawtkâ chu a lungfâk hen a ṭap lai, khuapi chu nunau nipuan lît rel hen a to mi hâwi hen a um lai.

ISAI 3:8

Asi, Jerusalem chu â râwk rawh! Juda chu a tlû rawh! An thusim leh an thilti zawzawng chu LALPA donâk hep asi; fiang tak hen Pathian khawm an siarlo.

ISAI 32:14

Lal in tla chu kaltâk hen a um lai le, khuapi chu an roh thlo lai. In tla leh kulh vêng hen a um mi tla chu â râwk pawt lai rawh. Ram sanatung tla chunah chun an tlawng lai le, dawrâ rual nih chunah chun râwl tlatnâk an tawng lai.

ISAI 35:1

Ramkaro chu â lâwm lai le, chawmpâr tla chu Ramkaro ah an ên lai.

ISAI 5:9

LALPA Zeizawng tikho nih thu a sim mi ka theih, “Hi bang in lian pipi leh ṭha tatak tla hi a karo hen a um lai.

ISAI 60:15

“Kaltâk leh huat hen um mi, khuapi râwk leh a karo hen Um mi na si lai lo rawh. Zungzâl hen lâwmnâk mun, rokual tak leh dawh tak hen ka nan siam lai.

ISAI 64:10

Na khuapi thenhlimh tla chu a karo hen a um: Jerusalem chu râwk dep hen a um,

JEREMIA 22:6

“Juda lal in chu kei rangah chun Gilead ram leh Lebanon Tlâng hâwi hen â dawh le; sikhawmsele ram lâwng âukhawm umlonâk mun ah ka siam awt.

JEREMIA 4:7

Chakeibaknei â thupnâk mun ah mi a hawng mi hâwi hen, phun tla râwktu a hawng suak rawh. Juda tla râwk ding hen a hawng kal. Juda khuapi tla chu râwk dep hen kaltâk asi lai le, a sungah pakhat khawm an um lai lo.

JEREMIA 44:2

LALPA, Zeizawng tikho, Israel Pathian nih, “Jerusalem leh Juda khuapi dang tla zawzawng tlûnah siatnâk ka hawng tlungtir mi tla chu nanmah ngelchel nih nan muh.

JEREMIA 52:27

Hamath ram ah Riblah khua ah um mi sinah a kalpi na. Chunah chun lalchem nih a rêp na le, a thah na. Churawhchun, Juda mi tla chu sal ah put hen an um rawh.

EZEKIEL 6:6

Israel khuapi zawzawng chu râwk hen a um lai le, churawhchun an mâichâm leh an milem zawzawng chu mân dip hen a um lai, an rimthâw duahnâk mâichâm tla chu â râwk lai le, an thilsiam zawzawng a vei hep lai.

DANIAL 8:13

Vânmifial pakhat nih a dang rangah thu a deih mi ka theih le, “Hi langhnâk lakah mi thil tla hi zeitiang me a um vima awt? Hi nisiar bâwlnâk hi zeitiang hi sualnâk ṭihnungkâi nih a luah awt? Vân ah mi kawrsen tla leh Biakin chu zeitiang riamruam me lamhbêk hen a um awt?” a ti.

LEVITICUS 26:31

Fih hen nan khuapi tla chu ka râwk lai le, nan pathian sawnhnâk tla khawm râwk hen, nan bâwlnâk ka nawng awt.

LEVITICUS 26:33

Nan tlûnah râltuknâk ka hawng tlungtir lai le, ramdang leiah nanna thektham ver lai. Nan ram tla a karo hen a um lai le, nan khuapi tla râwk hen a um lai.

MIKAH 2:4

Chu chu a hawng tlung tik chun mi nih a sia leikâng hen nan thâwng an sim lai le, nan thinlung lungdawngh kâi tak chu la hen an sak lai: Kanna râwk dep rawh! Kan ram chu LALPA nih a lâk le, Sal ah hawng kan puttu tla sinah a pêk ving rawh, ti mi hi an sak lai,” a ti.

MIKAH 5:11

Na ram ah khuapi tla ka râwk lai le, a vêngtu tla khawm ka veih phin lai.

MIKAH 6:13

Churuang chun nan thilsual ti ruangah nanmah siat leh râwknâk tlungtir ding hen ka dawmh ko rawh.

MIKAH 7:13

Sikhawmsele a tlûnah misual um mi tla ruangah tual chu ramkaro hâwi hen a hawng um rawh.

DEUTERONOMY 28:62

Vân ah ârfi zat hen tam khawm ule, a leifuan chu tâwmtê cho nan si lai, LALPA nan Pathian thu nan ngâilo ruangah.

DEUTERONOMY 28:63

LALPA nih nan sul-le-lam a tluang tir hen zantir na ding a duh mi hâwitê hen nan lakah an veih na ding leh siatnâk nan tlûnah tlungtir ding a duh rûl rawh. Nan umnâk ram ah mi an ṭhial ving na lai.